Joshuwa 15:1 - EBƆRƐ BE KAWƆL

¹ Juda gba be yiri to ebi na daŋ nya kasawule na be kaba ko nɛ k dese kelargato be kaseto be kaba so a yɔ Zin be keshishɛrsawule so ashi Edɔm be kasawule be ekar na nna.

Joshuwa 15:1 Iomraidhean Croise

Jɛnesis 35:23

Lia be mbia e daa la, Ruben, Jeekɔb be wurkoŋ nɛ Simiɔn nɛ Livai nɛ Juda nɛ Isakar n ta Zɛbyulɔn m bɛ so lalaloge.

1 Bewura 8:65

Ewura Sɔlɔmɔn nɛ Israɛlebi na kikɛ daŋ ji abuu to be kebaawɔtɔ be kejigboŋ nchɛnshunu nna m bɛ abar so. Basa na daŋ shi efuli na be kaplɛkama nna. Bedamta daŋ shi Hamaf Paas ashi kelargato be esoso be kaba so nna nɛ beko malɛ shi Ijipt be kasawule be egbaŋ to ashi kelargato be kaseto be kaba so.

Ezikɛl 47:19

Kasawule na be kelargato be kaseto be ekar beeŋ fara Tama be kade na nna ŋ keta n ya fo Kadɛsh Mɛriba be achubu na ashi kelargato be kaseto be epeŋilarkpa be kaba so nseŋ naŋ ta n sɔ kelargato be epeŋitɔrkpa be kaba so a shi Ijipt be gbaŋ to n ta ya fo Mɛditerenia be Teku ase.

Nɔmbɛs 20:16

Nɛ an shu ŋ ŋini Enyɛnpe Ebɔrɛ nɛ e nu anyi be kushu nseŋ shuŋi malaika nɛ e ba lara anyi ashi Ijipt be kasawule so. Naniere an fo kade nɛ baa tre Kadɛsh nɛ k wɔ fo kasawule be egbaŋ be ekar na.

Maak 3:8

Judiya, Jerusalɛm nɛ Idumiya be efuli so nɛ Jɔɔdan be kaba so ndoŋ nɛ Tayɛ nɛ Saidɔn be kefɛato nna. Jimaŋ damta ere ba Yesu kutɔ ŋkpal asɔ nɛ b nu e ka bee wora so.

Ditɛronɔmi 32:51

Ŋkpal manɛ so, menyi benyɔ na kikɛ daŋ maŋ ji kashenteŋ n sa ma ashi basa na be anishito. Jemanɛ nɛ men daa wɔ Meriba be nchu nɛ k mata kade nɛ baa tre Kadɛsh na ashi kiyi nɛ baa tre Zin so na ase, men daŋ maŋ maŋkura ma ashi basa na be anishito.

Joshuwa 14:2

B daŋ to beri nna m barga kasawule nɛ k dese Jɔɔdan be lɔr na be epeŋitɔrkpa be kaba so na n sa Israɛl be eyiri akpanu nɛ yiri na be kuko be basa be bargato fanɛ kananɛ Enyɛnpe Ebɔrɛ kaŋɛ Mosis na.

Joshuwa 15:2

Nfɔl be Teku na be kelargato be kaseto be kaba so be ekar e daa la kakpa nɛ Juda be yiri to ebi be kasawule be kelargato be kaseto be kaba so be ekar fara,

Joshuwa 18:5

Saŋɛ na so, baaŋ barga kasawule na to mba ashunu, nɛ kelargato be kaseto be kaba so be kasawule na e baa la Juda be yiri to ebi peya nɛ Josɛf be yiri to ebi malɛ peya e baa la kelargato be esoso be kaba so na.