Joshuwa 13:8 - EBƆRƐ BE KAWƆL

⁸ Enyɛnpe Ebɔrɛ be kayɛrbi Mosis teŋ sa Ruben nɛ Gad be eyiri nɛ Manase be yiri to be basa ko bre kasawule nɛ k wɔ Jɔɔdan be lɔr na be epeŋilarkpa na.

Joshuwa 13:8 Iomraidhean Croise

Nɔmbɛs 32:19

Anyi alɛ maaŋ tu bumo m barga kasawule nɛ k wɔ Jɔɔdan be lɔr na be kaba ndoŋ na to ŋkpal manɛ so, anyi ere tiŋ n nya anyi be kachige ashi Jɔɔdan be lɔr na be epeŋilarkpa be kaba so nfe.”

Ditɛronɔmi 3:8

“Kasawule nɛ k dese Lɔr nɛ baa tre Jɔɔdan na be epeŋilarkpa be kaba so na nɛ an daŋ suge ashi Amɔriebi be bewura anyɔ na kutɔ. Bumo be nsawule daŋ yili lɔr nɛ baa tre Aanɔn nɛ k wɔ kelargato be kaseto na nna n ya fo kebeegboŋ nɛ baa tre Hɛɛmɔn nɛ k wɔ kelargato be esoso na ase na nna.

Joshuwa 12:1

Bewura nɛ Israɛlebi na daŋ kɔ m pɔɔ so nseŋ sɔ bumo be nsawule nɛ a wɔ Jɔɔdan be lɔr na be epeŋilarkpa, nseŋ yili Aanɔn be ketaŋɛ to ashi kelargato be kaseto n ya fo kebeegboŋ nɛ baa tre Hɛɛmɔn na ashi kelargato be esoso na nde.

Joshuwa 12:6

Mosis nɛ Israɛlebi na daŋ kɔ nna m pɔɔ le be bewura anyɔ ere so, nɛ Enyɛnpe Ebɔrɛ be kayɛrbi Mosis barga bumo kasawule to n sa Ruben nɛ Gad be eyiri na nɛ Manase be yiri be bargato fanɛ k ki bumo be kapetɛ.

Joshuwa 13:7

Barga kumo to n sa Israɛl be eyiri akpanu nɛ a ka na nɛ Manase be yiri to be basa be bargato nɛ b ka na.”

Joshuwa 13:9

Bumo be kasawule na dese n ya fo Arowa nɛ k wɔ Aanɔn be ketaŋɛ be kɔnɔ na, nɛ kade nɛ k wɔ ketaŋɛ na be nferinto na hale n ya fo kedeŋiso be kasawule nɛ k dese Mɛdiba n ya fo Dibɔn na.

Joshuwa 22:4

Naniere Enyɛnpe menyi be Ebɔrɛ na ka sa men niopibiana Israɛlebi kagbenewushi fanɛ kananɛ e nase kɔnɔ na ere, men bɛta n yɔ menyi be kasawule nɛ k wɔ Jɔɔdan be lɔr na be epeŋilarkpa be kaba so nɛ Enyɛnpe Ebɔrɛ be kayɛrbi Mosis ta n sa menyi na so.

Joshuwa 4:12

Ruben nɛ Gad be kaman to ebi be benyɛn nɛ Manase malɛ be kaman to ebi be benyɛn be bargato nɛ b daŋ bela ase nɛ b ya kɔ kena na e daŋ juŋkpar n dii lɔr na fanɛ kananɛ Mosis daŋ kaŋɛ bumo na.

1 Samuɛl 13:7

nɛ beko malɛ dii Jɔɔdan be Lɔr na n yɔ Gad nɛ Giliad be efuliana so. Sɔɔl bre daa wɔ Gilgaal nna, nɛ benapo nɛ mo nɛ bumo daa wɔ ndoŋ na daa chicha kufuso.