Joshuwa 14:8 - EBƆRƐ BE KAWƆL

⁸ Basa nɛ ma nɛ bumo daŋ yɔ na daŋ ta kufu damta nna n wɔtɔ anyi be basa to. Ama ma ere daŋ wora Enyɛnpe Ebɔrɛ na kasonu nna kashenteŋto.

Joshuwa 14:8 Iomraidhean Croise

Nɔmbɛs 13:31

Ama le nɛ basa nɛ bumo nɛ Kalɛb yɔ na daŋ kaŋɛ: “Anyi maaŋ tiŋ n tu basa na ŋ kɔ kena, ŋkpal manɛ so, b kɔ eleŋ a chɔ anyi.”

Nɔmbɛs 14:1

Israɛlebi na ka nu baru nɛ basa nɛ b ya dara Keenan be kasawule na bar na, nɛ b shu kagbenejijaso ga loŋ be kanyɛ na kikɛ

Nɔmbɛs 14:24

Ama ŋkpal ma kayɛrbi Kalɛb bre ka maŋ du fanɛ bumo nɛ b ka na nseŋ ji kashenteŋ a sa ma so, meeŋ yɛra mo kasawule nɛ e ya dara na so nseŋ ta kumo n sa mbe kaman to ebi nɛ k ki bumo be kapetɛ.

Nɔmbɛs 32:12

Jefune nɛ e la Keniz be esa na pibinyɛn Kalɛb nɛ Nun pibinyɛn Joshuwa nawule e daŋ ji kashenteŋ n sa Enyɛnpe Ebɔrɛ na.

Ditɛronɔmi 1:28

Manɛ so nɛ anyi beeŋ yɔ ndoŋ? Anyi bee lɔ kufu nna, ŋkpal manɛ so, basa nɛ an shuŋi na kaŋɛ anyi fanɛ basa nɛ b wɔ ndoŋ na kɔ eleŋ a chɔ anyi nsaa du jeŋgreŋ a chɔ anyi. Kumo be kaman, bumo alɛ naa wɔ ndegboŋ nɛ b pɔr egbal jeŋgreŋ, nɛ a du fanɛ a ka fo awɔlpa to, ŋ kulti na to. B yɛ, b wu basa nɛ b pɔlto nsaa du jeŋgreŋ gba ndoŋ.’

Ditɛronɔmi 1:36

Jefune pibinyɛn nɛ baa tre Kalɛb na nawule e naaŋ yɔ kumo so, ŋkpal manɛ so, mo e ta mbe kagbene kikɛ m bɛ ma so. Amoso, meeŋ ta kasawule nɛ e ya dara ŋ keni na n sa mo nɛ mbe kaman to ebi.’ ”

Joshuwa 14:14

Amoso Hibrɔn kraa la Kalɛb be kaman to ebi peya nna, ŋkpal e ka nu n sa Enyɛnpe nɛ e la Israɛl be Ebɔrɛ na kagbene koŋwule so so.

Kelaraŋŋini 14:4

Bumo e la basa nɛ b maŋ di beche n jija bumo be amu na, b daa maŋ nyi beche. Kaplɛkama nɛ Kpakpafɔlbi na bee yɔ, b bɛ mo so nna. B daŋ sɔ bumo ashi edimɛdi to nna n yige n shin nɛ b du fanɛ asɔrso juŋkparso mo nɛ baaŋ ta n lara sarga n sa Ebɔrɛ nɛ Kpakpafɔlbi na.