Joshuwa 13:5 - EBƆRƐ BE KAWƆL

⁵ N ta Gebalebi be efuli nɛ Lebanɔn kikɛ ashi epeŋilarkpa, n yili Baal Gad nɛ k wɔ kebeegboŋ nɛ baa tre Hɛɛmɔn na be kelargato be kaseto hale n ya fo Hamaf.

Joshuwa 13:5 Iomraidhean Croise

1 Bewura 5:18

Ewura Sɔlɔmɔn nɛ ewura Hiram be beshumpo nɛ beshumpo nɛ b kɔ enɔ to be kushuŋ be kenyi nseŋ shi Baiblɔs be kade to na e daŋ ta ajembu nɛ b shɛl na, nɛ ndibi na nɛ b pɔr bɔrɛlambu na.

1 Bewura 8:65

Ewura Sɔlɔmɔn nɛ Israɛlebi na kikɛ daŋ ji abuu to be kebaawɔtɔ be kejigboŋ nchɛnshunu nna m bɛ abar so. Basa na daŋ shi efuli na be kaplɛkama nna. Bedamta daŋ shi Hamaf Paas ashi kelargato be esoso be kaba so nna nɛ beko malɛ shi Ijipt be kasawule be egbaŋ to ashi kelargato be kaseto be kaba so.

Nshɛ 83:7

nɛ basa nɛ b shi Gebal nɛ Ammɔn nɛ Amalɛk be efuliana so, nɛ Filisti nɛ Tayɛ be ndegboŋana to.

Aizaaya 10:9

Ma e kɔ m pɔɔ ndegboŋ nɛ baa tre Kalno nɛ Kaakɛmish nɛ Hamaf nɛ Apad so. Ma koŋwule na e kɔ m pɔɔ Samɛria nɛ Damaskɔs so.

Jɛremaya 52:9

Kumo be kaman nɛ b keta ewura Zɛdikaya n yɔ ewura Nebukadneeza kutɔ ashi kadegboŋ nɛ baa tre Ribla nɛ k wɔ Hamaf be kebonfu to nɛ ewura Nebukadneeza ji mo demu nseŋ kaŋɛ fanɛ e wora n jija.

Ezikɛl 27:9

Basa nɛ b lɔŋɛ nchu so be ekuloŋgboŋ na la basa nɛ b koya kushuŋ na nɛnɛ nna nseŋ shi kadegboŋ nɛ baa tre Biblɔs na. Basa nɛ baa shuŋ nchu so kikɛ bee ba kaa tu fo ashi Tayɛ nna a ji yawu.

Eemɔs 6:2

Men yɔ Kalnee be kade to n ya keni. Kumo be kaman nɛ men naŋ yɔ kadegboŋ nɛ baa tre Hamaf na nseŋ yili ndoŋ n yɔ Filisti be efuli so be kade nɛ baa tre Gaaf na. Amo be amo e bɔ Juda nɛ Israɛl be efuliana? Ŋko loŋ be efuliana na e shishibi a chɔ menyeya a?

Nɔmbɛs 13:21

Ndoŋ nna nɛ basa na ya yili Zin be keshishɛrsawule nɛ k wɔ kelargato be kaseto be kaba so na n dara kasawule na n ya fo kade nɛ baa tre Rehɔb nɛ k wɔ Lɛbo Hamaf be kepla so na.

Nɔmbɛs 34:8

nseŋ yili ndoŋ n yɔ Hamaf be kepla na ŋ keta n ya fo Zedad

Ditɛronɔmi 1:7

Men kaa keeyi nseŋ fara a yɔ Amɔriebi be kepreŋsawule nɛ mboŋ nɛ a kulti ndoŋ na so, an ta fanɛ Jɔɔdan be ketaŋɛ na nɛ keplasawule nɛ abonfu nɛ a dese a laŋɛ kelargato be kaseto na nɛ Teku nɛ baa tre Mɛditerenia na be ekarso. Men yɔ Keenan be kasawule so hale m baŋ so n yɔ Lebanɔn be abee ase n ya fo Lɔrgboŋ nɛ baa tre Yufreetes na ase.

Ditɛronɔmi 3:25

Jande, Enyɛnpe Ebɔrɛ, shin nɛ ma alɛ gba e dii Jɔɔdan be lɔr na n ya wu kasawule lela nɛ k dese kaba ndoŋ na; kumo e la kepreŋsawule lela na, nɛ Lebanɔn be abeegboŋ na.”

Joshuwa 11:17

Kasawule na dese hale n ya fo Halak be kebeegboŋ nɛ k wɔ kelargato be kaseto be kaba so a mata Edɔm be efuli so na, n ta n ya fo Baal Gad nɛ k wɔ kelargato be esoso be kaba so ashi Lebanɔn be ketaŋɛ nɛ k wɔ Hɛɛmɔn be kebeegboŋ na be kelargato be kaseto be kaba so na. Joshuwa nɛ le be bewura ere daŋ kɔ abar kena n chɛr ga, ama e daŋ pɔɔ bumo so m mɔ bumo kikɛ.

Joshuwa 11:3

E daŋ sa Keenanebi nɛ b chena Jɔɔdan be lɔr na be mba anyɔ so na nɛ Amɔriebi nɛ Hitebi, nɛ Pɛrizebi nɛ Jebusiebi nɛ b wɔ abee be efuli so na, nɛ Hivebi nɛ b chena kebeegboŋ nɛ baa tre Hɛɛmɔn na be kaseto ashi Mispa be kasawule so na gba ebɔl.

Joshuwa 12:7

Joshuwa nɛ Israɛlebi na daŋ kɔ m pɔɔ bewura nɛ b daa wɔ Jɔɔdan be lɔr na be epeŋitɔrkpa be kaba so be efuli so na kikɛ so nna. Efuli na daŋ yili Baal Gad nɛ k wɔ Lebanɔn be ketaŋɛ to nna n ya fo kebeegboŋ nɛ baa tre Halak nɛ k wɔ kelargato be kaseto be kaba so a mata Edɔm be kasawule so na. Joshuwa daŋ barga kasawule na to nna n sa Israɛl be eyiri ana nna nɛ k ki bumo be kapetɛ mbaanaayɔ.