Joshuwa 11:8 - EBƆRƐ BE KAWƆL

⁸ Nɛ Enyɛnpe Ebɔrɛ ta bumo m bɔɔ Israɛlebi na enɔ nseŋ shin nɛ b pɔɔ bumo so n ju m buu bumo so ŋ kɔ bumo n ya fo Misrefɔf Mayim nɛ Sidɔn ashi kelargato be esoso be kaba so, n ta loŋ n ya fo Mispa be ketaŋɛ nɛ k wɔ epeŋilarkpa na, m mɔ bumo kikɛ.

Joshuwa 11:8 Iomraidhean Croise

Jɛnesis 10:15

Keenan be wurkoŋ e daa la Sidɔn. Keenan koŋwule na be mbia na to nɛ Hitebi

Jɛnesis 49:13

Zɛbyulɔn beeŋ ba kaa wɔ teku ase nɛ mbe echenakpa e ki nchu so be ekuloŋgboŋana be eyilikpa. Mbe kasawule beeŋ dese loŋ n ya taga to Sidɔn.

2 Samuɛl 24:6

Nseŋ yili ndoŋ n yɔ Giliad nɛ Kadɛsh ashi Hiti be kasawule so. Nseŋ bɔla ndoŋ n yɔ Dan n ya yili Dan malɛ n yɔ Sidɔn be epeŋitɔrkpa be kaba so a mata teku nɛ baa tre Mɛditerenia na.

Aizaaya 23:4

Sidɔn be kadegboŋ na du fanɛ kakpa lempo nɛ b pɔr n yili teku be ekarso nna. Ama fo alɛ beeŋ ji anishinyɔr fanɛ eche kilpo nɛ e maŋ kurge ŋ ku so na nna.

Zakareya 9:2

Kumo be kaman mbe demuji beeŋ ba Hamaf be kade nɛ k mata Hadrak na gba so. Nde nɛ baa tre Tayɛ nɛ Sidɔn nɛ amo to be basa nyi kasheŋ wora ga na gba maaŋ lar demuji na to.

Ditɛronɔmi 7:2

Enyɛnpe Ebɔrɛ na beeŋ tintiŋ bumo n lar kasawule na so, nɛ menyi alɛ e mur bumo cheche nsaa maŋ wu bumo kuwɔr. Menyi alɛ nɛ bumo e sa maŋ kaa wora kayurwushi be kɔnɔkoŋwule be ŋkre kikɛ.

Ditɛronɔmi 9:3

Ama menyi ere beeŋ wu naniere fanɛ Enyɛnpe menyi be Ebɔrɛ na beeŋ juŋkpar menyi fanɛ gbaŋgbaŋ to be edɛ na. E beeŋ pɔɔ bumo so n sa menyi jemanɛ nɛ menyeeŋ baa kɔ bumo na, saŋɛ na so, menyeeŋ mur bumo nseŋ suge bumo be kasawule, fanɛ kananɛ e nase kɔnɔ na.

Joshuwa 10:20

Ndoŋ nna nɛ Joshuwa nɛ Israɛlebi na mɔ basa na ga, ama bumo be beko bre daŋ shile nna n ya luri bumo be kade nɛ b pɔr egbal ŋ kulti na to nɛ b maŋ nya bumo m mɔ.

Joshuwa 11:3

E daŋ sa Keenanebi nɛ b chena Jɔɔdan be lɔr na be mba anyɔ so na nɛ Amɔriebi nɛ Hitebi, nɛ Pɛrizebi nɛ Jebusiebi nɛ b wɔ abee be efuli so na, nɛ Hivebi nɛ b chena kebeegboŋ nɛ baa tre Hɛɛmɔn na be kaseto ashi Mispa be kasawule so na gba ebɔl.

Joshuwa 11:7

Ndoŋ nna nɛ Joshuwa nɛ benapo na kikɛ ba Meerɔm be kepa na ase m ba kɔ bumo kena purgiso.

Joshuwa 13:6

Sidɔnebi nɛ b wɔ abee be efuli so ashi Lebanɔn be abeegboŋ nɛ Misrefɔf Mayim be kefɛato na gba be efuli ti so. Meeŋ ju le be basa ere kikɛ ashi efuli na so, nɛ fo barga bumo be kasawule na to n sa Israɛlebi na, fanɛ kananɛ ŋ ŋini fo na gbagba chap.

Joshuwa 19:28

Ebrɔn nɛ Rehɔb nɛ Hamɔn nɛ Kaana hale n ya fo Sidɔn.

Joshuwa 21:44

Enyɛnpe Ebɔrɛ daŋ sa bumo kagbenewushi nna ashi efuli na kikɛ so, fanɛ kananɛ e nase kɔnɔ n sa bumo nananyɛnana na. Bumo doŋana be ekama daa maŋ tiŋ m pɔɔ bumo so, ŋkpal manɛ so, Enyɛnpe Ebɔrɛ daŋ sa Israɛlebi na eleŋ nna nɛ b kɔ m pɔɔ bumo doŋana kikɛ so.