Joshuwa 12:2 - EBƆRƐ BE KAWƆL

² Amɔriebi be ewura nɛ baa tre Sihɔn nɛ e daa ji Hishbɔn be kuwura na be efuli daŋ yili Giliad be kasawule be bargato ashi Arowa, nɛ k wɔ Aanɔn be ketaŋɛ na be ekarso na, nɛ kade nɛ k wɔ ketaŋɛ na be nferinto na, n ya fo Jabɔk be Lɔr ashi Ammɔn be kasawule be ekar.

Joshuwa 12:2 Iomraidhean Croise

Jɛnesis 32:22

Kumo be kanyɛso nɛ Jeekɔb koso n ta mbe beche nɛ bumo be mbita anyɔ nɛ mbe bibinyɛn kudukako n ya bɔla Jabɔk be lɔr na be kakpa nɛ k maŋ wɔ nchiŋ na n dii.

1 Kronikɛls 5:8

Azaz pibinyɛn Bɛla nɛ mo nanabinyɛnso Shema nɛ e la Jowɛl pibinyɛn na. B daŋ chena Arowa nna hale n ya fo kelargato be esoso be kaba so ashi Nebo nɛ Baal Miɔn kikɛ.

Nehemaya 9:22

Fo daŋ chɛ bumo to nɛ b pɔɔ bewura so n suge bumo be nsawule. Hɛshbɔn be efuli so be ewura Sihɔn, nɛ Baashan be efuli so be ewura Ɔg gba daŋ ti bewura nɛ b daŋ pɔɔ so na so nna.

Nshɛ 135:11

Loŋ be bewura na be beko e daa la: Amɔri be ewura nɛ baa tre Sihɔn na; nɛ Bashan be ewura nɛ baa tre Ɔg na nɛ Keenan be efuli so be bewuraana.

Jɛremaya 48:19

Menyi basa nɛ men wɔ kade nɛ baa tre Aruwa na e yili ekpakar a jo; saŋɛ na so bumo nɛ b shile a choŋ na kaŋ tu menyi nɛ men bishi bumo kusɔ nɛ k wora.

Ditɛronɔmi 1:4

Pɔɛŋ nɛ Mosis malga bumo kutɔ na nɛ e tiŋ ŋ kɔ m pɔɔ Amɔriebi be ewura Sihɔn nɛ e chena kade nɛ baa tre Hɛshbɔn a ji kuwura na nɛ Bashan be ewura Ɔg nɛ mo alɛ bee ji kuwura nde nɛ baa tre Ashterɔf nɛ Edrei na so.

Demujipoana 11:13

Ndoŋ nna nɛ Ammɔn be ewura kaŋɛ Jɛfta be mbɔ na: “Israɛlebi ka shi Ijipt be efuli so m ba na b ba suge ma kasawule nɛ k yili lɔr nɛ baa tre Aanɔn ashi kelargato be kaseto be kaba so n ya fo lɔr nɛ baa tre Jabbɔk ashi kelargato be esoso be kaba so, hale ŋ keta loŋ n ya fo Jɔɔdan be lɔr na ase ashi epeŋitɔrkpa be kaba so na nna. Nɛ fo tea sha kayurwushi bre fo bɛta kasawule na n sa ma.”

Demujipoana 11:22

K daŋ yili Aanɔn be lɔr na n ya fo Jabbɔk be lɔr na ase, n ta n ya fo keshishɛrsawule nɛ k wɔ epeŋilarkpa be kaba so hale n ya fo Jɔɔdan be lɔr na ase ashi epeŋitɔrkpa be kaba so.