Joshuwa 11:11 - EBƆRƐ BE KAWƆL

¹¹ B daŋ mɔ basa kama nɛ b wɔ kade na to kikɛ nna nseŋ chɔ kumo. Esa kama daa maŋ ji efute.

Joshuwa 11:11 Iomraidhean Croise

Ditɛronɔmi 20:16

Ama menyi kaŋ kɔ n sɔ ndegboŋ nɛ a wɔ kasawule nɛ Enyɛnpe menyi be Ebɔrɛ na ta a sa menyi ere so bre, men mɔ basa na nɛ bumo be asɔbɔya kikɛ.

Ditɛronɔmi 3:7

An daŋ ta asɔbɔya na nna nseŋ sensaŋ ndeana na to n ta asɔ lela na kikɛ.

Ditɛronɔmi 7:2

Enyɛnpe Ebɔrɛ na beeŋ tintiŋ bumo n lar kasawule na so, nɛ menyi alɛ e mur bumo cheche nsaa maŋ wu bumo kuwɔr. Menyi alɛ nɛ bumo e sa maŋ kaa wora kayurwushi be kɔnɔkoŋwule be ŋkre kikɛ.

Joshuwa 10:40

Joshuwa daŋ kɔ m pɔɔ efuli na kikɛ so nna. E daŋ pɔɔ bewura nɛ b wɔ abee be efuli nɛ k wɔ nferinto na so, nɛ bumo nɛ b wɔ epeŋilarkpa be kaba so na, nɛ bumo nɛ b wɔ abee nɛ a wɔ epeŋitɔrkpa be kaba so na, nɛ bumo nɛ b chena kelargato be kaseto be keshishɛrsawule so na kikɛ so nna. Ndoŋ be esa kama daa maŋ pete. Kupɔrso kikɛ daa maŋ ji efute, ŋkpal manɛ so, loŋ nɛ Enyɛnpe Israɛl be Ebɔrɛ na daŋ kaŋɛ bumo fanɛ b wora.

Joshuwa 6:21

nseŋ ta bumo etokobi m mɔ benyɛn nɛ beche nɛ mbia nɛ benimu nɛ kusɔ kama nɛ k wɔ kade na to kikɛ. B daŋ mɔ ana nɛ mbolpɔ nɛ ekurma nɛ amo kikɛ ki sarga n sa Ebɔrɛ.

Joshuwa 6:24

Kumo be kaman nɛ b wɔtɔ kade na nɛ kusɔ kama nɛ k wɔ kumo to kikɛ edɛ nɛ kumo kikɛ chɔɔ m mur. Shuwa nɛ gbiti nɛ kusɔ kama nɛ b ta katishaŋ peper nɛ abɛlso n wora na nawule nɛ b daŋ ta n wɔtɔ Enyɛnpe Ebɔrɛ be kpanjawu to.