Joshuwa 18:16 - EBƆRƐ BE KAWƆL

¹⁶ nseŋ naŋ yili ndoŋ n yɔ kebee nɛ k shoŋi Bɛn Hinnɔm be ketaŋɛ, nsaa wɔ Refaebi be ketaŋɛ na malɛ be kelargato be esoso be ekarso na be kifito, nseŋ kilgi n sɔ kelargato be kaseto be kaba so m bɔla Hinnɔm be ketaŋɛ na to ashi Jebusiebi be kebee so a laŋɛ En Rogɛl be kaba so,

Joshuwa 18:16 Iomraidhean Croise

2 Samuɛl 17:17

Abiata pibinyɛn Jonatan nɛ Zadɔk pibinyɛn Ahimaaz daa jo Ɛnrogɛl be kebuye na ase nna ashi Jerusalɛm be kade be ekarso ŋkpal manɛ so b daa maa sha b ka wu bumo nɛ baa luri kade na to. Kebichebi ko malɛ e naa kaa kaŋɛ bumo kusɔ nɛ k bee wora nɛ bumo alɛ e ta n ya kaŋɛ ewura Deevid.

2 Samuɛl 5:18

Nɛ Filistiebi be benapo na pesaŋ to n sɔ Refaebi be ketaŋɛ na to kikɛ.

1 Bewura 1:9

Kachako nɛ Adonija ta mbolpɔ nɛ egbolu nɛ anafɔlbi nɛ b daa walɛ eyurto n lara sarga ashi kefalta nɛ baa tre ‘Kuwɔ’, nɛ k mata kebuye nɛ baa tre Enrogɛl na ase. E daŋ tre mo sipo nyɛnsobiana nɛ ewura Deevid be benimuana nɛ b shi Juda na nna m ba loŋ be sarga be kejigboŋ na to.

2 Bewura 23:10

Ewura Josaya daŋ bɔla daŋkare be ekpa so nna n jija Tofɛf nɛ k wɔ Bɛnhinnɔm be ketaŋɛ to be bɔrɛsure na, saŋɛ na so b maaŋ naa ta bumo be bibinyɛn ŋko bibiche a lara sarga a sa Mɔlɛk be kegbir na.

1 Kronikɛls 14:9

Loŋ be jemanɛ na nɛ Filistiebi be benapo na ta kena n ya purgi Refaebi be ketaŋɛ to be ndeana nsaa muu bumo be asɔ.

2 Kronikɛls 28:3

E daa chɔɔ duwu ashi kepla nɛ baa tre Hinnɔm na so nna hale n ta mo gbagba be mbinyɛnsobi n lara sarga chɔɔso n sa agbir. Mo alɛ daa kute basa nɛ b daa wɔ Israɛl be efuli so nɛ Enyɛnpe Ebɔrɛ ju bumo saŋɛ so nɛ Israɛlebi daŋ ba kasawule na so sososo na be asheŋ woraso lubi nɛ Ebɔrɛ kishi ga na to nna.

2 Kronikɛls 33:6

E daŋ ta mbe mbia nna n lara sarga chɔɔso ashi ketaŋɛ nɛ baa tre Hinnɔm na to. E daa wora kegbaya nɛ ŋkilgisheŋ nna nsaa yɔ belejipo kutɔ n ya ka kpal nsaa shuŋ bubuni gba a ti so. E daŋ wora alubi damta nna ŋ gbiti Enyɛnpe Ebɔrɛ n shin nɛ mbe agbo kaa ga.

Aizaaya 30:33

Dra dra na kikɛ nɛ Enyɛnpe Ebɔrɛ na bela kakpa nɛ edɛgboŋ beeŋ chɔ Asiriya be ewurgboŋ m mɔ na ase n yili. Ndoŋ la kakpa chiŋgeliŋ nsaa wɔ mpar nna nɛ ndibi biti abar so kumo to. Enyɛnpe Ebɔrɛ na e naaŋ fute edɛ be adondulombi n wɔtɔ ndibi na to nɛ a suseso.

Jɛremaya 19:11

nseŋ kaŋɛ bumo kusɔ nɛ e bee shin nɛ e kaŋɛ ere. E yɛ: “Meeŋ shin nɛ Juda be efuli na nɛ Jerusalɛm be kadegboŋ ere e bure fanɛ kananɛ kapuya ere bure nsaa maŋ naa kɔ kebela n chuge abar so ere. Basa beeŋ ta bumo be bubuni m ba kaa puli Tɔfɛf nfe, ŋkpal manɛ so, kakpa maaŋ naa wɔtɔ kaplɛkama nɛ b baa puli bubuni.

Jɛremaya 19:2

m bɔla kabunagboŋ nɛ baa tre Mpuya bureso be Kabunagboŋ na to n yɔ ketaŋɛ nɛ baa tre Hinnɔm be Ketaŋɛ na to n ya bɔ kubɔya nɛ e beeŋ sa ma ndoŋ na n sa bumo.

Jɛremaya 19:6

Amoso, men baa da so! Kachako bee ba nɛ b maa naa tre kakpa ere Tɔfɛf ŋko Hinnɔm be Ketaŋɛ. Ama baaŋ baa tre kumo Kamɔ be Ketaŋɛ.

Jɛremaya 32:35

Bumo alɛ daŋ naŋ pɔr agbirsure nna n yili Hinnɔm be Ketaŋɛ to n sa Baal be kegbir nsaa ta bumo be mbia a lara esarga a sa kegbir nɛ baa tre Mɔlɛk na. N daŋ maŋ yili bumo fanɛ b ba wora loŋ. K daŋ maŋ ba ma nfɛra to gba fanɛ baaŋ wora le be ekishisheŋ ere n shin nɛ Juda be basa e luri kulubi to.”

Joshuwa 15:63

Judaebi na daŋ maŋ tiŋ n ju Jebusiebi nɛ b wɔ Jerusalɛm na bre. Ŋkpal loŋ so Jebusiebi nɛ Judaebi na e kraa tase hale kabre.

Joshuwa 18:28

Zela nɛ Helɛf nɛ Jerusalɛm nɛ k la Jebusiebi be kadegboŋ na, nɛ Gibia nɛ Kiriaf Jearim. Amo alɛ nɛ amo be ndewurbi daa la nde kuduana. Kasawule nɛ Bɛnjamin be yiri to ebi daŋ nya fanɛ bumo be kapetɛ nna na.

Demujipoana 1:21

Ama Bɛnjamin be yiri na bre daŋ maŋ tiŋ n ju Jebusebi nɛ b daa wɔ Jerusalɛm to na, ŋkpal loŋ so Bɛnjaminebi na nɛ bumo e wɔtɔ hale nɛ kabre.

Demujipoana 1:8

Nɛ Judaebi na kre kena n yɔ Jerusalɛm n ya kɔ m pɔɔ kumo so. B daŋ mɔ kumo to be basa damta nna nseŋ nya edɛ n wɔtɔ kade na to n chɔɔ.

Demujipoana 19:10

Ama kanyɛn na daa maŋ naa sha kedi ndoŋ, nɛ mo nɛ mo jipoche nɛ bumo be kayɛrbi kre asɔ n deŋi ekurma anyɔ na so nseŋ fara a yɔ. B ka ya kaa fo kade nɛ baa tre Jebus, kumo koŋwule na e la Jerusalɛm na, nɛ kaase bee fo. Nɛ kanyɛn na be kayɛrbi na kaŋɛ mo le: “Men shin nɛ an dese Samsɔn be basa ere kutɔ n wushi.”