Joshuwa 12:7 - EBƆRƐ BE KAWƆL

⁷ Joshuwa nɛ Israɛlebi na daŋ kɔ m pɔɔ bewura nɛ b daa wɔ Jɔɔdan be lɔr na be epeŋitɔrkpa be kaba so be efuli so na kikɛ so nna. Efuli na daŋ yili Baal Gad nɛ k wɔ Lebanɔn be ketaŋɛ to nna n ya fo kebeegboŋ nɛ baa tre Halak nɛ k wɔ kelargato be kaseto be kaba so a mata Edɔm be kasawule so na. Joshuwa daŋ barga kasawule na to nna n sa Israɛl be eyiri ana nna nɛ k ki bumo be kapetɛ mbaanaayɔ.

Joshuwa 12:7 Iomraidhean Croise

Jɛnesis 14:6

nɛ Horebi ashi Edɔm be efuli so be abee to na so nseŋ bɛ bumo so n yɔ kufɔ n ya fo Ɛl Paran be kiyi na be ekar.

Jɛnesis 32:3

Ndoŋ nɛ Jeekɔb yili n shuŋi mbɔ nɛ b juŋkpar mo a yɔ mo da Isɔɔ kutɔ ashi Seyir nɛ k wɔ Edɔm be efuli so na.

Jɛnesis 36:20

Seyir nɛ e la Horaiebi be esa na be mbinyɛnbi nɛ b daa wɔ efuli na so nde. Lotan nɛ Shobal nɛ Zibiɔn nɛ Ana,

Jɛnesis 36:30

nɛ Dishɔn nɛ Ezaa nɛ Dishan. Le be basa ere e daa ji Horaiebi be nde nɛ a chena ntuŋ ntuŋso na be kuwura ashi Edɔm be efuli so.

Jɛnesis 36:8

Amoso Isɔɔ nɛ mo koŋwule na la Edɔm na, daŋ ya chena Edɔm be efuli so be abee to nna.

Nshɛ 135:11

Loŋ be bewura na be beko e daa la: Amɔri be ewura nɛ baa tre Sihɔn na; nɛ Bashan be ewura nɛ baa tre Ɔg na nɛ Keenan be efuli so be bewuraana.

Ditɛronɔmi 2:1

Kumo be kaman nɛ an bɛta n sɔ Teku Peper na be ekpa a yɔ keshishɛrsawule na so fanɛ kananɛ Enyɛnpe Ebɔrɛ na kaŋɛ kenishipereso na. Nfɛ damta nɛ anyee nite a kulti Edɔm be kepreŋsawule na.

Ditɛronɔmi 2:4

Kumo be kaman nɛ e naŋ kaŋɛ ma fanɛ n ta mbraana ere n sa menyi: “Menyee sha kebɔla Edɔmebi nɛ b la Isɔɔ be kaman to ebi nseŋ naa la men kurgepoana na be kasawule so n choŋ nna na. Baaŋ baa ŋana menyi,

Joshuwa 11:17

Kasawule na dese hale n ya fo Halak be kebeegboŋ nɛ k wɔ kelargato be kaseto be kaba so a mata Edɔm be efuli so na, n ta n ya fo Baal Gad nɛ k wɔ kelargato be esoso be kaba so ashi Lebanɔn be ketaŋɛ nɛ k wɔ Hɛɛmɔn be kebeegboŋ na be kelargato be kaseto be kaba so na. Joshuwa nɛ le be bewura ere daŋ kɔ abar kena n chɛr ga, ama e daŋ pɔɔ bumo so m mɔ bumo kikɛ.

Joshuwa 11:23

Joshuwa daŋ sɔ kasawule na kikɛ nna fanɛ kananɛ Enyɛnpe Ebɔrɛ daŋ kaŋɛ Mosis na, nseŋ barga kumo to n sa Israɛlebi na yiri yiri so nɛ k ki bumo be kapetɛ. Yili kumo be saŋɛ na so nɛ b wushi gbrɛbi ashi kena be kekɔ to.

Joshuwa 3:17

Bɔrɛmatapoana nɛ b sulɔ ŋkre be deka na daŋ yili kakpa wɔlso nna ashi Jɔɔdan be lɔr na be nferinto hale nɛ Israɛlebi na kikɛ nite kasawule wɔlso so n dii lɔr na n yɔ kumo be kaba ndoŋ.

Joshuwa 9:1

Bewura nɛ b wɔ Jɔɔdan be lɔr na be epeŋitɔrkpa be efuli nɛ k wɔ abee be kaba so nseŋ kra Mɛditerenia be teku na be kepla n ya fo Lebanɔn na daŋ nu Israɛlebi be kekɔmpɔɔso na be asheŋ nna. B daa la Hitebi nɛ Amɔriebi nɛ Keenanebi nɛ Pɛrizebi, nɛ Hivebi nɛ Jebusiebi be bewura nna.