Joshuwa 13:16 - EBƆRƐ BE KAWƆL

¹⁶ Bumo be kasawule na dese n ya fo Arowa nɛ k wɔ Aanɔn be ketaŋɛ be kɔnɔ na, nɛ kade nɛ k wɔ ketaŋɛ na be kefɛato na hale n ya fo kedeŋiso be kasawule nɛ k dese Mɛdiba na,

Joshuwa 13:16 Iomraidhean Croise

2 Samuɛl 24:5

B daŋ ya dii Jɔɔdan be Lɔr na nna n ya wora bumo be keeyito m mata kade nɛ baa tre Arowa nɛ k wɔ ketaŋɛ nɛ k wɔ Gad be kaba so na nna. Ndoŋ nɛ b yili n sɔ kelargato be esoso be kaba so n yɔ Jeza.

1 Kronikɛls 19:7

Egbaŋɛturko nɛ amo be bediipo ŋgboŋ adesa nɛ anyɔ nɛ b daŋ haya na, nɛ Maaka be ewura be benapo e daŋ ba wora bumo be keyi to m mata Mɛdiba. Nɛ Ammɔn be benapo na malɛ lar bumo be nde to n ya bela ase nɛ b kɔ kena.

Aizaaya 15:4

Basa nɛ b wɔ nde nɛ baa tre Hɛshbɔn nɛ Ɛliale na daa shu awɔrso nna, nɛ esa wɔ kakpa wɔfɔ fanɛ Jahaz gba e daa nu bumo be kushu na. Bumo be esoji gba be kenyɛn kikɛ daŋ lar bumo to nna nɛ baa chicha kufuso.

Nɔmbɛs 21:26

Hishbɔn daa la Amɔriebi be ewura Sihɔn be kadegboŋ nna. E daŋ kɔ Mowab be ewura ko kena nna n sɔ mbe kasawule n ya fo Aanɔn be lɔr na be kelargato be esoso be ekarso,

Ditɛronɔmi 3:12

An ka sɔ kasawule na n loge na, nɛ n chige kumo be kaba nɛ k dese kade nɛ baa tre Arowa be kelargato be esoso be kaba so nɛ k mata Aanɔn be lɔr na ase na nɛ Giliad be kepreŋsawule na be kaba, n ta kumo so be ndeana n ti so n sa Ruben nɛ Gad be eyiri to ebi.

Joshuwa 12:2

Amɔriebi be ewura nɛ baa tre Sihɔn nɛ e daa ji Hishbɔn be kuwura na be efuli daŋ yili Giliad be kasawule be bargato ashi Arowa, nɛ k wɔ Aanɔn be ketaŋɛ na be ekarso na, nɛ kade nɛ k wɔ ketaŋɛ na be nferinto na, n ya fo Jabɔk be Lɔr ashi Ammɔn be kasawule be ekar.

Joshuwa 13:15

Mosis daŋ barga kasawule na be kaba nna n sa Ruben be yiri to ebi fanɛ k ba la bumo be kapetɛ.

Joshuwa 13:17

n ta Hishbɔn nɛ nde nɛ a wɔ kepreŋ so nɛ baa tre amo Dibɔn nɛ Bamɔf Baal nɛ Bɛf Baalmiɔn,

Joshuwa 13:9

Bumo be kasawule na dese n ya fo Arowa nɛ k wɔ Aanɔn be ketaŋɛ be kɔnɔ na, nɛ kade nɛ k wɔ ketaŋɛ na be nferinto na hale n ya fo kedeŋiso be kasawule nɛ k dese Mɛdiba n ya fo Dibɔn na.

Joshuwa 14:3

Mosis teŋ barga kasawule nɛ k wɔ Jɔɔdan be lɔr na be epeŋilarkpa be kaba so na to nna n sa Israɛl be eyiri anyɔ nɛ yiri na be kuko be basa be bargato. (Josɛf be kaman to ebi bre daŋ barga to ntuŋ anyɔ nna ŋ ki Manase nɛ Efrayim be eyiri.) Mosis daa maŋ sa Livaiebi na bre kasawule kikɛ. Nde nɛ a kɔ asɔbɔya be ejikpa be nsawule m mata amo nawule nɛ e sa bumo nɛ b chena.

Joshuwa 18:7

Men sa maŋ kaŋ sa Livaiebi na bre men be kasawule na be kachige kikɛ, ŋkpal manɛ so, Enyɛnpe Ebɔrɛ be kabɔrɛmata be kushuŋ na e la bumo be kachige. Gad nɛ Ruben nɛ Manase be yiri na be bargato bre tiŋ n nya bumo be nsawule ashi Jɔɔdan be lɔr na be epeŋilarkpa na be kaba so. Enyɛnpe Ebɔrɛ be kayɛrbi Mosis e daŋ ta kumo n sa bumo.”

Demujipoana 11:26

Israɛlebi na ka chena Hɛshbɔn nɛ Arowa nɛ ndewurbi nɛ ndegboŋ nɛ a wɔ Aanɔn be lɔr be kebɔr so na kikɛ be nfɛ alfa asa nna na. Mannɛ nna nɛ fo maŋ fin nsawule na be kesɔ jemanɛ tenteŋ ere kikɛ?

1 Samuɛl 30:28

nɛ Arowa nɛ Sipmɔɔf, nɛ Eshtemɔa,