Joshuwa 14:6 - EBƆRƐ BE KAWƆL

⁶ Kachako nɛ basa ko nɛ b shi Juda be yiri to ba Joshuwa kutɔ ashi Gilgaal. Nɛ Jefune nɛ e la Keniz be esa na pibinyɛn Kalɛb kaŋɛ mo le: “Fo nyi kusɔ nɛ Enyɛnpe Ebɔrɛ kaŋɛ Mosis nɛ e la kebɔrɛnya na, a laŋɛ ma nɛ fo be kaplɛa so ashi Kadɛsh Bania.

Joshuwa 14:6 Iomraidhean Croise

1 Bewura 13:1

Kachako nɛ ewura Jeroboam wɔ bɔrɛsure na ase a lara sarga ashi Bɛtɛl nɛ Enyɛnpe Ebɔrɛ yili Juda n shuŋi anebi ndoŋ.

1 Bewura 13:14

n ju m bɛ anebi nɛ e shi Juda na so. E ka ya wu mo nɛ e chena kedibi gboŋgboŋi ko be kifi to, nɛ e bishi mo le: “Fo e la Juda be anebi na a?” Nɛ kanyɛn na kaŋɛ le: “Mm, ma nna.”

2 Bewura 4:16

nɛ Elaisha kaŋɛ mo le: “Ta a ba kafɛ a ba saŋɛ ere so nɛ fo keta ebinyɛn fo enɔ to.” Nɛ kache na kaŋɛ: “Jande sa maŋ fule ma ŋkpal manɛ so Ebɔrɛ be esa e la fo!”

2 Bewura 4:42

Kachako malɛ nɛ kanyɛn ko nɛ e shi Baal Shalisha ta ayu peper nɛ b fara n teŋi kafɛ to n wora ebodobodo adunyɔ nɛ aboyu bumbuŋ m bar Elaisha. Ndoŋ nna nɛ Elaisha kaŋɛ mbe kayɛrbi fanɛ e ta amo n ya sa anebiana na nɛ b ji.

2 Bewura 4:9

Kachako nɛ kache na kaŋɛ mo kul le: “N tama fanɛ kanyɛn nɛ e bee ba nfe saŋkama ere la Ebɔrɛ be esa nna.

2 Bewura 8:11

Ndoŋ nna nɛ Elaisha keni Haziɛl be anishito tenini nɛ anishinyɔr pɛ Haziɛl nɛ e kurgi kumu n yuu to nɛ Elaisha fara a shu.

2 Bewura 8:7

Jemanɛ na so nɛ Siriya be ewura Bɛnhadad daa lɔ, nɛ Elaisha yɔ Damaskɔs nɛ e ya chɔrɔ mo. B ka kaŋɛ ewura na fanɛ Elaisha ba ndoŋ,

1 Kronikɛls 23:14

Ama Mosis nɛ e la Ebɔrɛ be esa na be mbinyɛnsobiana bre, daŋ ti Livaiebi na so nna.

Nshɛ 90:1

O Enyɛnpe Ebɔrɛ, fo kutɔ e la anyi pe, jemanɛ kikɛ.

Jɛremaya 35:4

m ba bɔrɛlambu na to. Kumo be kaman nɛ ŋ keta bumo n luri anebi Hanan nɛ mo tuto daa la Igdaliya na be bebɛsopo be ebu to. Ebu na daa wɔ Shallum pibinyɛn, Maaseia nɛ e daa la bɔrɛlambu na to be beshumpo na be enimugboŋ ko na be ebu be awɔlto nna nɛ k mata benimuana na be beko be peya.

Nɔmbɛs 13:26

n yɔ Mosis nɛ Ɛɛrɔn nɛ Israɛlebi na kikɛ kutɔ ashi Kadɛsh nɛ k wɔ keshishɛrsawule nɛ baa tre Paran na n ya kaŋɛ bumo kusɔ nɛ b ya wu ndoŋ nseŋ ta ndoŋ be asɔrso na ŋ ŋini bumo.

Nɔmbɛs 13:30

Ndoŋ nna nɛ Kalɛb kaŋɛ jimaŋ nɛ baa fubel a bile asheŋ a malga a gbiti Mosis na fanɛ b wushi eyur, nseŋ kaŋɛ bumo le: “Men shin nɛ an ya kɔ n sɔ kasawule na. Anyeeŋ tiŋ m pɔɔ bumo so.”

Nɔmbɛs 13:6

Jefune pibinyɛn Kalɛb shi Juda be yiri to nɛ

Nɔmbɛs 14:24

Ama ŋkpal ma kayɛrbi Kalɛb bre ka maŋ du fanɛ bumo nɛ b ka na nseŋ ji kashenteŋ a sa ma so, meeŋ yɛra mo kasawule nɛ e ya dara na so nseŋ ta kumo n sa mbe kaman to ebi nɛ k ki bumo be kapetɛ.

Nɔmbɛs 14:30

maaŋ yɔ kasawule nɛ m bɔ ntaŋ n nase kɔnɔ fanɛ meeŋ sa menyi na so. Jefune pibinyɛn Kalɛb nɛ Nun pibinyɛn Joshuwa nawule e naaŋ yɔ ndoŋ.

Nɔmbɛs 14:6

Nɛ Nun pibinyɛn Joshuwa nɛ Jefune pibinyɛn Kalɛb nɛ b ti basa nɛ b ya dara kasawule na so na kpɛa bumo be asɔbuuso to kagbenejijaso

Nɔmbɛs 26:65

ama Jefune pibinyɛn Kalɛb nɛ Nun pibinyɛn Joshuwa nawule. Enyɛnpe Ebɔrɛ yɛ bumo be buushi basa na kikɛ beeŋ wu keshishɛrsawule na so.

Nɔmbɛs 32:12

Jefune nɛ e la Keniz be esa na pibinyɛn Kalɛb nɛ Nun pibinyɛn Joshuwa nawule e daŋ ji kashenteŋ n sa Enyɛnpe Ebɔrɛ na.

Ditɛronɔmi 33:1

Mosis daa la anebi nna, amoso pɔɛŋ nɛ e wu na le nɛ e daŋ nɛfa Israɛl be eyiriana na ŋ kaŋɛ:

Ditɛronɔmi 34:10

Anebi kikɛ maŋ naŋ lar Israɛl be efuli so a du fanɛ Mosis. Mo nɛ Enyɛnpe Ebɔrɛ na daa malga, baa wu abar nna.

Ditɛronɔmi 34:5

Ndoŋ nna nɛ Enyɛnpe Ebɔrɛ na be kayɛrbi, Mosis, wu ashi Mowab be kasawule so ndoŋ fanɛ kananɛ Enyɛnpe Ebɔrɛ kaŋɛ na.

1 Timoti 6:11

Ama fo ere ka la Ebɔrɛ be esa ere, baa gelge le be asɔ ere kikɛ nsaa kɔ a fin alelasheŋ nɛ abɔrɛsheŋ be kebaawɔtɔ nɛ yirda nɛ kasha nɛ awurfoŋ to be kanyiti nsaa du boeŋ.

2 Timoti 3:17

Ade kikɛ e naaŋ shin nɛ Ebɔrɛ be esa e tiŋ m bela ase ŋ kre to nɛnɛ n shuŋ kushuŋ lela kikɛ.

Joshuwa 10:43

Ade kikɛ be kaman nɛ Joshuwa nɛ mbe benapo na kikɛ bɛta n yɔ bumo keeyi to ashi Gilgaal.

Joshuwa 14:14

Amoso Hibrɔn kraa la Kalɛb be kaman to ebi peya nna, ŋkpal e ka nu n sa Enyɛnpe nɛ e la Israɛl be Ebɔrɛ na kagbene koŋwule so so.

Joshuwa 15:17

Otniɛl nɛ e daa la Kalɛb mo sipo Kenaaz pibinyɛn na e daŋ wora loŋ, nɛ Kalɛb ta mo pibiche Aksa n sa mo nɛ e kil.

Joshuwa 4:19

Kafɛ to be kufɔl sososo be kachɛ kudusopo nɛ basa na daŋ dii Jɔɔdan be lɔr na n ya wora bumo keeyi ashi kade nɛ baa tre Gilgaal nɛ k wɔ Jɛriko be epeŋilarkpa be kaba so na.