Joshuwa 18:12 - EBƆRƐ BE KAWƆL

¹² Bumo be kasawule na be kelargato be esoso be kaba so be ekar fara Jɔɔdan be lɔr na to nna m gbelge to n yɔ Jɛriko be kelargato be esoso be kaba so nseŋ ya sɔ to epeŋitɔrkpa be kaba so m bɔla abee be efuli so hale n ya fo Bɛf Avɛn be keshishɛrsawule na,

Joshuwa 18:12 Iomraidhean Croise

Hoziya 10:5

Kufu beeŋ pɛ basa nɛ b wɔ Samɛria be kadegboŋ to na, nɛ b shu ga ŋkpal bumo be kegbir nɛ b ta shuwa m pɔr fanɛ gbolu na ka foe ashi Bɛtɛl so. Bumo nɛ agbirwuraana nɛ baa shuŋ kumo na beeŋ shu ga ŋkpal kumo so. Saŋɛ nɛ baaŋ marga kumo so be shuwa na nɛ baaŋ shu awɔrso ga.

Hoziya 4:15

“Menyi Israɛl be basa maa ji kashenteŋ a sa ma, ama men sa maŋ shin nɛ Judaebi gba e luri loŋ be kulubi koŋwule ere to. Men sa maŋ naa yɔ Gilgaal ŋko Bɛtavɛn n ya kaa bunyaŋ agbir ŋko a nase nnɔ Enyɛnpe Ebɔrɛ na be ketre to.”

Hoziya 5:8

Men foŋ kena to be kabel ŋ kpele Gibia nɛ Raama nɛ Bɛtavɛn be basa kikɛ kusoe, nɛ Bɛnjamin be basa malɛ e bela ase n yɔ kena to!

Joshuwa 16:1

Kasawule nɛ b sa Josɛf be kaman to ebi na be kelargato be kaseto be kaba so be ekar fara Jɔɔdan be lɔr na nna a mata Jɛriko be mbombi na be epeŋilarkpa be kaba so n ta n ya bɔla keshishɛrsawule na so n ya fo Bɛtɛl ashi abee so be efuli so,

Joshuwa 18:11

Bɛnjamin be yiri to ebi nɛ b daŋ juŋkpar n chige kasawule na n sa. Bumo be kasawule dese Juda nɛ Josɛf be yiri to ebi be kefɛato nna.

Joshuwa 2:1

Saŋɛ nɛ Israɛlebi na be keeyi to daa wɔ Shitim na nɛ Nun pibi Joshuwa shuŋi basa anyɔ fanɛ b dii Jɔɔdan be lɔr na be kaba ndoŋ n ya ŋana n dara Keenan be kasawule na, fɔnfɔŋ Jɛriko. Basa na ka fo Jɛriko be kade to nɛ b ya luri sakaleche ko nɛ baa tre Reehab be laŋ to.

Joshuwa 3:16

epul to nɛ lɔr na ku to nɛ nchu nɛ a shil a ba na bɛta kaman n ya fo kade nɛ baa tre Adam nɛ k wɔ Zaretan be efuli so na. Ndoŋ nna nɛ lɔr na be nchu nɛ a shil a yɔ na malɛ shile n ya luri Teku nɛ baa tre Araba na to, (kumo e la Nfɔl be Teku na). Kumo be kaman nɛ basa na dii lɔr na n yɔ kumo be kaba nɛ Jɛriko wɔ na.

Joshuwa 6:1

Jɛrikoebi daŋ ti egbal nɛ b pɔr ŋ kulti kade na be mbunagboŋana na kikɛ nna ŋkpal Israɛlebi na so. Esa kama malɛ daa maŋ kɔ ekpa nɛ e lar ŋko n luri kade na to.

Joshuwa 7:2

Kachako nɛ Joshuwa shuŋi basa ko ashi Jɛriko fanɛ b yɔ Ai nɛ k mata Bɛfavɛn ashi Bɛtɛl be epeŋilarkpa na n ya ŋana n dara kananɛ ndoŋ be kasawule na du.

Joshuwa 8:15

Ndoŋ nna Joshuwa nɛ mbe basa na kilgi a shile a yɔ keshishɛrsawule na be kaba so fanɛ Ai be basa na ka pɔɔ bumo so na.

1 Samuɛl 13:5

Ndoŋ nna nɛ Filistiebi na tre bumo be benapo m ba shɛr abar so nɛ b kɔ Israɛlebi kena. B daa kɔ egbaŋɛturko ŋgboŋ asa nɛ egbaŋɛdiipoana ŋgboŋ ashe nɛ bumo be benapo nɛ b na aya so malɛ daa shi fanɛ teku ase be leele. Nɛ b ya wora bumo be keeyi to ashi Mikmash nɛ k wɔ Bɛf Avɛn be epeŋilarkpa be kaba so na.