Joshuwa 2:11 - EBƆRƐ BE KAWƆL

¹¹ An ka nu loŋ nɛ anyi be ŋgbene jija anyi ga nɛ ekama malɛ gba be aba pɔ mo ŋkpal menyi so. Enyɛnpe menyi be Ebɔrɛ na e naa ji kuwura esoso nɛ kasawule so kikɛ.

Joshuwa 2:11 Iomraidhean Croise

1 Bewura 8:60

Saŋɛ na so durnya kikɛ beeŋ pin fanɛ fo Enyɛnpe na nawule e la Ebɔrɛ. Ebɔrɛ kikɛ maŋ naa wɔtɔ.

2 Bewura 5:15

Kede be kaman nɛ Neeman nɛ basa nɛ mo nɛ bumo daŋ yɔ ndoŋ na kikɛ bɛta m ba anebi Elaisha kutɔ nɛ Neeman kaŋɛ le: “Naniere nɛ m pin fanɛ Ebɔrɛ kikɛ maŋ naa wɔtɔ ama Israɛl be Ebɔrɛ ere nawule. Amoso jande, sɔ ma kakɛ ere.”

Nehemaya 6:16

Anyi doŋana nɛ b wɔ efuli pɔtɛ so na ka nu loŋ nɛ kufu pɛ bumo, ŋkpal ekama na ka pin fanɛ Ebɔrɛ be kechɛto so nɛ kushuŋ na tiŋ n loge.

Ɛsta 8:17

Efuli kama nɛ kade kama to nɛ ewura na be mbra na yɔ, Juwebi nɛ b wɔ ndoŋ be ŋgbene bee fuli bumo nna ga nɛ baa ji eyur nsaa wora kejigboŋ. Ŋkpal loŋ so basa damta daŋ ta bumo be amu nna ŋ ki Juwebi ŋkpal b ka bee ŋana Juwebi na so so.

Nshɛ 102:15

Efuli pɔtɛana so be basa beeŋ ŋana fo, Enyɛnpe Ebɔrɛ na, be ketre na. Nɛ durnya to be bewuraana kikɛ e ta bunyaŋ gboŋ gboŋi n sa fo.

Nshɛ 22:14

Ma eleŋ kikɛ loge nna fanɛ nchu ka feeto na, nɛ ma echɛkpaana du fanɛ ma awibi ka maŋ naa chɔ abar so na. Ma kagbene malɛ ki fanɛ ŋku bumbuŋ ka ŋalga na nna.

Nshɛ 58:7

Shin nɛ b foe fanɛ kabombi to be nchu ka wɔlto na. B baŋ gberge bumo be ata to, fo shin nɛ atanyembi na be nnɔ e gbel.

Nshɛ 83:18

Shin nɛ b pin fanɛ fo e la Enyɛnpetale Ebɔrɛ. Fo alɛ nawule e naa ji kuwura durnya kikɛ so.

Ɛksodɔs 15:14

Efuli pɔtɛana so ebi gba kaŋ nu kesheŋ ere, kufu beeŋ pɛ bumo nɛ Filistiebi gba e fara a chicha kufuso ga.

Ɛksodɔs 15:15

Kufu beeŋ pɛ Edɔm be bewuraana nɛ Mowab be bejuŋkparpoana ga ŋkpal loŋ so. Keenan be basa kikɛ beeŋ pɔ aba,

Aizaaya 13:7

Kufugboŋ beeŋ tɔr basa kikɛ so nɛ bumo be mbre e yulge bumo nɛ bumo be kenyɛn kikɛ e foe. Nɛ ebesagboŋ e tɔr ekama so fanɛ kakurge be ebesa ka tɔr eche nɛ e bee kurge so na. Anishinyɔr beeŋ pɛ bumo nɛ b kurgi amu n yuu to a maaŋ naŋ tiŋ ŋ keni abar be anishito.

Aizaaya 19:1

Kubɔya nɛ k wɔtɔ a laŋɛ Ijipt be efuli be kaplɛa so nde. Enyɛnpe Ebɔrɛ na bɔla kuwɔlpa so nna a ba Ijipt be efuli so manaŋ manaŋ. Kufu pɛ Ijipt be agbirana nna nɛ a bee chicha mbe anishito, nɛ kumo be basa malɛ be ŋgbene jija bumo ga nɛ b paŋ kenyɛn.

Ezikɛl 21:15

Saŋɛ na so kufu beeŋ pɛ basa; nɛ galeŋga e chicha n fiti n tɔr. N wora ma tokobi shiriya nɛ k mɔ ashi bumo be mbunaana kikɛ ase. N tiŋ n yee kumo nna nɛ k bee kpa edɛ fanɛ bɔrɛ ka bee nyɛkpɛ na, nseŋ pɛ kumo to nɛ m mɔ.

Nahum 2:10

Ninɛve bure nɛ kumo to be basa shile n lar kumo to; nɛ ki kade bureso a dese fuloŋ, nɛ shɛŋ maŋ naa wɔ kumo to! Nɛ kufugboŋ tɔr basa so nɛ baa chicha. Bumo be eleŋ kikɛ loge; nɛ bumo be anishiakpa ki foleebi.

Ditɛronɔmi 1:28

Manɛ so nɛ anyi beeŋ yɔ ndoŋ? Anyi bee lɔ kufu nna, ŋkpal manɛ so, basa nɛ an shuŋi na kaŋɛ anyi fanɛ basa nɛ b wɔ ndoŋ na kɔ eleŋ a chɔ anyi nsaa du jeŋgreŋ a chɔ anyi. Kumo be kaman, bumo alɛ naa wɔ ndegboŋ nɛ b pɔr egbal jeŋgreŋ, nɛ a du fanɛ a ka fo awɔlpa to, ŋ kulti na to. B yɛ, b wu basa nɛ b pɔlto nsaa du jeŋgreŋ gba ndoŋ.’

Ditɛronɔmi 20:8

Ade be kaman, nɛ benimuana na e naŋ kaŋɛ benapo na le: “Esa ko wɔ nfe nɛ kagbenejija shin nɛ kufu pɛ mo a? Kumo ere e bɛta a yɔ epe. Nɛ mannɛ aloŋ e beeŋ ta kufu m pɛ benapo nɛ b ka na nɛ b pɔ aba.”

Ditɛronɔmi 4:39

Amoso men nyiŋi kabre fanɛ Enyɛnpe Ebɔrɛ na e la Ebɔrɛ ashi ebɔrɛso nɛ kasawule so kikɛ. Ebɔrɛ kikɛ maŋ naa wɔtɔ n ti mo so.

Joshuwa 14:8

Basa nɛ ma nɛ bumo daŋ yɔ na daŋ ta kufu damta nna n wɔtɔ anyi be basa to. Ama ma ere daŋ wora Enyɛnpe Ebɔrɛ na kasonu nna kashenteŋto.

Joshuwa 2:24

Le nɛ b kaŋɛ Joshuwa: “Enyɛnpe Ebɔrɛ na ta bumo be kasawule na kikɛ m bɔɔ anyi enɔ. Kufu daŋ pɛ basa na ga nna ŋkpal anyi so.”

Joshuwa 5:1

Amɔriebi be bewura nɛ b wɔ Jɔɔdan be epeŋitɔrkpa na nɛ Keenan be bewura nɛ b chena m mata teku nɛ baa tre Mɛditerenia na kikɛ ka nu kananɛ Enyɛnpe Ebɔrɛ shin nɛ Jɔɔdan be lɔr na ku to nɛ Israɛlebi na nite kumo to n dii na nɛ bumo ŋgbene fara a ku nɛ baa ŋana ketu Israɛlebi na ŋ kɔ.

Joshuwa 7:5

nseŋ mɔ Israɛlebi na be basa adesa nɛ ashe kikɛ. Aiebi na daŋ yili kade na be kabunagboŋ na ase nna n ju Israɛlebi na hale n ya fo kakpa nɛ baa bure ajembu to a pɔr na. Ndoŋ nɛ Israɛlebi na be aba pɔ bumo nɛ kufu pɛ bumo ga.

Joshuwa 9:24

Nɛ Gibiɔnebi na malɛ kaŋɛ Joshuwa le: “Fo nyɛrbi nu kananɛ Enyɛnpe, menyi be Ebɔrɛ na kaŋɛ mbe kayɛrbi Mosis fanɛ e ta kasawule na kikɛ n sa menyi nɛ men mɔ basa kama nɛ b tase kumo so na kikɛ. Kumo be kufu e daŋ pɛ anyi so nɛ an fule menyi na.

Kelaraŋŋini 6:16

Ade be kaman nɛ b fara a tre abeegboŋana na nɛ afaltaana na fanɛ a ka la enyiŋgbasa a kaŋɛ amo le: “Men tɔr anyi so n ta anyi ŋ ŋana esa nɛ e tase mbe kuwurputi so na nɛ Kpakpafɔlbi na be agbo so.