Joshuwa 18:4 - EBƆRƐ BE KAWƆL

⁴ Men lara yiri kama to be benyɛn asa asa n sa ma nɛ n shuŋi bumo nɛ b ya dara kasawule na kikɛ nɛnɛ nseŋ wora kumo be kakpa nɛ baaŋ baa sha fanɛ k ki bumo be kapetɛ na be ndulgi be nwɔl. Kumo be kaman nɛ b bɛta m ba ŋ kutɔ.

Joshuwa 18:4 Iomraidhean Croise

Maika 2:5

Amoso menyi maaŋ naa kɔ kachige ashi Enyɛnpe Ebɔrɛ na be basa to ŋkpal manɛ so, esa kikɛ maaŋ baa wɔtɔ nɛ e yili menyi be katelamu to n sɔ kachige na.”

Nɔmbɛs 1:4

Men shin nɛ yiri kikɛ to be enimu koŋwule e chɛ menyi to.”

Nɔmbɛs 13:2

“Lara Israɛl be yiri kuduanyɔ na to be kekama be ejuŋkparpo n shuŋi bumo nɛ b ya dara Keenan be kasawule nɛ mee ta a sa Israɛlebi na.”

Joshuwa 18:3

Ndoŋ nna nɛ Joshuwa kaŋɛ Israɛlebi na le: “Nchɛ afanɛ nɛ menyeeŋ sha nɛ men jo pɔɛŋ nseŋ ya sɔ kasawule nɛ Enyɛnpe nɛ e la men nananyɛnana be Ebɔrɛ na sa menyi na?

Joshuwa 18:5

Saŋɛ na so, baaŋ barga kasawule na to mba ashunu, nɛ kelargato be kaseto be kaba so be kasawule na e baa la Juda be yiri to ebi peya nɛ Josɛf be yiri to ebi malɛ peya e baa la kelargato be esoso be kaba so na.

Joshuwa 18:6

Kumo be kaman nɛ men wora kasawule na be mba ashunu na kikɛ be nwɔl m bar ma. Saŋɛ na so meeŋ to beri m bishi kusɔ nɛ Enyɛnpe Ebɔrɛ kɔ n sa menyi.

Joshuwa 18:9

Ndoŋ nna nɛ benyɛn na ya nite kasawule na so kikɛ nseŋ wora kananɛ b barga kumo to mba ashunu na nɛ nde nɛ a wɔ kumo so kikɛ n wɔtɔ kawɔl to. B ka loge nɛ b bɛta n yɔ Joshuwa kutɔ ashi bumo be keeyi to ashi Shilo.

Joshuwa 3:12

Amoso men lara Israɛl be nnaŋ kuduanyɔ na to be basa akoko.

Joshuwa 4:2

“Shin nɛ basa akoko nɛ fo lara Israɛl be nnaŋ kuduanyɔ na to be ekama