Joshuwa 11:3 - EBƆRƐ BE KAWƆL

³ E daŋ sa Keenanebi nɛ b chena Jɔɔdan be lɔr na be mba anyɔ so na nɛ Amɔriebi nɛ Hitebi, nɛ Pɛrizebi nɛ Jebusiebi nɛ b wɔ abee be efuli so na, nɛ Hivebi nɛ b chena kebeegboŋ nɛ baa tre Hɛɛmɔn na be kaseto ashi Mispa be kasawule so na gba ebɔl.

Joshuwa 11:3 Iomraidhean Croise

Jɛnesis 31:49

Kumo be ketre ko gba e daa la Mispa, ŋkpal manɛ so, le nɛ e daŋ kaŋɛ: “Ebɔrɛ e baa keni ma nɛ fo kikɛ so saŋɛ nɛ anyee barga abar ere.

2 Samuɛl 24:16

Ama Enyɛnpe Ebɔrɛ be Malaika ka daa shin nɛ e mur Jerusalɛm na, nɛ kuwɔr pɛ Enyɛnpe Ebɔrɛ nɛ e chɛrga mbe nfɛra a yɔ basa na be kasogberge na be kaplɛa so nseŋ kaŋɛ Malaika nɛ e bee mɔ bumo na le: “K nyalɛ loŋ. Lara fo enɔ ashi bumo be asheŋ to!” Kumo be jemanɛ na nɛ Malaika na wɔ Aruna nɛ e la Jebusi be esa na be kugooro na ase.

2 Samuɛl 24:7

Kumo be kaman nɛ b yɔ kade nɛ b pɔr egbal ŋ kulti nɛ baa tre Tayɛ na, n ta loŋ n ya fo Hivebi nɛ Keenanebi be nsawule so be nde kikɛ to. N yili ndoŋ n yɔ Bɛshiba nɛ k wɔ Juda be kelargato be kaseto be keshishɛrsawule so na.

1 Bewura 15:22

Ndoŋ nna nɛ ewura Asa tre Juda be efuli so be benyɛn n shɛr abar so ŋ kaŋɛ bumo fanɛ b muu ajembu nɛ ndibi nɛ ewura Baasha kɔ a shuŋ ashi Raama na. Ndoŋ nna nɛ b muu amo n ya pɔr egbalshin n sɔ egbal nɛ b pɔr ŋ kulti Gɛba nɛ k wɔ Bɛnjamin be efuli so na nɛ Mizpa be nde na to.

1 Bewura 9:20

Ewura Sɔlɔmɔn daŋ shin nna nɛ Keenan be efuli so be basa, nɛ Israɛlebi daa maŋ mɔ saŋɛ nɛ b daŋ lar Ijipt m ba sɔ kasawule na bee shuŋ a sa mo. Bumo e daa la Hitebi nɛ Amɔriebi nɛ Pɛrizebi nɛ Hivebi nɛ Jebusiebi nɛ bumo be kaman to ebi la anya hale m ba fo kabre.

Nshɛ 133:3

Kumo alɛ naa du fanɛ bunyaŋ ka shi Hɛɛmɔn be kebeegboŋ na so a wurge Jerusalɛm be abee so nna. Ndoŋ nɛ Enyɛnpe Ebɔrɛ daŋ nase kɔnɔ fanɛ e beeŋ ta ŋkpa nɛ k maŋ kɔ ekar n nɛfa mbe basa na.

Nshɛ 89:12

Fo e to kelargato be esoso nɛ kaseto kikɛ. K du fanɛ abee nɛ baa tre Tabɔɔ nɛ Hɛɛmɔn na bee boŋ nshɛ kagbenefuliso nna a kpaŋ fo ketre.

Sɔlɔmɔn 4:8

Ma kejafɔ, shin nɛ an lar Lebanɔn. An lar Lebanɔn be abeegboŋ nɛ baa tre Amana, nɛ Senir nɛ Hɛɛmɔn na to, Amo be alaŋ to nɛ ebuluŋ nɛ ebuful bee di na.

Jɛremaya 40:10

Ŋ gbagba beeŋ chena Mizpa nfe, saŋɛ na so Babilɔnebi na ya ba nfe meeŋ yili menyi be katelamu ashi bumo be anishito. Menyeeŋ tiŋ m bɛta n yɔ menyi be ndeana to n ya kaa chala eyabra nɛ asɔrsoana nɛ ɔlif be ŋkuana a yili.”

Jɛremaya 40:6

Nɛ n yɔ Gɛmaliya kutɔ ashi kade nɛ baa tre Mizpa na nseŋ ya kaa wɔ basa nɛ b ka kasawule na so na to.

Jɛremaya 41:14

nɛ b kilgi a shile a yɔ Johanan kutɔ.

Jɛremaya 41:3

Ishmaɛl daŋ mɔ Israɛlebi nɛ Babilɔnebi be benapo nɛ b daa wɔ Gɛdaliya kutɔ ashi Mizpa na nna n ti so.

Nɔmbɛs 13:29

Amalɛkebi e chena kasawule na be kelargato be kaseto be kaba so, nɛ Hitebi nɛ Jebusiebi nɛ Amɔriebi malɛ chena kebee be efuli na be kaba so; nɛ Keenanebi malɛ chena m mata Teku nɛ baa tre Mɛditerenia na nɛ Jɔɔdan be lɔr na be ekarso.”

Ditɛronɔmi 4:48

Yili kade nɛ baa tre Arowa nɛ k mata Aanɔn be lɔr na be ketaŋɛ chiŋgeliŋ na n ya fo Hɛɛmɔn be kebeegboŋ nɛ k wɔ kelargato be esoso be kaba so na ase na daa la bumo be kasawule nna.

Ditɛronɔmi 7:1

Ndoŋ nna nɛ Mosis naŋ kaŋɛ: “Israɛlebi, Enyɛnpe menyi be Ebɔrɛ na beeŋ chɛ menyi to nɛ men suge Hitebi nɛ Giigashebi nɛ Amɔriebi nɛ Keenanebi nɛ Pɛrizebi nɛ Hivebi nɛ Jebusiebi be nsawule. Efuli ashunu ere be kekama be basa shibi nsaa kɔ eleŋ a chɔ menyi Israɛlebi, ama nɛ men kre kena n ya tu bumo,

Joshuwa 11:17

Kasawule na dese hale n ya fo Halak be kebeegboŋ nɛ k wɔ kelargato be kaseto be kaba so a mata Edɔm be efuli so na, n ta n ya fo Baal Gad nɛ k wɔ kelargato be esoso be kaba so ashi Lebanɔn be ketaŋɛ nɛ k wɔ Hɛɛmɔn be kebeegboŋ na be kelargato be kaseto be kaba so na. Joshuwa nɛ le be bewura ere daŋ kɔ abar kena n chɛr ga, ama e daŋ pɔɔ bumo so m mɔ bumo kikɛ.

Joshuwa 11:8

Nɛ Enyɛnpe Ebɔrɛ ta bumo m bɔɔ Israɛlebi na enɔ nseŋ shin nɛ b pɔɔ bumo so n ju m buu bumo so ŋ kɔ bumo n ya fo Misrefɔf Mayim nɛ Sidɔn ashi kelargato be esoso be kaba so, n ta loŋ n ya fo Mispa be ketaŋɛ nɛ k wɔ epeŋilarkpa na, m mɔ bumo kikɛ.

Joshuwa 13:11

N ta Giliad nɛ Gɛshur nɛ Maaka nɛ kebeegboŋ nɛ baa tre Hɛɛmɔn na nɛ Bashan hale n ya fo Saleka kikɛ.

Joshuwa 13:5

N ta Gebalebi be efuli nɛ Lebanɔn kikɛ ashi epeŋilarkpa, n yili Baal Gad nɛ k wɔ kebeegboŋ nɛ baa tre Hɛɛmɔn na be kelargato be kaseto hale n ya fo Hamaf.

Joshuwa 15:38

Dilɛan nɛ Mizpa nɛ Jokteel nɛ

Joshuwa 15:63

Judaebi na daŋ maŋ tiŋ n ju Jebusiebi nɛ b wɔ Jerusalɛm na bre. Ŋkpal loŋ so Jebusiebi nɛ Judaebi na e kraa tase hale kabre.

Joshuwa 18:26

Mizpa nɛ Kefira nɛ Moza nɛ

Joshuwa 3:10

Kananɛ menyeeŋ pin fanɛ Enyɛnpe Ebɔrɛ nɛ e wɔ ŋkpa to na wɔ menyi kutɔ nde. E beeŋ ju Keenanebi nɛ Hitebi nɛ Hivebi nɛ Pɛrizebi nɛ Gɛgashebi nɛ Amɔriebi nɛ Jebusiebi nɛ b wɔ Jɔɔdan be lɔr be kaba ndoŋ na kikɛ.

Demujipoana 20:1

Israɛl be basa nɛ b shi Dan be kasawule nɛ k dese kelargato be esoso be kaba so n ya fo Bɛshiba be kasawule nɛ k wɔ kelargato be kaseto be kaba so na, n ta bumo nɛ b shi Giliad be kasawule nɛ k wɔ Jɔɔdan be lɔr na be epeŋilarkpa be kaba so na kikɛ n ti so ka nu kesheŋ na nɛ b lar fanɛ esa koŋwule m ba shɛr Enyɛnpe Ebɔrɛ na be anishito ashi Mizpa.

Demujipoana 21:5

Kede be kaman nɛ Israɛlebi na bishi abar le: “Israɛl be yiri mo e daŋ kini keba shɛr Enyɛnpe Ebɔrɛ na be anishito jemanɛ nɛ an daŋ tre nshɛr ashi Mizpa na?” Ŋkpal manɛ so, b daŋ bɔ ntaŋ nna fanɛ yiri kama nɛ k kini keshɛr Enyɛnpe Ebɔrɛ na be anishito ashi Mizpa daga luwu nna.

Demujipoana 21:8

Nɛ b naŋ laŋɛ m bishi: “Israɛl be eyiri na to be kabuna mo e maŋ shɛr Enyɛnpe Ebɔrɛ na be anishito ashi Mizpa?” Ndoŋ nɛ b wu fanɛ esa kama daŋ maŋ shi Jabesh ashi Giliad m ba nshɛr na to.

Demujipoana 3:3

Basa pɔtɛ nɛ Enyɛnpe Ebɔrɛ na daŋ shin nɛ b ka kasawule na so na e daa la Filistiebi be ndegboŋ anu nɛ Keenanebi kikɛ nɛ Sidɔnebi nɛ Hivebi nɛ b daa wɔ Lebanɔn be abee nɛ yili kebee nɛ baa tre Baal Hɛɛmɔn na n ya fo kakpa nɛ baa tre Hamat be kɔnɔ to na so na.

Demujipoana 3:5

Israɛlebi na daŋ tu Keenanebi na nɛ Hitebi na nɛ Amɔriebi na nɛ Pɛrizebi na nɛ Hivebi na nɛ Jebusebi na kikɛ n chena nna.

1 Samuɛl 10:17

Nɛ Samuɛl shin nɛ Israɛlebi na gbargbar abar ashi Mizpa n shuŋ Enyɛnpe Ebɔrɛ ndoŋ