Joshuwa 2:16 - EBƆRƐ BE KAWƆL

¹⁶ Kumo be kaman nɛ e kaŋɛ bumo le: “Men ya ŋana abee to, saŋɛ na so basa nɛ baa fin menyi na maaŋ wu menyi. Men ba wɔ abee na to n ya fo nchɛ nsa. B kaŋ fin menyi ŋ gben nseŋ bɛta m ba na pɔɛŋ nɛ men baa yɔ kakpa nɛ menyee yɔ.”

Joshuwa 2:16 Iomraidhean Croise

Nshɛ 11:1

Ŋkpal Enyɛnpe Ebɔrɛ na ka la ma ekumpo so, k maŋ la kesheŋ tirso fanɛ fo kaŋɛ ma fanɛ n firgi fanɛ kabuibi n yɔ kebeegboŋ so be kakpa nɛ meeŋ nya kekuŋ.

Jeems 2:25

An naŋ ta sakaleche Reehab, mannɛ kelela nɛ e daŋ wora Israɛlebi be mbɔ ŋ keta bumo kufɔ nseŋ ŋini bumo ekpa nɛ b bɔla ŋ gelge bumo doŋana n yɔ na so e shin nɛ Ebɔrɛ daŋ yili kumo fanɛ e maŋ kɔ kulubi mo to na a?

Joshuwa 2:15

Ndoŋ nna nɛ Reehab ta efɔl n chɛ n chulgi mbe tokuro to nɛ basa na bɔla kumo so ŋ gbelge to, ŋkpal manɛ so mbe ebu daa yil egbal nɛ b pɔr ŋ kulti kade na so nna.

Joshuwa 2:22

Nɛ basa nɛ b ba nɛ b ba ŋana n dara efuli na lar n ya ŋana abee na to nchɛ asa nɛ basa nɛ baa fin bumo na fin bumo ŋ gben nseŋ bɛta n yɔ Jɛriko.

1 Samuɛl 23:14

Deevid daŋ ya ŋana abeelaŋ nɛ a wɔ keshishɛrsawule nɛ baa tre Ziif na to nna. Sɔɔl daŋ baa fin mo nna saŋkama, ama Ebɔrɛ daa maŋ ta Deevid m bɔɔ mo enɔ.

1 Samuɛl 23:29

Kede be kaman nɛ Deevid lar ndoŋ n ya ŋana kakpa nɛ k beeŋ baa du kpakpa nɛ b wu mo ashi Engedi be kebonfu so.