Jemanɛ ko nɛ akoŋ tɔr efuli na so, ama mannɛ kumo nɛ k daŋ ba Eebraham be jemanɛ so na. Kede daa kɔr. Akoŋ na be jemanɛ na so nɛ Aizek koso n yɔ Filistiebi be ewura Abimelɛk kutɔ ashi Gerar.
Ŋkpal manɛ so saŋɛ so nɛ n daa wɔ Geshur ashi Siriya be efuli so na nɛ n nase kɔnɔ Enyɛnpe Ebɔrɛ be anishito fanɛ nɛ e baŋ shin nɛ n naŋ bɛta n yɔ Jerusalɛm, kumo ere ma alɛ beeŋ ya bunyaŋ mo ashi Hibrɔn.”
Mo pibinyɛn nyɔsopo e daa la Chiliab nɛ mo nio daa la ekulgepoche Abigɛl nɛ e daa la Nabaal nɛ e shi Kaamɛl be kebeegboŋ na ase na be eche na. Absalɔm nɛ mo nio la Maaka, ewura Talmai nɛ e shi Geshur na pibiche na e la mo pibinyɛn sasopo.
Tayaebi nɛ Sidɔnebi, nɛ menyi kama nɛ men wɔ Filisti be nsawule so na kikɛ; manɛ nɛ menyee sha kewora ma ere? Menyee sha kewora ma n tal to nna ŋko? To, nɛ k la loŋ bre, meeŋ juŋkpar n wora menyi pɔɛŋ nɛ men nya ekpa n wora ma n tal to.
Asheŋ maaŋ nyalɛ n sa menyi Filistiebi nɛ men chena teku ase na. Enyɛnpe Ebɔrɛ na tiŋ n ji menyi demu nseŋ ji m bri menyi. E beeŋ mur menyi nɛ menyi to be ekoŋwule gba maaŋ ka.
Ndoŋ nna nɛ kanyɛn nɛ baa tre Jaiya nɛ e shi Manase be yiri to na malɛ ta Agob be efuli so be kebonfugboŋ be kasawule na kikɛ, yili Bashan hale n ya lar Gɛshɔr nɛ Maaka be basa be egbaŋ to. (Jaiya daŋ ta mbe ketre nna n nase ndewurbi na kikɛ, hale nɛ mbre baa tre amo Jaiya be ndewurbi nna.)
Mbe efuli daŋ yili kebeegboŋ nɛ baa tre Hɛɛmɔn na, nɛ Saleka, nɛ Bashan be kasawule kikɛ nna n ya fo Gɛshur nɛ Maaka be nde be ekar, n ta Giliad be bargato hale n ya fo Hishbɔn be ewura Sihɔn be efuli so.
Loŋ be saŋɛ na, Deevid nɛ mbe basa daa kre kena n ya kaa purgi Gɛshur nɛ Girzi nɛ Amalɛk be basa nɛ b daŋ chena efuli na so n chɛr ga na a suge bumo be asɔ nna. E daa yili Shur nna a wora loŋ hale n ya ka fo Ijipt be kasawule so kikɛ,
