Joshuwa 17:1 - EBƆRƐ BE KAWƆL

¹ B daŋ ta kasawule nɛ k wɔ Jɔɔdan be epeŋitɔrkpa na nna n sa Josɛf pibinyɛn nimuso nɛ baa tre Manase na be kanaŋ to ebi nna. Giliad mo tuto Makiir nɛ e daa la enapo lempo na e daa la Manase pibinyɛn nimuso. Ŋkpal loŋ so b daŋ ta Giliad nɛ Bashan nɛ a wɔ Jɔɔdan be lɔr na be epeŋilarkpa na nna n sa mo.

Joshuwa 17:1 Iomraidhean Croise

Jɛnesis 41:51

Josɛf daŋ nase mbe wurkoŋ ketre Manase nseŋ kaŋɛ: “N nase mo loŋ nna, ŋkpal manɛ so, Ebɔrɛ shin nɛ n teŋ ma tɔrɔ kikɛ so nseŋ naŋ teŋ n tuto be kowu to ebi be asheŋ so.”

Jɛnesis 41:52

Ketre mo nɛ e daŋ sa mo pibinyɛn nyɔsopo na e daa la Efrayim nseŋ kaŋɛ: “N nase mo loŋ nna, ŋkpal manɛ so, Ebɔrɛ shin nna nɛ n nya kakurge ashi efuli mo nɛ n wɔ a ji awurfoŋ so.”

Jɛnesis 46:20

Bibinyɛn anyɔ nɛ baa tre Manase nɛ Efrayim na nɛ Or be kegbirwura Potifera pibiche Asenat daŋ kurge n sa Josɛf ashi Ijipt.

Jɛnesis 48:17

Josɛf ka wu mo tuto ka ta mbe jiso n deŋi Efreim so na k maŋ par mo nɛ e ya deŋi mo tuto be enɔ na ashi Efreim be kumu so n ta n deŋi Manase peya so,

Jɛnesis 48:18

nseŋ kaŋɛ mo tuto: “N tuto, mannɛ aloŋ nna, ede e la enimuso, amoso mo e daga fanɛ fo ta fo jiso n deŋi mo so.”

Jɛnesis 50:23

E daŋ wu Efreim be mbia nɛ bumo alɛ be mbia nna pɔɛŋ nseŋ wu. E daŋ wu Manase pibinyɛn Makiir gba be mbia. B ka baŋ kurge bumo na nɛ e ta bumo n ti mbe kanaŋ so.

2 Samuɛl 2:9

Ndoŋ nna nɛ Abna shin nɛ Ishboshɛf ki Giliad nɛ Ashɛr nɛ Jizreel nɛ Efrayim nɛ Bɛnjamin nɛ Israɛl be efuli so kikɛ be ewura.

1 Kronikɛls 2:23

Jemanɛ ko ka ba fo, nɛ Gɛshur nɛ Mɛsopoteemia be efuli so be basa kɔ n sɔ nde adeshe ashi efuli na so. B daŋ sɔ Jair nɛ Kɛnaf gba be nde nɛ nde nɛ ndewurbi nɛ a kulti amo na kikɛ n ti so. Bekama nɛ b daa wɔ Giliad be efuli so na kikɛ daa la Makiir be kaman to ebi nna.

Ezikɛl 47:13

Ade kikɛ be kaman, nɛ Enyɛnpetale Ebɔrɛ na naŋ kaŋɛ Israɛl be basa na le: “Kananɛ kasawule nɛ menyeeŋ chige to n sa Israɛl be eyiri kudu anyɔ na be egbaŋ daga fanɛ a baa du nde. Josɛf be eyiri anyɔ nɛ baa tre Manase nɛ Efrayim na beeŋ nya mboŋ anyɔ.

Nɔmbɛs 26:29

Manase pibinyɛn e daa la Makiir, nɛ Makiir malɛ pibinyɛn la Giliad.

Nɔmbɛs 27:1

Heefa pibinyɛn Zelofehad be mbichesobi e daa la Maala nɛ Nowa nɛ Hogla nɛ Milka nɛ Tirza. Heefa malɛ mo tuto e daa la Giliad nɛ Giliad malɛ mo tuto daa la Makiir nɛ Makiir malɛ mo tuto daa la Manase nɛ Manase malɛ mo tuto daa la Josɛf.

Nɔmbɛs 32:33

Ndoŋ nna nɛ Mosis ta ewura Sihɔn nɛ e la Amɔriebi be ewura na, nɛ ewura Ɔg nɛ e la Bashan be ewura na be nsawule nɛ efuli na so be nde nɛ a kulti ndoŋ na kikɛ n sa Manase be yiri be bargato nɛ Gad nɛ Ruben be eyiriana.

Ditɛronɔmi 21:17

A daga fanɛ e ta mbe kapetɛ na be ntuŋ anyɔso nna n sa mbe wurkoŋnyɛn na, hale e ka maŋ la mbe eche shaso pibinyɛn ere gba. Enyɛn daga e baa keni mbe wurkoŋnyɛn nna a bɔlɔ kenishi nsaa sa mo mbe kapetɛ be kachige nɛ k la wurkoŋnyɛn peya mbra be ekpa so.

Joshuwa 17:2

B daŋ ta Jɔɔdan be epeŋitɔrkpa be kasawule na nna n sa Manase be kanaŋ nɛ k ka na. Bumo e la Abieza nɛ Helɛk nɛ Asriɛl nɛ Shɛchem nɛ Heefa nɛ Shamida. Josɛf pibi Manase be kanaŋ to ebi.

Demujipoana 5:14

Beko daŋ shi Efrayim be yiri to m ba, kakpa nɛ Amalɛkebi daa wɔ na. Nɛ beko malɛ shi Bɛnjamin be yiri to m ba; nɛ benapo nimuso shi Makiir nɛ e shi Manase be yiri to na be kanaŋ to m ba, nɛ bejuŋkparpo na malɛ shi Zɛbyulɔn be eyiri to m ba.