Joshuwa 18:7 - EBƆRƐ BE KAWƆL

⁷ Men sa maŋ kaŋ sa Livaiebi na bre men be kasawule na be kachige kikɛ, ŋkpal manɛ so, Enyɛnpe Ebɔrɛ be kabɔrɛmata be kushuŋ na e la bumo be kachige. Gad nɛ Ruben nɛ Manase be yiri na be bargato bre tiŋ n nya bumo be nsawule ashi Jɔɔdan be lɔr na be epeŋilarkpa na be kaba so. Enyɛnpe Ebɔrɛ be kayɛrbi Mosis e daŋ ta kumo n sa bumo.”

Joshuwa 18:7 Iomraidhean Croise

Nɔmbɛs 18:20

Nɛ Enyɛnpe Ebɔrɛ naŋ kaŋɛ Ɛɛrɔn le: “Fo maaŋ nya kasawule be kachige nɛ k beeŋ baa la fo kapetɛ ashi Israɛl be kasawule so. Ma Enyɛnpe Ebɔrɛ na e naŋ baa la fo kapetɛ.”

Nɔmbɛs 18:23

Livaiebi na nawule e naa ba shuŋ wajɛbu na to nɛ kumo be kewora n da so be turju e ba bɛ bumo. Le be mbra ere dese nna n sa menyi nɛ men be kaman to ebi kikɛ mbaanaayɔ. Bumo alɛ maaŋ nya kapetɛ kikɛ ashi Israɛlebi na to,

Nɔmbɛs 18:7

Fo nɛ fo mbinyɛnsobi nawule e naaŋ baa shuŋ kabɔrɛmata be kushuŋ na ashi bɔrɛsure na so nɛ acheembiana to be kakpa cheembi na to. Ŋkpal manɛ so ma e ta kabɔrɛmata be kushuŋ ere n sa menyi. Amoso esa kama nɛ e ta kpramɛ n shuŋ kumo, daga b ka mɔ mo.”

Ditɛronɔmi 10:9

Amoso nɛ Livai be yiri to ebi maŋ nya kachige ashi kasawule na be kebarga to n sa eyiriana na to na. Enyɛnpe Ebɔrɛ na e naaŋ baa la bumo be kapetɛ fanɛ kananɛ e nase kɔnɔ n sa bumo na.)

Joshuwa 12:6

Mosis nɛ Israɛlebi na daŋ kɔ nna m pɔɔ le be bewura anyɔ ere so, nɛ Enyɛnpe Ebɔrɛ be kayɛrbi Mosis barga bumo kasawule to n sa Ruben nɛ Gad be eyiri na nɛ Manase be yiri be bargato fanɛ k ki bumo be kapetɛ.

Joshuwa 13:33

Ama Livai be yiri na bre, Mosis daa maŋ sa bumo kasawule. Esarga nɛ baa lara a sa Enyɛnpe Israɛl be Ebɔrɛ na e daa la bumo be kapetɛ.