Joshuwa 11:23 - EBƆRƐ BE KAWƆL

²³ Joshuwa daŋ sɔ kasawule na kikɛ nna fanɛ kananɛ Enyɛnpe Ebɔrɛ daŋ kaŋɛ Mosis na, nseŋ barga kumo to n sa Israɛlebi na yiri yiri so nɛ k ki bumo be kapetɛ. Yili kumo be saŋɛ na so nɛ b wushi gbrɛbi ashi kena be kekɔ to.

Joshuwa 11:23 Iomraidhean Croise

Nehemaya 9:24

Ade kikɛ be kaman nɛ bumo nanaana kɔ n suge Keenanebi be kasawule. Fo e daŋ chɛ bumo to nɛ b kɔ m pɔɔ bewuraana nɛ efuli pɔtɛana so. Fo e shin nɛ b tiŋ n wora bumo doŋana kusɔ kama nɛ baa sha kikɛ.

Nshɛ 46:9

E shin nɛ kena loge durnya to. E buri benapo be atanyembi nɛ akpa to nseŋ chɔɔ bumo be asɔ kuŋso kikɛ.

Ɛksodɔs 34:11

Amoso, nɛ men bɛ ma mmalga nɛ mee ta a sa menyi kabre ere so, meeŋ ju Amɔriebi nɛ Keenanebi nɛ Hitebi nɛ Pɛrizebi nɛ Hivebi nɛ Jebusiebi ashi kasawule ere so.

Ezikɛl 45:8

Kakpa nɛ esa nɛ e bee ji kuwura na beeŋ baa kɔ ashi Israɛl be kasawule so nna na, saŋɛ na so e maaŋ baa nyaŋ basa na, nseŋ shin nɛ efuli na be kasawule nɛ k ka na e baa la Israɛl be eyiriana na peya.

Ditɛronɔmi 1:38

Ama leŋ Nun pibinyɛn, Joshuwa nɛ e la fo echɛtopo na to nɛ e juŋkpar Israɛl be basa na nɛ b ya kɔ n sɔ kasawule na n chena so.’

Ditɛronɔmi 25:19

Amoso, nɛ Enyɛnpe menyi be Ebɔrɛ na kaŋ sa menyi kasawule na, nɛ men chena kumo so nɛ kayurwushi, a daga fanɛ men mur Amalɛkebi na kikɛ, saŋɛ na so, esa kama maaŋ naŋ nyiŋi bumo be asheŋ gba kuraa. Men sa maŋ kaa teŋ kesheŋ ere so kikɛ!

Joshuwa 12:7

Joshuwa nɛ Israɛlebi na daŋ kɔ m pɔɔ bewura nɛ b daa wɔ Jɔɔdan be lɔr na be epeŋitɔrkpa be kaba so be efuli so na kikɛ so nna. Efuli na daŋ yili Baal Gad nɛ k wɔ Lebanɔn be ketaŋɛ to nna n ya fo kebeegboŋ nɛ baa tre Halak nɛ k wɔ kelargato be kaseto be kaba so a mata Edɔm be kasawule so na. Joshuwa daŋ barga kasawule na to nna n sa Israɛl be eyiri ana nna nɛ k ki bumo be kapetɛ mbaanaayɔ.

Joshuwa 18:10

Nɛ Joshuwa to beri m bishi Enyɛnpe Ebɔrɛ kusɔ nɛ k wɔtɔ nseŋ chige kasawule na to n sa Israɛl be eyiri nɛ a ka na.

Joshuwa 22:4

Naniere Enyɛnpe menyi be Ebɔrɛ na ka sa men niopibiana Israɛlebi kagbenewushi fanɛ kananɛ e nase kɔnɔ na ere, men bɛta n yɔ menyi be kasawule nɛ k wɔ Jɔɔdan be lɔr na be epeŋilarkpa be kaba so nɛ Enyɛnpe Ebɔrɛ be kayɛrbi Mosis ta n sa menyi na so.

Joshuwa 23:1

Enyɛnpe Ebɔrɛ na daŋ sa Israɛlebi na ewushi nfɛ damta nna ashi bumo doŋana kutɔ. Joshuwa malɛ daŋ bel ga nna.