Joshuwa 15:16 - EBƆRƐ BE KAWƆL

¹⁶ Loŋ be saŋɛ na nɛ Kalɛb kaŋɛ le: “Esa kama nɛ e ya kɔ m pɔɔ Kiriaf Sɛfa so, ma alɛ beeŋ ta ma pibiche Aksa n sa mo nɛ e kil.”

Joshuwa 15:16 Iomraidhean Croise

1 Kronikɛls 2:49

K maŋ chɛr ko nɛ mo nɛ eche na naŋ kurge mbinyɛnsobi anyɔ. Bumo e la Shaaf nɛ e la Madmana mo tuto na, nɛ Sheeva nɛ mo alɛ la Makbeena mo tuto na nɛ Gibia. Kalɛb pibiche e daa la Aksa.

Joshuwa 15:15

Ndoŋ nɛ e yili n ya kɔ Debir be basa. (Debir nɛ b daa tre Kiriaf Sɛfa.)

Joshuwa 15:17

Otniɛl nɛ e daa la Kalɛb mo sipo Kenaaz pibinyɛn na e daŋ wora loŋ, nɛ Kalɛb ta mo pibiche Aksa n sa mo nɛ e kil.

Demujipoana 1:6

B ka bee kɔ ewura Adoni Bɛzɛk na nɛ e lara keya a shile nɛ b ju m buu mo so n ya pɛ mo, nseŋ ku mbe ashilbinioana nɛ mbe anashibinioana so.

1 Samuɛl 17:25

Ndoŋ nna nɛ b kaŋɛ abar le: “Men keni, kananɛ kanyɛn ere bee ba kaa to anyi emaŋ nsaa tege anyi. Esa kama nɛ e tiŋ m mɔ mo, ewura na beeŋ sa mo kakɛ gboŋ. E beeŋ ta mo pibiche n sa mo nɛ e kil nɛ mbe kanaŋ malɛ kikɛ gba maaŋ naŋ ka lampo kikɛ ashi Israɛl be efuli so.”