Joshuwa 2:1 - EBƆRƐ BE KAWƆL

¹ Saŋɛ nɛ Israɛlebi na be keeyi to daa wɔ Shitim na nɛ Nun pibi Joshuwa shuŋi basa anyɔ fanɛ b dii Jɔɔdan be lɔr na be kaba ndoŋ n ya ŋana n dara Keenan be kasawule na, fɔnfɔŋ Jɛriko. Basa na ka fo Jɛriko be kade to nɛ b ya luri sakaleche ko nɛ baa tre Reehab be laŋ to.

Joshuwa 2:1 Iomraidhean Croise

Jɛnesis 42:16

Amoso men shuŋi menyi to be eko nɛ e ya bar men sipobi na, ama baaŋ ti menyi nɛ men ka na ebu, saŋɛ na so anyeeŋ bɔla men gbagba be mmalga so ŋ keni, kashenteŋ nɛ menyee ji ere a? Nɛ k kaŋ ba fanɛ mannɛ kashenteŋ nɛ menyee ji, kumo ere m bɔ ewura Fɛɛro be kuwurputi fanɛ men ba nna nɛ men ba dara anyi be efuli nna.”

Jɛnesis 42:9

Ndoŋ nna nɛ e nyiŋi mbe edareana nɛ e daŋ ku a laŋɛ bumo be kaplɛa so saŋɛ nɛ mo nɛ bumo kikɛ daa wɔ Keenan na nseŋ kaŋɛ bumo le: “Men la bedarapo nna. Men ba nfe nna nɛ men ba dara m pin efuli ere so be kakpa nɛ bekumpo maŋ wɔ.”

Maika 6:5

Ma basa, men baa nyiŋi kusɔ nɛ Mowab be ewura Balak daŋ kre kewora menyi nɛ kusɔ nɛ Biyɔɔ pibinyɛn Balaam daŋ kaŋɛ mo a laŋɛ menyi be kaplɛa so na. Men naŋ nyiŋi asheŋ nɛ e wora saŋɛ nɛ men lar Shitim a yɔ Gilgaal na nseŋ nyiŋi kananɛ ma, Enyɛnpe Ebɔrɛ na mɔlga menyi ale damta.”

Nɔmbɛs 13:1

Le nɛ Enyɛnpe Ebɔrɛ kaŋɛ Mosis:

Nɔmbɛs 13:2

“Lara Israɛl be yiri kuduanyɔ na to be kekama be ejuŋkparpo n shuŋi bumo nɛ b ya dara Keenan be kasawule nɛ mee ta a sa Israɛlebi na.”

Nɔmbɛs 25:1

Saŋɛ nɛ Israɛlebi na daŋ wora bumo be keeyi to ashi kepla nɛ baa tre Akasia na, nɛ bumo be benyɛn ko fara a di Mowab be beche nɛ b wɔ ndoŋ na.

Matiu 1:5

Salmon e daŋ ta Reehab ŋ kurge Bowas nɛ Bowas malɛ ta Ruf ŋ kurge Obɛd nɛ Obɛd malɛ pibi daa la Jɛsi.

Matiu 10:16

Kede be kaman nɛ e naŋ kaŋɛ: “Kashenteŋto, mee shuŋi menyi nna nɛ menyi nɛ durnya ere to ebi e ya kaa wɔtɔ fanɛ mbolpɔ kaa wɔ ekuntuŋ to na. Men baa nyi asheŋ, a de men be amu so fanɛ awɔ nsaa du boeŋ fanɛ ali.

Ɛfesesebi 5:5

Men baa nyi kesheŋ ere geeŋ fanɛ esa kama nɛ e kɔ kesakalea be kebaawɔtɔ ŋko eyurpisheŋ ŋko esa kama nɛ e kɔ kejimuni maaŋ luri Kristo nɛ Ebɔrɛ be kuwura na to. Kejimuni du fanɛ kagbirshuŋ nna.

Hibruwebi 11:31

Sakaleche Reehab be yirda so nɛ Israɛlebi daa maŋ mɔ mo n ti basa nɛ b daa maŋ kɔ kasonu ana so na, ŋkpal manɛ so, Reehab daŋ sɔ bumo nɛ b daŋ yɔ kade na be kebɔɔso ŋ keni na so nna nɛnɛ.

Jeems 2:25

An naŋ ta sakaleche Reehab, mannɛ kelela nɛ e daŋ wora Israɛlebi be mbɔ ŋ keta bumo kufɔ nseŋ ŋini bumo ekpa nɛ b bɔla ŋ gelge bumo doŋana n yɔ na so e shin nɛ Ebɔrɛ daŋ yili kumo fanɛ e maŋ kɔ kulubi mo to na a?

Joshuwa 1:18

Ekama nɛ e kini kebɛ fo mmalga nɛ kusɔ kama nɛ fo kaŋɛ so, daga luwu nna. Kusɔ nɛ k wɔtɔ e la fanɛ baa leŋ fo kumu to nsaa kɔ kagbene.”

Joshuwa 2:2

Nɛ Jɛriko be ewura nu fanɛ Israɛlebi ko ba ndoŋ nɛ b ba ŋana n dara bumo be kasawule.

Joshuwa 21:31

Hilkaf nɛ Rehɔb, n ta amo be asɔbɔya be ejikpa be nsawule n ti so.

Joshuwa 3:1

Kare ka chɛ kachipurdidi nɛ Israɛlebi na kikɛ lar Shitim be keeyi to n yɔ Jɔɔdan be lɔr na ase n ya wora bumo be keeyi to ndoŋ pɔɛŋ nseŋ dii lɔr na.

Joshuwa 5:10

Kafɛ na to be kufɔl sososo na be kachɛ kuduanasopo na be kaaseso nɛ Israɛlebi na ji kebansonchoŋ be kejigboŋ na ashi bumo be keeyi to ashi Gilgaal nɛ k mata Jɛriko na.

Demujipoana 1:23

Ndoŋ nna nɛ b shuŋi basa ko fanɛ b ya dara Bɛtɛl be kade na m ba

Demujipoana 18:14

Ndoŋ nna nɛ basa anu nɛ b ya dara kasawule na m ba na kaŋɛ bumo be basa le: “Men nyi fanɛ bɔrɛmatapoana be piŋi nɛ agbirana be yiri yiri nɛ b shɛl amo nseŋ ŋalga gbiti ŋ gbiti amo wɔ nwuana ere be kuko to a? Manɛ nɛ menyee fɛ fanɛ an wora?”

Demujipoana 18:17

nɛ basa anu nɛ b ya dara kasawule na ŋ keni na bre luri laŋ na to n ya ta bɔrɛmatapoana be piŋi na nɛ agbirana na. Loŋ be jemanɛ nɛ bɔrɛmatapo na nɛ benapo alfa ashe na yil laŋ na be kabuna to.

Demujipoana 18:2

Ndoŋ nna nɛ Dan be basa lara benapo anu nɛ b shi Zora nɛ Ɛshtaɔl fanɛ b yɔ n ya dara kasawule ko m ba. B daŋ keni nnaŋ na to nna n lara basa na nseŋ kaŋɛ bumo le: “Men yɔ n ya dara kasawule na ŋ keni.” B ka ta n yɔ na nɛ b ya lar Efrayim be kepreŋsawule so nseŋ ya luri Maika be laŋ to n di ndoŋ ŋklade.