Joshuwa 11:14 - EBƆRƐ BE KAWƆL

¹⁴ Israɛlebi na daŋ ta basa na be asɔ lela nɛ bumo be asɔbɔya kikɛ nna. Ama b daŋ mɔ basa kama nɛ b daa wɔ nde na to bre kikɛ. Esa koŋwule gba daa maŋ ji efute.

Joshuwa 11:14 Iomraidhean Croise

2 Kronikɛls 20:25

Ndoŋ nna nɛ ewura Jehoshafat nɛ mbe benapo ya muu bumo be asɔ damta nseŋ ta ana damta nɛ ajibi nɛ epiŋi nɛ asɔ damta n ti so. Nchɛ asa nɛ b daŋ ta a muu asɔ na ama amo nɛ amo kikɛ b daa maŋ tiŋ m muu amo n loge.

Nɔmbɛs 31:9

Israɛlebi na daŋ pɛ Midianebi na be beche nɛ mbia nna n ta bumo be ana nɛ mbolpɔ nɛ bumo be asɔ kikɛ,

Ditɛronɔmi 20:14

Ama menyeeŋ tiŋ m pɛ bumo be beche nɛ mbia kenya nseŋ ta bumo be asɔbɔya nɛ asɔ lela nɛ menyee sha. Menyeeŋ tiŋ n ta men doŋana na be asɔ n wora kusɔ kama nɛ menyee sha, ŋkpal manɛ so, Enyɛnpe Ebɔrɛ na e ta amo n sa menyi.

Ditɛronɔmi 20:16

Ama menyi kaŋ kɔ n sɔ ndegboŋ nɛ a wɔ kasawule nɛ Enyɛnpe menyi be Ebɔrɛ na ta a sa menyi ere so bre, men mɔ basa na nɛ bumo be asɔbɔya kikɛ.

Joshuwa 10:40

Joshuwa daŋ kɔ m pɔɔ efuli na kikɛ so nna. E daŋ pɔɔ bewura nɛ b wɔ abee be efuli nɛ k wɔ nferinto na so, nɛ bumo nɛ b wɔ epeŋilarkpa be kaba so na, nɛ bumo nɛ b wɔ abee nɛ a wɔ epeŋitɔrkpa be kaba so na, nɛ bumo nɛ b chena kelargato be kaseto be keshishɛrsawule so na kikɛ so nna. Ndoŋ be esa kama daa maŋ pete. Kupɔrso kikɛ daa maŋ ji efute, ŋkpal manɛ so, loŋ nɛ Enyɛnpe Israɛl be Ebɔrɛ na daŋ kaŋɛ bumo fanɛ b wora.

Joshuwa 11:11

B daŋ mɔ basa kama nɛ b wɔ kade na to kikɛ nna nseŋ chɔ kumo. Esa kama daa maŋ ji efute.

Joshuwa 11:13

Nde nɛ e daa wɔ atarkpaŋ so na bre Israɛlebi na daa maŋ chɔ amo be kekama, ama Hazɔɔ nawule nɛ Joshuwa daŋ chɔ.

Joshuwa 11:15

Kusɔ nɛ Enyɛnpe Ebɔrɛ daŋ kaŋɛ mbe kayɛrbi Mosis na gbagba chap nɛ mo alɛ kaŋɛ Joshuwa, nɛ Joshuwa malɛ bɛ kumo gbagba so chap. E daŋ wora kusɔ kama nɛ Enyɛnpe Ebɔrɛ daŋ kaŋɛ Mosis na kikɛ.

Joshuwa 8:2

Kananɛ men baŋ wora Jɛriko nɛ kumo be ewura na, loŋ gbagba nɛ mee sha men ka wora Ai nɛ kumo be ewura, ama menyeeŋ tiŋ n ta bumo ere be asɔ nɛ asɔbɔya ŋ ki menyeya naniere bre. Shin nɛ benapo na be beko e wora shiriya n ya ŋana kupuŋ to kade na be ekarso a jo nɛ b kɔ kade na to ebi kena.”

Joshuwa 8:27

Israɛlebi na daŋ ta bumo be asɔbɔya nɛ bumo be asɔ kikɛ nna, ŋkpal manɛ so, loŋ nɛ Enyɛnpe Ebɔrɛ kaŋɛ Joshuwa fanɛ b wora.