Joshuwa 17:16 - EBƆRƐ BE KAWƆL

¹⁶ Ndoŋ nna nɛ b kaŋɛ: “Abee so be kasawule na maŋ shibi n sa anyi, Keenanebi nɛ b wɔ keplasawuleso na malɛ kɔ anyembi be egbaŋɛturko nna. Bumo be bumo nɛ b wɔ Bɛf Shan nɛ ndewurbi nɛ a mata kumo na nɛ bumo nɛ b wɔ Jizreel be ketaŋɛ to na kikɛ kɔ amo nna.”

Joshuwa 17:16 Iomraidhean Croise

1 Bewura 18:45

K maŋ chɛr ko nɛ awɔlpa to kikɛ nyɔ le gbitigbiti. Nɛ afu fara a chala nɛ bɔrɛ fara a chulgi. Ndoŋ nna nɛ Ahab luri mbe gbaŋɛturko to n shile m bɛta n yɔ Jizreel be kade to.

1 Bewura 18:46

Nɛ Enyɛnpe Ebɔrɛ be kiyoyu gbelge anebi Elaija so nɛ e lɔŋɛ mbe epiŋi ŋ kre to nseŋ shile n ya choŋ Ahab so n yɔ Jizreel be kade to.

1 Bewura 21:1

Kanyɛn ko nɛ baa tre Nabɔf daa kɔ asɔrso nɛ baa tre greep na be kudɔ nna m mata ewura Ahab be laŋ ashi Jizreel.

1 Bewura 21:23

Enyɛnpe Ebɔrɛ na yɛ Jɛzebel bre, njɔnɔ e naaŋ ji mbe eyur ashi Jizreel be kade ere to.

1 Bewura 4:12

Ahilud pibinyɛn Baana e daa keni kebonfu nɛ Tanaak nɛ Majido be nde wɔ na so. Mo koŋwule na e daŋ naa keni kebonfu nɛ k wɔ Bɛf Shan nɛ k mata Zeratan nɛ k wɔ Jezreel be kelargato be kaseto be kaba so, nɛ yili Bɛf Shan a yɔ Abel Mɛhola n ya fo Jokmiam be kaba so na kikɛ so.

2 Bewura 9:10

B maaŋ puli Jɛzebel, njɔnɔ e naaŋ we mbe kebuni ashi Jizreel be kade to.” Anebifɔlbi na ka malga n loge, nɛ e lar ebu na to n shile n yɔ.

2 Bewura 9:37

E yɛ baaŋ ta mbe eyur nɛ k ka na n farnyaŋ to n lɛ fanɛ anabin nɛ esa kama maaŋ tiŋ m pin mo.”

Jɛremaya 49:2

Kachako bee ba nɛ n shin nɛ benapo ko e ba kɔ basa nɛ b wɔ efuli na be kadegboŋ nɛ baa tre Rabba to na kena m mur kumo cheche nseŋ chɔɔ ndekarso na n lɛ. Kumo be kaman nɛ Israɛl be basa e naŋ sɔ bumo be kasawule ashi basa nɛ b daŋ suge kumo na kutɔ.

Joshuwa 15:56

nɛ Jezreel nɛ Jokdiim nɛ Zanua

Joshuwa 17:11

Bɛf Shan nɛ Iblim nɛ amo be nde nɛ a kulti amo na kikɛ, n ta Dɔɔ nɛ k wɔ teku ase na nɛ Endɔ nɛ Tanaak nɛ Meggiddo nɛ ndewurbi nɛ a kulti amo na kikɛ da wɔ Isakar nɛ Ashɛr be nsawule so nna nsaa la Manase peya.

Joshuwa 17:15

Nɛ Joshuwa kaŋɛ le: “Nɛ Efrayim be kebee so be kasawule na du fimbi n sa menyi ŋkpal men ka shi so, kumo ere men ya lɔŋɛ kupo nɛ k wɔ Pɛrizebi nɛ Refaebi be kasawule so na n chena.”

Joshuwa 17:17

Nɛ Joshuwa kaŋɛ Efrayim nɛ Manase be yiri to ebi na le: “Ŋkpal men ka shibi nsaa kɔ eleŋ so, menyi be kasawule be kachige beeŋ ba shibi.

Joshuwa 17:18

Abee so be kasawule na be kaba so beeŋ baa la menyeya. K la kupo nna bre ama men ya lɔŋɛ ndoŋ n chena. Kashenteŋ nna fanɛ Keenanebi na kɔ anyembi be egbaŋɛturko nsaa kɔ eleŋ, ama menyeeŋ tiŋ n ju bumo kasawule na so.”

Joshuwa 19:18

Nde nɛ a daa wɔ bumo kasawule na so e la: Jizreel nɛ Kesullɔf nɛ Shunɛm nɛ

Demujipoana 1:19

Enyɛnpe Ebɔrɛ na e daŋ chɛ Judaebi na to nɛ b tiŋ ŋ kɔ n suge efuli nɛ a daa wɔ kebeesawule so na. Ama b daŋ maŋ tiŋ n ju basa nɛ b daa tase aplasawule so na bre, ŋkpal manɛ so, b daa kɔ abɛlso be egbaŋɛturko nna.

Demujipoana 4:13

nɛ e yili Haroshɛt Hagoyim ŋ gama mbe abɛlso be egbaŋɛturko alfa akpanu na kikɛ nɛ mbe benapo kikɛ nseŋ juŋkpar bumo m ba choŋ lɔr nɛ baa tre Kishɔn na ase.

Demujipoana 4:3

Ewura Jabin daa kɔ abɛlso be egbaŋɛturko nɛ b kɔ a yɔ kena to alfa akpanu nna nseŋ daŋ kɔrfɛ Israɛl be basa na ga nfɛ adunyɔ. Ndoŋ nna nɛ Israɛlebi na shu n tre Enyɛnpe Ebɔrɛ na fanɛ e chɛ bumo to.

Demujipoana 6:33

Midianebi nɛ Amalɛkebi nɛ basa nɛ b shi epeŋilarkpa be kaba so na kikɛ daŋ ba abar so nna m ba far Jɔɔdan be lɔr na n dii nseŋ ba yuu bumo be abuu ashi Jizreel be Ketaŋɛ to n chena.

1 Samuɛl 29:1

Filistiebi be benapo na kikɛ ka ba shɛr abar so ashi Afɛk, nɛ Israɛlebi na malɛ wora bumo be keeyi to ashi ketirbu nɛ k wɔ Jizreel be ketaŋɛ na ase.