Joshuwa 12:1 - EBƆRƐ BE KAWƆL

¹ Bewura nɛ Israɛlebi na daŋ kɔ m pɔɔ so nseŋ sɔ bumo be nsawule nɛ a wɔ Jɔɔdan be lɔr na be epeŋilarkpa, nseŋ yili Aanɔn be ketaŋɛ to ashi kelargato be kaseto n ya fo kebeegboŋ nɛ baa tre Hɛɛmɔn na ashi kelargato be esoso na nde.

Joshuwa 12:1 Iomraidhean Croise

1 Bewura 4:19

Uri pibinyɛn Gɛba e daa keni Giliad be kakpa nɛ Amɔriebi be ewura Sihɔn nɛ Bashan be ewura Ɔg daa wɔ dra dra na so. Basa kuduanyɔ ere be kaman, b daa kɔ esa koŋwule nɛ e la kasawule na kikɛ so be gomena nna.

Nshɛ 133:3

Kumo alɛ naa du fanɛ bunyaŋ ka shi Hɛɛmɔn be kebeegboŋ na so a wurge Jerusalɛm be abee so nna. Ndoŋ nɛ Enyɛnpe Ebɔrɛ daŋ nase kɔnɔ fanɛ e beeŋ ta ŋkpa nɛ k maŋ kɔ ekar n nɛfa mbe basa na.

Nshɛ 136:21

Ebɔrɛ e daŋ sɔ bewuraana ere be nsawule n sa mbe basa na; mbe kasha nɛ k maa chɛrga na malɛ wɔtɔ nna mbaanaayɔ.

Nshɛ 89:12

Fo e to kelargato be esoso nɛ kaseto kikɛ. K du fanɛ abee nɛ baa tre Tabɔɔ nɛ Hɛɛmɔn na bee boŋ nshɛ kagbenefuliso nna a kpaŋ fo ketre.

Aizaaya 16:2

Mowab be beche nɛ baa dii lɔr nɛ baa tre Aanɔn na du fanɛ mbuibi nɛ b jija bumo be asha to nna.

Nɔmbɛs 21:13

B ka naŋ koso ndoŋ, nɛ b ya dii Aanɔn be lɔr na n wora bumo be keeyi to ashi kumo be ekarso. Aanɔn be lɔr na e daa la Mowabebi nɛ Amɔriebi be egbaŋ to.

Nɔmbɛs 21:21

Kede be kaman nɛ Israɛlebi shuŋi mbɔ Sihɔn nɛ e la Amɔriebi be ewura na kutɔ fanɛ b ya kaŋɛ mo le:

Nɔmbɛs 21:24

Israɛlebi na daŋ mɔ bumo doŋana na kena na to ga nseŋ sɔ bumo be kasawule nɛ k wɔ yili Aanɔn be Lɔr nɛ k wɔ kelargato be kaseto be kaba so na n ya fo Jabɔk be lɔr nɛ k wɔ kelargato be esoso. Jabɔk be lɔr na e daa la Amɔriebi nɛ Ammɔnebi na be nsawule be egbaŋ to. Ammɔnebi na bre daŋ pɔr egbal ŋ kulti bumo be nde nna.

Nɔmbɛs 32:19

Anyi alɛ maaŋ tu bumo m barga kasawule nɛ k wɔ Jɔɔdan be lɔr na be kaba ndoŋ na to ŋkpal manɛ so, anyi ere tiŋ n nya anyi be kachige ashi Jɔɔdan be lɔr na be epeŋilarkpa be kaba so nfe.”

Nɔmbɛs 32:32

Anyeeŋ bɛ mbe kamalga so nseŋ dii n yɔ Keenan be kasawule so n ya kɔ n sa Enyɛnpe Ebɔrɛ, ama kasawule nɛ k wɔ Jɔɔdan be lɔr na be epeŋilarkpa be kaba so na e naaŋ baa la anyi be kapetɛ.”

Nɔmbɛs 32:33

Ndoŋ nna nɛ Mosis ta ewura Sihɔn nɛ e la Amɔriebi be ewura na, nɛ ewura Ɔg nɛ e la Bashan be ewura na be nsawule nɛ efuli na so be nde nɛ a kulti ndoŋ na kikɛ n sa Manase be yiri be bargato nɛ Gad nɛ Ruben be eyiriana.

Ditɛronɔmi 2:24

An ka bɔla Mowabebi be kasawule so n choŋ na be kaman, nɛ Enyɛnpe Ebɔrɛ naŋ kaŋɛ anyi le: “To, men fara n dii lɔr nɛ baa tre Aanɔn na. Mee ta Amɔriebi be ewura nɛ e wɔ Hɛshbɔn nɛ baa tre mo Sihɔn nɛ mbe efuli a bɔɔ menyi enɔ nna. Amoso, men yɔ n ya kɔ mo nseŋ sɔ kasawule na n chena so.

Ditɛronɔmi 2:32

Nɛ Ewura Sihɔn keta mbe benapo n lar m ba nɛ e ba kɔ anyi ashi kade nɛ baa tre Jahaz na.

Ditɛronɔmi 3:1

Kumo be kaman, nɛ an kilgi n sɔ kelargato be esoso be kaba so a yɔ Bashan be efuli so, nɛ Ewura Ɔg nɛ mbe benapo lar m ba nɛ b ba kɔ anyi ashi kade nɛ baa tre Edrei na.

Ditɛronɔmi 4:44

Kananɛ Mosis ta Ebɔrɛ be mbraana nɛ mbe keŋini n sa Israɛl be basa na nde.

Ditɛronɔmi 4:48

Yili kade nɛ baa tre Arowa nɛ k mata Aanɔn be lɔr na be ketaŋɛ chiŋgeliŋ na n ya fo Hɛɛmɔn be kebeegboŋ nɛ k wɔ kelargato be esoso be kaba so na ase na daa la bumo be kasawule nna.

Joshuwa 1:15

n ya fo saŋkama nɛ Enyɛnpe na beeŋ sa bumo alɛ gba ewushi fanɛ kananɛ e sa menyi na. Kumo be kaman pɔɛŋ nɛ men bɛta n ya chena men be kasawule nɛ Enyɛnpe Ebɔrɛ be kayɛrbi Mosis ta n sa menyi ashi Jɔɔdan be lɔr na be epeŋilarkpa na.”

Joshuwa 11:17

Kasawule na dese hale n ya fo Halak be kebeegboŋ nɛ k wɔ kelargato be kaseto be kaba so a mata Edɔm be efuli so na, n ta n ya fo Baal Gad nɛ k wɔ kelargato be esoso be kaba so ashi Lebanɔn be ketaŋɛ nɛ k wɔ Hɛɛmɔn be kebeegboŋ na be kelargato be kaseto be kaba so na. Joshuwa nɛ le be bewura ere daŋ kɔ abar kena n chɛr ga, ama e daŋ pɔɔ bumo so m mɔ bumo kikɛ.

Joshuwa 11:3

E daŋ sa Keenanebi nɛ b chena Jɔɔdan be lɔr na be mba anyɔ so na nɛ Amɔriebi nɛ Hitebi, nɛ Pɛrizebi nɛ Jebusiebi nɛ b wɔ abee be efuli so na, nɛ Hivebi nɛ b chena kebeegboŋ nɛ baa tre Hɛɛmɔn na be kaseto ashi Mispa be kasawule so na gba ebɔl.

Joshuwa 13:8

Enyɛnpe Ebɔrɛ be kayɛrbi Mosis teŋ sa Ruben nɛ Gad be eyiri nɛ Manase be yiri to be basa ko bre kasawule nɛ k wɔ Jɔɔdan be lɔr na be epeŋilarkpa na.

Joshuwa 22:4

Naniere Enyɛnpe menyi be Ebɔrɛ na ka sa men niopibiana Israɛlebi kagbenewushi fanɛ kananɛ e nase kɔnɔ na ere, men bɛta n yɔ menyi be kasawule nɛ k wɔ Jɔɔdan be lɔr na be epeŋilarkpa be kaba so nɛ Enyɛnpe Ebɔrɛ be kayɛrbi Mosis ta n sa menyi na so.

Demujipoana 11:18

Kumo be kaman nɛ b koso m bɔla keshishɛrsawule na so ŋ gelge Edɔm nɛ Mowab be nsawule hale n ta n ya lar Aanɔn be lɔr be kaba ndoŋ a laŋɛ Mowab be epeŋilarkpa be kaba so. B daŋ maŋ luri Mowab be kasawule so, ŋkpal manɛ so, Aanɔn be lɔr na e la kumo be egbaŋ to.