Joshuwa 15:4 - EBƆRƐ BE KAWƆL

⁴ n naŋ bɔla Azmɔn n ya bɛ kabombi nɛ k dese Ijipt be kasawule be ekar na so n ya tar teku nɛ baa tre Mɛditerenia na. Ndoŋ e daa la Juda be kelargato be kaseto be kaba so be kasawule be ekar.

Joshuwa 15:4 Iomraidhean Croise

Jɛnesis 15:18

To, kumo be kachɛ na nɛ Enyɛnpe nɛ Eebram wora kɔnɔkoŋwule be ŋkre nɛ Enyɛnpe kaŋɛ mo: “Kɔnɔ nɛ mee nase a sa fo e la fanɛ meeŋ ta kasawule nɛ k yili lɔr nɛ k wɔ Ijipt be kasawule be ekar n ya fo lɔrgboŋ nɛ baa tre Yufreetes na kikɛ n sa fo kaman to ebi,

1 Bewura 8:65

Ewura Sɔlɔmɔn nɛ Israɛlebi na kikɛ daŋ ji abuu to be kebaawɔtɔ be kejigboŋ nchɛnshunu nna m bɛ abar so. Basa na daŋ shi efuli na be kaplɛkama nna. Bedamta daŋ shi Hamaf Paas ashi kelargato be esoso be kaba so nna nɛ beko malɛ shi Ijipt be kasawule be egbaŋ to ashi kelargato be kaseto be kaba so.

Ɛksodɔs 23:31

Meeŋ shin nɛ men be ekar e yili teku peper na n ya fo Filistiebi be teku na nseŋ naŋ yili keshishɛrsawule na so n ya fo Yufreetes be lɔr na to. Meeŋ ta nsawule na so ebi m bɔɔ menyi enɔ nɛ men ju bumo ashi to.

Aizaaya 27:12

Jemanɛ ko bee ba nɛ Enyɛnpe Ebɔrɛ na e yili Lɔrgboŋ nɛ baa tre Yufreetes na n ya fo Ijipt be egbaŋ to na ŋ gama mbe basa abar so fanɛ kananɛ baa beri ayu a chela to a deŋi abar so na.

Nɔmbɛs 34:5

Nseŋ naŋ yili ndoŋ ŋ kilgi m bɔla ketaŋɛ nɛ k dese Ijipt be kasawule be ekar n ta n ya fo Mɛditerenia be Teku na.

Joshuwa 13:3

nɛ Avvim be efuli ashi kelargato be kaseto be kaba so. Kumo e yili Shihɔr be kabombi nɛ k wɔ Ijipt be ekar n ya fo Ekrɔn be ekar ashi kelargato be esoso nɛ baa tre kumo Keenanebi be kasawule na. Ndoŋ be nde e la Gaaza nɛ Ashdɔd nɛ Ashkɛlɔn nɛ Gaaf nɛ Ekrɔn nɛ Filistiebi be bewura daa wɔ na.

Joshuwa 15:3

nseŋ yili Akrabim be ekpa to m bɔla kelargato be kaseto be kaba so n ya fo keshishɛrsawule nɛ baa tre Zin na, n ta m bɔla Kadɛsh Bania be kelargato be kaseto be kaba so n ya bɔla Hezrɔn n ya fo Ada n ta m ba Karka,

Joshuwa 15:47

n ta Ashdɔd nɛ Gaaza nɛ amo be ndegboŋ nɛ awurbi hale n ya fo kabombi nɛ k wɔ Ijipt be kasawule be ekar na, n ta nde nɛ a wɔ Mɛditerenia be Teku ase na kikɛ n ti so.