Joshuwa 14:2 - EBƆRƐ BE KAWƆL

² B daŋ to beri nna m barga kasawule nɛ k dese Jɔɔdan be lɔr na be epeŋitɔrkpa be kaba so na n sa Israɛl be eyiri akpanu nɛ yiri na be kuko be basa be bargato fanɛ kananɛ Enyɛnpe Ebɔrɛ kaŋɛ Mosis na.

Joshuwa 14:2 Iomraidhean Croise

Aŋasa 16:33

Basa bee kaa bishiso nna a fin kananɛ baaŋ wora asheŋ, ama Enyɛnpe Ebɔrɛ nawule e naa yili kusɔ kikɛ.

Aŋasa 18:18

Basa anyɔ baa gberge demu to nɛ k maa nya edesekpa, kesulgeso e naŋ ku demu na to.

Ezikɛl 45:1

Nɛ menyi bee barga Israɛl be kasawule na to a sa eyiriana na, men ku kaba n nase n sa Enyɛnpe Ebɔrɛ na. Kumo be nteŋ to e baa la emayɛl ashunu nɛ mparto malɛ e baa la emayɛl ashe. Loŋ be kakpa na kikɛ beeŋ baa la kakpa cheembi nna.

Nɔmbɛs 26:52

Ndoŋ nna nɛ Enyɛnpe Ebɔrɛ kaŋɛ Mosis le:

Nɔmbɛs 33:54

Men to beri n chige kasawule na to n sa eyiriana na be mbuna mbunaana na. Men ta kasawule nɛ k shibi ga n sa kabuna kama nɛ kumo be basa shibi nseŋ ta kasawule nɛ k maŋ shibi malɛ n sa kabuna kama nɛ kumo be basa maŋ shibi.

Nɔmbɛs 34:13

Ndoŋ nna nɛ Mosis kaŋɛ Israɛlebi na le: “Enyɛnpe Ebɔrɛ ta kasawule ere nna n sa eyiri akpanu nɛ bargato na. Men to beri m barga amo to n sa abar.

Nɔmbɛs 34:17

“Bɔrɛmatapowura Eliaza nɛ Nun pibinyɛn Joshuwa e naŋ barga kasawule na to n sa basa na.

Matiu 25:34

Kumo be kaman nɛ ma, Ewura na e kaŋɛ basa lela nɛ b wɔ ma jisoso na le: ‘Menyi nɛ n Tuto nɛfa na, men ba luri kuwura nɛ b lɔŋɛ n yili menyi kasɔto be jemanɛ na kikɛ na to.

Ashuŋ Shunso 1:26

Kumo be kaman nɛ b to beri nɛ Matayas ji. Ndoŋ nna nɛ b shin nɛ e ti beshuŋipo kudukako na so.

Joshuwa 13:7

Barga kumo to n sa Israɛl be eyiri akpanu nɛ a ka na nɛ Manase be yiri to be basa be bargato nɛ b ka na.”

Joshuwa 18:10

Nɛ Joshuwa to beri m bishi Enyɛnpe Ebɔrɛ kusɔ nɛ k wɔtɔ nseŋ chige kasawule na to n sa Israɛl be eyiri nɛ a ka na.

Joshuwa 18:6

Kumo be kaman nɛ men wora kasawule na be mba ashunu na kikɛ be nwɔl m bar ma. Saŋɛ na so meeŋ to beri m bishi kusɔ nɛ Enyɛnpe Ebɔrɛ kɔ n sa menyi.