Joshuwa 10:8 - EBƆRƐ BE KAWƆL

⁸ Nɛ Enyɛnpe Ebɔrɛ kaŋɛ Joshuwa le: “Sa maa ŋana bumo. N teŋ ta bumo m bɔɔ fo enɔ. Bumo be ekama maaŋ tiŋ n tu fo ŋ kɔ.”

Joshuwa 10:8 Iomraidhean Croise

1 Bewura 20:13

Loŋ be jemanɛ nɛ anebi ko yɔ ewura Ahab kutɔ n ya kaŋɛ mo le: Enyɛnpe yɛ: “Men sa maa lɔ kufu ŋkpal benapo damta nɛ b kɔ ere so. Meeŋ shin nɛ men kɔ m pɔɔ bumo so, saŋɛ na so menyeeŋ pin fanɛ ma e la Enyɛnpe Ebɔrɛ na kashenteŋto!”

Romebi 8:31

To, asheŋ nɛ an nu ere kikɛ be kaman, nuso nɛ anyeeŋ kaŋɛ? Nɛ Ebɔrɛ baa wɔ anyi be kaman, wanɛ e naaŋ tiŋ m pɔɔ anyi so?

Ditɛronɔmi 3:2

Nɛ Enyɛnpe Ebɔrɛ na kaŋɛ ma le: “Mosis, men sa maa ŋana mo. Meeŋ chɛ menyi to nɛ men kɔ m pɔɔ Ewura Ɔg nɛ mbe benapo so n suge bumo be kasawule. Men mur mo nɛ mbe basa kikɛ fanɛ kananɛ men wora Amɔriebi be ewura, Sihɔn, nɛ e daa ji kuwura ashi Hɛshbɔn na.”

Ditɛronɔmi 7:24

Mo alɛ beeŋ naŋ sa menyi yuku bumo be bewura so nɛ men mɔ bumo nɛ esa maaŋ naa nyiŋi bumo be asheŋ gba kuraa. Esa kama maaŋ tiŋ ŋ kuŋ menyi be kemur bumo akpa.

Joshuwa 10:25

Kumo be kaman nɛ Joshuwa kaŋɛ benapo be benimuana na le: “Men sa maa lɔ kufu ŋko a pɔ aba. Men leŋ men be amu to nsaa kɔ kagbene, ŋkpal manɛ so le nɛ Enyɛnpe Ebɔrɛ na beeŋ wora men doŋana kikɛ.”

Joshuwa 10:9

Joshuwa nɛ mbe benapo na daŋ gal edi nna n shi Gilgaal n nite kanyɛ na kikɛ n yɔ Gibiɔn n ya kɔ Amɔriebi na kena purgiso.

Joshuwa 11:6

Nɛ Enyɛnpe Ebɔrɛ kaŋɛ Joshuwa le: “Men sa maa ŋana bumo ŋkpal manɛ so, echefo saŋɛ ere so, meeŋ ta bumo m bɔɔ menyi Israɛlebi enɔ nɛ men mɔ bumo kikɛ. Men wora m buri bumo be egbaŋɛ na be aya nseŋ chɔ bumo be egbaŋɛturko na.”

Joshuwa 8:1

Asheŋ ere be kaman nɛ Enyɛnpe Ebɔrɛ kaŋɛ Joshuwa le: “Keta fo benapo na kikɛ n yɔ Ai. Fo alɛ e sa maa lɔ kufu ŋko a pɔ aba. Meeŋ shin nɛ men kɔ m pɔɔ Ai be ewura na so, nɛ mbe basa nɛ mbe kade nɛ kasawule na kikɛ e ki menyeya.

Demujipoana 6:16

Ndoŋ nna nɛ Enyɛnpe Ebɔrɛ na naŋ kaŋɛ mo le: “Ma e naaŋ chɛ fo to nɛ fo tiŋ m pɔɔ Midianebi na kikɛ so fanɛ b ka la esa koŋwule na.”

Demujipoana 7:9

Kumo be kanyɛso nɛ Enyɛnpe Ebɔrɛ na kaŋɛ Gidiɔn le: “Men koso ŋ gbelge to n ya kɔ Midianebi na, ŋkpal manɛ so, meeŋ shin nɛ men pɔɔ bumo so.

1 Samuɛl 17:47

Ekama malɛ nfe beeŋ pin fanɛ mannɛ etokobi ŋko akpa nɛ Enyɛnpe Ebɔrɛ na bee ta a kɔ a mɔlga mbe basa. E la ekɔmpɔɔsopo kena kikɛ to nna. Mo alɛ beeŋ chɛ anyi to nɛ an kɔ m pɔɔ menyi so.”