Joshuwa 11:6 - EBƆRƐ BE KAWƆL

⁶ Nɛ Enyɛnpe Ebɔrɛ kaŋɛ Joshuwa le: “Men sa maa ŋana bumo ŋkpal manɛ so, echefo saŋɛ ere so, meeŋ ta bumo m bɔɔ menyi Israɛlebi enɔ nɛ men mɔ bumo kikɛ. Men wora m buri bumo be egbaŋɛ na be aya nseŋ chɔ bumo be egbaŋɛturko na.”

Joshuwa 11:6 Iomraidhean Croise

2 Samuɛl 8:4

Kena na to nɛ Deevid pɛ bumo be egbaŋɛdiipoana kagboŋ nɛ alfa shunu nɛ benapo nɛ b na aya so ŋgboŋ adunyɔ. E daŋ pɛ bumo nɛ baa dii egbaŋɛturko na gba nna nseŋ tuge egbaŋɛ na be achin n yige bumo to be kalfa nawule.

2 Bewura 6:16

Nɛ Elaisha kaŋɛ mo: “Sa maa lɔ kufu, benapo nɛ b wɔ an kutɔ chɔ bumo nɛ wu ere.”

2 Kronikɛls 20:16

Kusɔ nɛ menyeeŋ wora e la fanɛ, echefo nɛ men doŋana be benapo na kaŋ bɔla keshishɛrsawule nɛ k dese ŋ kulti Jeruwɛl be kade na a ba, menyi alɛ gba e ya tu bumo ashi Ziz be kade to saŋɛ so nɛ b bɔla ketaŋɛ na ase a ba na.

Nshɛ 46:10

E yɛ: “Wushi eyur boeŋ, feeŋ wu fanɛ ma e la Ebɔrɛ! Durnya to be efuliana so ebi kikɛ malɛ beeŋ maŋkura ma.”

Nshɛ 46:11

Enyɛnpetale Ebɔrɛ na wɔ anyi kutɔ. An nananyɛn Jeekɔb be Ebɔrɛ na e la anyi be ekumpogboŋ.

Nshɛ 46:9

E shin nɛ kena loge durnya to. E buri benapo be atanyembi nɛ akpa to nseŋ chɔɔ bumo be asɔ kuŋso kikɛ.

Aŋasa 20:7

Esa nɛ e niŋi kikɛ be kebaawɔtɔ niŋi nna. Mbia nɛ baa koya mbe asheŋ woraso bee nya nɛfa nna.

Aizaaya 30:16

Kusɔ nɛ menyee fɛ e la fanɛ menyeeŋ dii egbaŋɛ shileso n shile m mɔlga menyi be amu ŋkpal men doŋana so. Menyee fɛ fanɛ menyi be egbaŋɛ beeŋ tiŋ n shile ga ama bumo nɛ baa ju a buu menyi so na peya beeŋ shile a chɔ bumo nɛ b pɛ menyi.

Aizaaya 31:1

Asheŋ maaŋ nyalɛ n sa bekama nɛ baa yɔ Ijipt be efuli so n ya kaa fin kechɛto na! Baa ta bumo be amu nna a deŋi Ijipt be benapo be egbaŋɛ nɛ egbaŋɛturko be keshi nɛ benapo lempo so. Ama b maa ta bumo be amu a deŋi Enyɛnpe, Israɛl be Ebɔrɛ cheembi na so ŋko a fin mbe kechɛto.

Ezikɛl 39:9

Nɛ basa nɛ b wɔ Israɛl be ndegboŋ to na e lar n ya tise n tise bumo doŋana be akɔsɔ nɛ baaŋ yige n lɛ na m ba wɔtɔ edɛ. Baaŋ ta abɛlso be asɔ kuŋamuso nɛ ata nɛ atanyembi nɛ akpa nɛ mprɛ m wɔtɔ edɛ to. Nfɛ ashunu nɛ baa chɔɔ amo.

Hoziya 14:3

Asiriyaebi maaŋ tiŋ m mɔlga anyi. Kena to malɛ gba be egbaŋɛ maaŋ tiŋ ŋ kuŋ anyi. Anyi maaŋ naŋ kaŋɛ fanɛ anyi be agbirana na e la anyi be Ebɔrɛ. Fo Enyɛnpe Ebɔrɛ na nawule e naŋ tiŋ n chɛ anyi to.”

Nahum 2:13

Nɛ Enyɛnpetale Ebɔrɛ na kaŋɛ: “Ninɛveebi, men ki ma doŋana nna na, meeŋ chɔɔ menyi be egbaŋɛturko nseŋ shin nɛ b mɔ menyi be benapo kena to. Ma alɛ beeŋ naŋ shin nɛ b sɔ asɔ nɛ men suge beko kutɔ na, ekama malɛ maaŋ tuge menyi be mbɔ kikɛ.”

Ditɛronɔmi 7:16

A daga fanɛ men mur efuli kama nɛ Enyɛnpe Ebɔrɛ na shin nɛ men pɔɔ kumo be basa so na cheche nsaa maŋ wu bumo kuwɔr. Men sa maŋ kaa shuŋ bumo be agbirana, ŋkpal manɛ so, loŋ beeŋ tiŋ m bar menyi luwu.

Joshuwa 10:8

Nɛ Enyɛnpe Ebɔrɛ kaŋɛ Joshuwa le: “Sa maa ŋana bumo. N teŋ ta bumo m bɔɔ fo enɔ. Bumo be ekama maaŋ tiŋ n tu fo ŋ kɔ.”

Joshuwa 11:5

Le be bewura ere kikɛ daŋ wora kɔnɔkoŋwule nna n ya wora bumo keeyi to ashi Meerɔm be kepa ase ŋ kre kena nɛ b ya kɔ Israɛlebi.

Joshuwa 11:7

Ndoŋ nna nɛ Joshuwa nɛ benapo na kikɛ ba Meerɔm be kepa na ase m ba kɔ bumo kena purgiso.

Joshuwa 11:9

Kananɛ Enyɛnpe Ebɔrɛ baŋ ŋini Joshuwa na gbagba chap nɛ e daŋ wora. E daŋ buri bumo be egbaŋɛ na be aya nna nseŋ naŋ chɔ bumo be egbaŋɛturko gba.

Joshuwa 3:5

Kede be kaman nɛ Joshuwa kaŋɛ basa na le: “Men lara kulubi kikɛ ashi men be ŋgbene to nsaa du cheembi saŋkama ŋkpal manɛ so Enyɛnpe Ebɔrɛ na beeŋ ba menyi kutɔ echefo m ba wora emamachisheŋ.”

Demujipoana 20:28

Nɛ Israɛl be basa na naŋ bishi Enyɛnpe Ebɔrɛ na le: “An naaŋ bɛta n ya kɔ Bɛnjamin be basa nɛ b la an kurgepoana na kena ŋko an sa maŋ naŋ yɔ?” Nɛ Enyɛnpe Ebɔrɛ na kaŋɛ le: “Men yɔ! Echefo bre meeŋ shin nɛ men kɔ m pɔɔ bumo so.”

Demujipoana 7:9

Kumo be kanyɛso nɛ Enyɛnpe Ebɔrɛ na kaŋɛ Gidiɔn le: “Men koso ŋ gbelge to n ya kɔ Midianebi na, ŋkpal manɛ so, meeŋ shin nɛ men pɔɔ bumo so.

1 Samuɛl 11:9

Ndoŋ nna nɛ b kaŋɛ mbɔ nɛ b shi Jabesh na le: “Men kaŋɛ menyi be basa fanɛ pɔɛŋ nɛ kapa e fo echefo anyeeŋ mɔlga bumo.” Jabesh be basa ka nu loŋ be baru na nɛ bumo be ŋgbene fuli bumo ga.