Joshuwa 11:21 - EBƆRƐ BE KAWƆL

²¹ Loŋ be jemanɛ na so nɛ Joshuwa ya kɔ nseŋ mur basa tenteŋ gboŋgboŋi nɛ baa tre Anakebi nɛ b wɔ abee so ashi Hibrɔn nɛ Debir nɛ Anaab nɛ Juda be abee be fuliso kikɛ ashi Israɛl be kasawule so. Joshuwa daŋ kɔ mur bumo nɛ bumo be nde kikɛ nna.

Joshuwa 11:21 Iomraidhean Croise

Jɛremaya 3:23

Nnyamase be agbirana nɛ an shuŋ abee be awɔlto na bre maŋ chɛ anyi to kuraa. Kechɛ to nɛ Israɛl be basa bee nya kikɛ bee shi Enyɛnpe anyi be Ebɔrɛ na kutɔ nna.

Jɛremaya 9:23

Kumo be kaman nɛ Enyɛnpe Ebɔrɛ na naŋ kaŋɛ le: “Benyiashempo e sa maa puchi bumo be kanyiasheŋ so, ŋko belempo e sa maa puchi bumo be eleŋ so, ŋko damawuraana e sa maa puchi bumo be kedama so.

Eemɔs 2:9

Ama ŋkpal bumo so, nɛ m mur Amɔriebi nɛ b daa wɔ nteŋ fanɛ ndibi tenteŋ nɛ baa tre Sida na, nsaa kɔ eleŋ malɛ fanɛ ndibi gboŋgboŋi lempo na. N daŋ mur bumo be ayabi nɛ achin kikɛ nna cheche.

Nɔmbɛs 13:33

An ka wu basa tenteŋ gboŋgboŋi nɛ b shi Anak be kanaŋ to na, an ki fanɛ alonte nna ashi bumo be anishito.”

Ditɛronɔmi 1:28

Manɛ so nɛ anyi beeŋ yɔ ndoŋ? Anyi bee lɔ kufu nna, ŋkpal manɛ so, basa nɛ an shuŋi na kaŋɛ anyi fanɛ basa nɛ b wɔ ndoŋ na kɔ eleŋ a chɔ anyi nsaa du jeŋgreŋ a chɔ anyi. Kumo be kaman, bumo alɛ naa wɔ ndegboŋ nɛ b pɔr egbal jeŋgreŋ, nɛ a du fanɛ a ka fo awɔlpa to, ŋ kulti na to. B yɛ, b wu basa nɛ b pɔlto nsaa du jeŋgreŋ gba ndoŋ.’

Ditɛronɔmi 2:21

Zamzummimebi ere daa la yiri nɛ b shi nsaa kɔ eleŋ ga nseŋ naa du jeŋgreŋ jeŋgreŋ fanɛ Anak be yiri to ebi na nna. Ama Enyɛnpe Ebɔrɛ na daŋ mur bumo nna, saŋɛ na so Ammɔnebi beeŋ sɔ bumo be kasawule na n chena so.

Ditɛronɔmi 9:2

Basa na gbagba wɔ nteŋ nsaa kɔ eleŋ a chɔ menyi, nɛ menyi alɛ bee nu fanɛ esa kama maŋ tiŋ n tu bumo ŋ kɔ m pɔɔ so.

Joshuwa 10:42

Joshuwa daŋ kɔ bewura na kukoko to nna m pɔɔ bumo be efuliana kikɛ so, ŋkpal Enyɛnpe, Israɛl be Ebɔrɛ, na ka bee kɔ a sa Israɛlebi so so.

Kelaraŋŋini 6:2

Ndoŋ nna nɛ ŋ keni nɛ gbaŋɛ fuful e yil. Kumo be ediipo daa kɔ keta to nna nɛ b ta kuwurwuro n sa mo nɛ e dii gbaŋɛ na n lar ndoŋ fanɛ ekɔmpɔɔsopo nɛ e ya kɔ m pɔɔ so.

Demujipoana 1:20

Judaebi na daŋ ta kade nɛ baa tre Hibrɔn na nna n sa Kalɛb nɛ e kɔ n ju Anak be mbinyɛnsobi asa na kumo to fanɛ kananɛ Mosis daŋ nase kɔnɔ n sa bumo na.