Joshuwa 18:10 - EBƆRƐ BE KAWƆL

¹⁰ Nɛ Joshuwa to beri m bishi Enyɛnpe Ebɔrɛ kusɔ nɛ k wɔtɔ nseŋ chige kasawule na to n sa Israɛl be eyiri nɛ a ka na.

Joshuwa 18:10 Iomraidhean Croise

1 Kronikɛls 24:5

Ŋkpal bɔrɛlambu na to be beshumpo nɛ bɔrɛmatapoana ka daa wɔ Eliaza nɛ Itama kikɛ be kaman to ebi to na so, b daa to beeri nna a fin Ebɔrɛ be nfɛra pɔɛŋ nsaa barga bumo be ashuŋ to.

Nehemaya 11:1

Basa na be bejuŋkparpoana na daa wɔ Jerusalɛm to nna nɛ bumo nɛ b ka na malɛ to beri n lara basa kudu kikɛ to be esa koŋwule nɛ e ya chena Jerusalɛm nɛ k la kade cheembi na to nɛ bekpanu nɛ b ka na malɛ a ya chena nde mo nɛ a ka na to. Ŋkpal manɛ so nwu daa maŋ shi Jerusalɛm to.

Nshɛ 47:4

Mo e lara kasawule nɛ an nananyɛn Jeekɔb, nɛ e bee sha ga na bee puchi so na, n sa anyi.

Nshɛ 61:5

Enyɛnpe Ebɔrɛ, fo nu ma kɔnɔ naseso na nseŋ nɛfa ma fanɛ kananɛ fo nɛfa bumo nɛ baa bunyaŋ fo na.

Aŋasa 18:18

Basa anyɔ baa gberge demu to nɛ k maa nya edesekpa, kesulgeso e naŋ ku demu na to.

Jɛremaya 7:12

Men yɔ kade nɛ baa tre Shilo nɛ n juŋkpar n lara fanɛ b baa shuŋ ma ndoŋ na n ya keni nɛ n kusɔ n wora ndoŋ. Ŋkpal ma basa Israɛlebi na ka wora alubi so, n daŋ mur kumo nna.

Ezikɛl 47:22

K beeŋ baa la menyi be kapetɛ hale mbaanaayɔ. Nɛ menyi bee chige kasawule na to, befɔ kama nɛ menyi nɛ bumo wɔtɔ nɛ b kurge mbia nfe na gba daga fanɛ b nya bumo be kachige. A daga fanɛ men baa wora bumo fanɛ Israɛl be ndetobia nseŋ shin nɛ bumo alɛ gba e baa tu Israɛl be eyiriana na a to beri a nya kasawule na be kachige.

Ezikɛl 48:29

Ade kikɛ be kaman nɛ Enyɛnpetale Ebɔrɛ na naŋ kaŋɛ le: “Kananɛ a daga fanɛ b barga kasawule na to mba mba n sa Israɛl be eyiriana na nɛ bekama e baa kɔ bumo peya nna na.”

Maika 2:5

Amoso menyi maaŋ naa kɔ kachige ashi Enyɛnpe Ebɔrɛ na be basa to ŋkpal manɛ so, esa kikɛ maaŋ baa wɔtɔ nɛ e yili menyi be katelamu to n sɔ kachige na.”

Nɔmbɛs 34:16

Kumo be kaman nɛ Enyɛnpe Ebɔrɛ kaŋɛ Mosis le:

Matiu 27:35

B ka gbir mo m mata kedibi largato na so n loge nɛ b ta mbe asɔbuuso n nase nsaa to beri a fin bumo nɛ baaŋ nya amo.

Baru lela nɛ Jɔn kute na 17:2

Ŋkpal manɛ so, fo e daŋ sa ma eleŋ dimɛdi kikɛ so fanɛ n sa bekama nɛ fo ta m bɔɔ ma enɔ na kikɛ ŋkpa nɛ k maŋ kɔ ekar na.

Ashuŋ Shunso 13:19

Keenan be kasawule so be efuli ashunu nɛ e shin nɛ a mur nseŋ ta kasawule na kikɛ n sa mbe basa na.

Ashuŋ Shunso 26:18

Ya bugi bumo be anishi n shin nɛ b lar bumo be tentembiri na to m ba kefulto to. Shin nɛ b lar Setani be eleŋ to m ba Ebɔrɛ peya to n shin nɛ b yirda ma nɛ n ta bumo be alubi m paŋ bumo nɛ b nya bumo be kakpa ashi Ebɔrɛ be basa laraso na to.’

Kɔlɔsiebi 1:12

ŋkpal manɛ so, mo e shin nɛ men daga kenya asɔ nɛ e kɔ a sa mbe basa na be ako ashi ebɔrɛso, kakpa nɛ kefulto wɔ na.

Joshuwa 14:2

B daŋ to beri nna m barga kasawule nɛ k dese Jɔɔdan be lɔr na be epeŋitɔrkpa be kaba so na n sa Israɛl be eyiri akpanu nɛ yiri na be kuko be basa be bargato fanɛ kananɛ Enyɛnpe Ebɔrɛ kaŋɛ Mosis na.

Joshuwa 14:5

Israɛlebi na daŋ barga kasawule na to nna fanɛ kananɛ Enyɛnpe Ebɔrɛ kaŋɛ Mosis na gbagba chap.

Joshuwa 18:11

Bɛnjamin be yiri to ebi nɛ b daŋ juŋkpar n chige kasawule na n sa. Bumo be kasawule dese Juda nɛ Josɛf be yiri to ebi be kefɛato nna.

Joshuwa 18:6

Kumo be kaman nɛ men wora kasawule na be mba ashunu na kikɛ be nwɔl m bar ma. Saŋɛ na so meeŋ to beri m bishi kusɔ nɛ Enyɛnpe Ebɔrɛ kɔ n sa menyi.

Joshuwa 18:8

Pɔɛŋ nɛ basa na lar nɛ b ya wora kasawule na be ndulgi be nwɔl na, le nɛ Joshuwa daŋ kaŋɛ bumo: “Men ya keni kasawule na kikɛ nɛ kananɛ k dese nseŋ wora kumo be ndulgi be nwɔl pɔɛŋ nseŋ bɛta m ba ŋ kutɔ, nɛ n to beri ashi Shilo nfe m bishi Enyɛnpe Ebɔrɛ kusɔ nɛ k wɔtɔ n sa menyi.”

Joshuwa 18:9

Ndoŋ nna nɛ benyɛn na ya nite kasawule na so kikɛ nseŋ wora kananɛ b barga kumo to mba ashunu na nɛ nde nɛ a wɔ kumo so kikɛ n wɔtɔ kawɔl to. B ka loge nɛ b bɛta n yɔ Joshuwa kutɔ ashi bumo be keeyi to ashi Shilo.

Joshuwa 19:51

Bɔrɛmatapowura Eliaza nɛ Nun pibi Joshuwa, nɛ Israɛl be kanaŋ na to be eyiriana be benimu e daŋ to beri Enyɛnpe Ebɔrɛ be nshɛr be wajɛbu na be kabunato Enyɛnpe na be anishito ashi Shilo m barga kasawule na to n sa basa na kikɛ. Loŋ nɛ b wora m barga kasawule na to.

Joshuwa 23:4

Men baa nyiŋi kananɛ n ta basa nɛ b ka na be nsawule nɛ efuli nɛ ŋ kɔ m pɔɔ so nɛ k yili Jɔɔdan be lɔr na ashi epeŋilarkpa n ya fo teku nɛ baa tre Mɛditerenia na ashi epeŋitɔrkpa na be nsawule n sa menyi be yiri yiri to ebi fanɛ bumo be kapetɛ.