Joshuwa 2:14 - EBƆRƐ BE KAWƆL

¹⁴ Nɛ basa na yɛ: “Nɛ an baŋ maŋ wora kusɔ nɛ anyee shin nɛ an kaŋɛ fo ere, Ebɔrɛ e mɔ anyi. An nase kɔnɔ fanɛ nɛ fo baŋ maŋ kaŋɛ basa kusɔ nɛ anyee wora ere bre, kumo ere nɛ Enyɛnpe Ebɔrɛ na baŋ ta kasawule ere n sa anyi bre, anyeeŋ wora menyi kelela.”

Joshuwa 2:14 Iomraidhean Croise

Jɛnesis 24:49

Amoso naniere, men jande, men kaŋɛ ma, Menyeeŋ wora n nyɛnpe na kelela ŋko men maaŋ wora loŋ? Nɛ menyeeŋ wora loŋ, men kaŋɛ ma, nɛ men maaŋ wora loŋ malɛ, men kaŋɛ ma, saŋɛ na so meeŋ pin kakpa nɛ meeŋ naŋ sɔ to.”

Jɛnesis 47:29

Mbe luwu be saŋɛ ka ba kaa taga to nɛ e tre Josɛf ŋ kaŋɛ mo: “Nɛ fo baa sha ma asheŋ bre, fo ŋini ma kelela nseŋ ji kashenteŋ n ta fo enɔ n wɔtɔ ma kebembi be kaseto n nase kɔnɔ kpakpaso fanɛ ŋ kaŋ wu, fo maaŋ puli ma Ijipt nfe.

2 Samuɛl 2:5

nɛ e shuŋi benyɛn ko fanɛ b ta kubɔya ere n ya sa bumo: “Enyɛnpe Ebɔrɛ e nɛfa menyi ŋkpal men ka wora menyi be ewura kelela nseŋ puli mo so.

2 Samuɛl 2:6

Enyɛnpe Ebɔrɛ be alelasheŋ nɛ mbe kagbene koŋwule so be asheŋ woraso e baa wɔ menyi so. Ma alɛ gba beeŋ keta menyi nɛnɛ ŋkpal kusɔ nɛ men wora ere so.

2 Samuɛl 9:1

Kachako nɛ Deevid bishi le: “Esa ko kraa wɔ Sɔɔl be kanaŋ ere to nɛ meeŋ tiŋ n wora mo kelela ŋkpal Jonatan so a?”

1 Bewura 20:39

Ewura na ka bee choŋ nɛ anebi na boŋ to n tre mo nseŋ kaŋɛ mo le: “Yiramu! Kena nɛ anyee kɔ nɛ enapo ko keta edompo ko ka shile kena m ba ŋ kutɔ m ba kaŋɛ le: ‘Baa keni kanyɛn ere so, nɛ fo baŋ yige nɛ e shile, feeŋ paŋ fo ŋkpa, ŋko ŋ ka gbiti be ndarbi ŋgboŋ asa.

Aŋasa 14:22

Bumo nɛ baa kre asheŋ lubi beeŋ foe, ama bumo nɛ baa kre alelasheŋ beeŋ nya basa be kasha nɛ yirda.

Aŋasa 18:24

Beteri damta beeŋ tiŋ n jija esa be kebaawɔtɔ; ama eteri ko chɔ eniopibi.

Matiu 5:7

Kagbenefuli la kuwɔrwupoana peya nna, ŋkpal manɛ so, Ebɔrɛ beeŋ wu bumo alɛ gba kuwɔr.

Ashuŋ Shunso 23:22

Nɛ benapo be enimu na kaŋɛ mo: “Sa maŋ kaŋɛ esa kikɛ fanɛ fo e kute le be kesheŋ ere n sa ma kikɛ.” Kumo be kaman nɛ e shin nɛ kabrantiɛbia na yɔ.

Joshuwa 2:13

Men nase kɔnɔ fanɛ menyi maaŋ wora n tuto nɛ n nio nɛ n siponyɛnana nɛ n sipocheana nɛ bumo be basa kikɛ shɛŋ nsaa beeŋ mɔlga anyi ashi luwu to.”

Joshuwa 2:15

Ndoŋ nna nɛ Reehab ta efɔl n chɛ n chulgi mbe tokuro to nɛ basa na bɔla kumo so ŋ gbelge to, ŋkpal manɛ so mbe ebu daa yil egbal nɛ b pɔr ŋ kulti kade na so nna.

Joshuwa 6:17

Men mur kade na nɛ kusɔ kama nɛ k wɔ kumo to kikɛ nɛ kumo be loŋ e baa la sarga n sa Enyɛnpe Ebɔrɛ na. Sakaleche Reehab nɛ basa nɛ b wɔ mbe laŋ to nawule e naaŋ ji efute ŋkpal e ka daŋ ta basa nɛ an shuŋi fanɛ b ya dara kasawule na ŋ ŋana so.

Joshuwa 6:22

Ndoŋ nna nɛ Joshuwa kaŋɛ basa anyɔ nɛ b daŋ shuŋi fanɛ b ya dara kade na le: “Men luri sakaleche na be laŋ to n lara mo nɛ mbe laŋ to ebi kikɛ ŋkpal manɛ so, loŋ be kɔnɔ nɛ men nase n sa mo.”

Joshuwa 6:25

Joshuwa daŋ yige Reehab nɛ basa nɛ b wɔ mbe laŋ to kikɛ bre nna ŋkpal e ka daŋ ta basa anyɔ nɛ e shuŋi Jɛriko na ŋ ŋana so so. (Reehab be kaman to ebi kraa wɔ Israɛl be efuli so hale kabre).

1 Samuɛl 20:8

Jande, wora ma kechɛto nseŋ bɛ kɔnɔ nɛ ma nɛ fo yili Enyɛnpe Ebɔrɛ be ketre so n nase na so. Nɛ n wora kulubi nna, kumo ere fo gbagba mɔ ma bɔ fo ka ta ma n sa fo tuto nɛ e mɔ.”