Joshuwa 18:8 - EBƆRƐ BE KAWƆL

⁸ Pɔɛŋ nɛ basa na lar nɛ b ya wora kasawule na be ndulgi be nwɔl na, le nɛ Joshuwa daŋ kaŋɛ bumo: “Men ya keni kasawule na kikɛ nɛ kananɛ k dese nseŋ wora kumo be ndulgi be nwɔl pɔɛŋ nseŋ bɛta m ba ŋ kutɔ, nɛ n to beri ashi Shilo nfe m bishi Enyɛnpe Ebɔrɛ kusɔ nɛ k wɔtɔ n sa menyi.”

Joshuwa 18:8 Iomraidhean Croise

Jɛnesis 13:17

Koso n nite kasawule na be nteŋ to nɛ mparto kikɛ, ŋkpal manɛ so, fo nɛ meeŋ ta kumo n sa.”

Aizaaya 34:17

Enyɛnpe Ebɔrɛ na beeŋ barga kasawule na to n sa bumo nseŋ sa ekama mbe kachige nɛ b baa wɔ ndoŋ nfɛ damta. Saŋɛ na so kasawule na beeŋ baa la bumo peya mbaanaayɔ.

Romebi 14:19

Amoso, men shin nɛ an baa wora ania saŋkikɛ a wora asheŋ nɛ a bee bar kagbenewushi nɛ asheŋ nɛ a beeŋ tiŋ n chɛ to n shin nɛ an baa leŋ abar to.

Joshuwa 13:7

Barga kumo to n sa Israɛl be eyiri akpanu nɛ a ka na nɛ Manase be yiri to be basa be bargato nɛ b ka na.”

Joshuwa 15:1

Juda gba be yiri to ebi na daŋ nya kasawule na be kaba ko nɛ k dese kelargato be kaseto be kaba so a yɔ Zin be keshishɛrsawule so ashi Edɔm be kasawule be ekar na nna.

Joshuwa 18:1

Israɛlebi na ka kɔ n sɔ kasawule na n loge, nɛ bumo kikɛ ya gama abar so ashi Shilo nseŋ yuu Enyɛnpe Ebɔrɛ be nshɛr be wajɛbu ndoŋ.

Joshuwa 18:10

Nɛ Joshuwa to beri m bishi Enyɛnpe Ebɔrɛ kusɔ nɛ k wɔtɔ nseŋ chige kasawule na to n sa Israɛl be eyiri nɛ a ka na.

Joshuwa 18:6

Kumo be kaman nɛ men wora kasawule na be mba ashunu na kikɛ be nwɔl m bar ma. Saŋɛ na so meeŋ to beri m bishi kusɔ nɛ Enyɛnpe Ebɔrɛ kɔ n sa menyi.

Joshuwa 18:9

Ndoŋ nna nɛ benyɛn na ya nite kasawule na so kikɛ nseŋ wora kananɛ b barga kumo to mba ashunu na nɛ nde nɛ a wɔ kumo so kikɛ n wɔtɔ kawɔl to. B ka loge nɛ b bɛta n yɔ Joshuwa kutɔ ashi bumo be keeyi to ashi Shilo.

1 Samuɛl 14:41

Nɛ Sɔɔl kule Enyɛnpe Israɛl be Ebɔrɛ na ŋ kaŋɛ le: “Enyɛnpe, manɛ nna nɛ fo maŋ tuge ma kabre? Jande ŋini anyi esa nɛ e wora kulubi. Nɛ ma nɛ m pibinyɛn Jonatan e wora kulubi ŋko fo basa Israɛlebi na e wora kulubi, fo kaŋɛ anyi.” Nɛ bɔrɛmatapo na bishi Ebɔrɛ nseŋ wu fanɛ kulubi na shi Jonatan ŋko Sɔɔl kutɔ nna.