Joshuwa 15:7 - EBƆRƐ BE KAWƆL

⁷ K yili ketaŋɛ nɛ baa tre Ankɔ, nɛ baa tre kumo koŋwule na Tɔrɔ be ketaŋɛ na, n yɔ Dɛbia nseŋ naŋ kilgi n sɔ kelargato be esoso be kaba so a yɔ Gilgaal nɛ k wɔ Adummim be anishito ashi ketaŋɛ na be kelargato be kaseto be kaba so na. Ndoŋ nɛ k yili m bɛ Enshɛmɛsh be mbombi na so hale n ya paŋ m bɔl Enrogɛl,

Joshuwa 15:7 Iomraidhean Croise

2 Samuɛl 17:17

Abiata pibinyɛn Jonatan nɛ Zadɔk pibinyɛn Ahimaaz daa jo Ɛnrogɛl be kebuye na ase nna ashi Jerusalɛm be kade be ekarso ŋkpal manɛ so b daa maa sha b ka wu bumo nɛ baa luri kade na to. Kebichebi ko malɛ e naa kaa kaŋɛ bumo kusɔ nɛ k bee wora nɛ bumo alɛ e ta n ya kaŋɛ ewura Deevid.

1 Bewura 1:9

Kachako nɛ Adonija ta mbolpɔ nɛ egbolu nɛ anafɔlbi nɛ b daa walɛ eyurto n lara sarga ashi kefalta nɛ baa tre ‘Kuwɔ’, nɛ k mata kebuye nɛ baa tre Enrogɛl na ase. E daŋ tre mo sipo nyɛnsobiana nɛ ewura Deevid be benimuana nɛ b shi Juda na nna m ba loŋ be sarga be kejigboŋ na to.

Aizaaya 65:10

Kumo be kaman nɛ b baa shuŋ ma, Enyɛnpe Ebɔrɛ na ashi ndoŋ nsaa kpa bumo be mbolpɔ nɛ ana a yɔ Sharɔn be keplasawule nɛ k wɔ kasawule na be epeŋitɔrkpa be kaba so nɛ b ya ji afitiri lela nɛ Akɔ be Ketaŋɛ nɛ kumo alɛ wɔ epeŋilarkpa be kaba so na so.

Hoziya 2:5

Men nio daa maa ji kashenteŋ nna, amoso nɛ e paŋ anishinyɔr a kaŋɛ le na: “Meeŋ shile m bɛ ŋjipoana so, ŋkpal manɛ so, ma kusɔ kama shi bumo kutɔ nna. Ma ajibi nɛ ma nchu nɛ ma ewajɛ nɛ ɔlif be ŋku nɛ ma asɔ nuuso kikɛ bee shi bumo kutɔ nna.

Joshuwa 10:43

Ade kikɛ be kaman nɛ Joshuwa nɛ mbe benapo na kikɛ bɛta n yɔ bumo keeyi to ashi Gilgaal.

Joshuwa 15:15

Ndoŋ nɛ e yili n ya kɔ Debir be basa. (Debir nɛ b daa tre Kiriaf Sɛfa.)

Joshuwa 15:6

K dese n yɔ Bɛf Hogla, nseŋ naŋ ta n ya bɔla Bɛf Araba be kelargato be esoso be kaba so n ya fo Bohan be kejembu na. (Ruben pibinyɛn e daa la Bohan.)

Joshuwa 18:17

nseŋ yili ndoŋ malɛ m bɔla Enshɛmɛsh ashi kelargato be esoso be kaba so n yɔ Gelilɔf nɛ k wɔ Adummim be kebee be anishito na, nseŋ bɔla ndoŋ n yɔ Bohan be kejembu na. Ruben pibi e daa la Bohan.

Joshuwa 4:19

Kafɛ to be kufɔl sososo be kachɛ kudusopo nɛ basa na daŋ dii Jɔɔdan be lɔr na n ya wora bumo keeyi ashi kade nɛ baa tre Gilgaal nɛ k wɔ Jɛriko be epeŋilarkpa be kaba so na.

Joshuwa 7:24

Nɛ Joshuwa nɛ Israɛlebi na kikɛ pɛ Eekan nseŋ ta gbiti na nɛ piŋi na nɛ shuwa na, nɛ Eekan be mbia kikɛ nɛ mbe ekurma nɛ mbolpɔ nɛ mbe ana nɛ mbe wajɛbu nɛ kusɔ kama nɛ e kɔ kikɛ n yɔ ketaŋɛ nɛ baa tre Akɔɔ na to. Akɔɔ be kifito e la ‘Tɔrɔ’

Joshuwa 7:26

B daŋ bela ajembu gboŋgboŋi damta nna n deŋi Eekan so kululu. Nɛ Enyɛnpe Ebɔrɛ be agbo nyaŋnyaŋso na wushi. Amoso nɛ b kra tre kaboŋ na Akɔɔ be ketaŋɛ to hale kabre na.