Joshuwa 10:6 - EBƆRƐ BE KAWƆL

⁶ Kubɔya nɛ Gibiɔnebi na daŋ shuŋi ŋ kaŋɛ Joshuwa ashi Gilgaal be keeyi to e daa la: “Men sa maŋ yige anyi n lɛ. Men ba mɔlga anyi manaŋ! Men ba naniere m ba chɛ anyi to, ŋkpal manɛ so, Amɔriebi be bewura nɛ b shi kebee so be efuli so na kikɛ chɛ abar nna a kɔ anyi kena.”

Joshuwa 10:6 Iomraidhean Croise

2 Bewura 4:24

Nseŋ shin nɛ b ta gaare n deŋi kurma so nɛ e kaŋɛ mbe kayɛrbi: “Shin nɛ kurma na e ba nite manaŋ manaŋ. Sa maŋ kaŋ pɔ aya kikɛ ama m ba kaŋɛ fo fanɛ fo wora loŋ nna.”

Nshɛ 125:2

Enyɛnpe Ebɔrɛ na e kulti mbe basa n wɔtɔ a kuŋ bumo, fanɛ kananɛ abee ana na kulti Jerusalɛm n wɔtɔ na.

Aizaaya 33:22

Enyɛnpe Ebɔrɛ na e la anyi be demujipo nɛ esa nɛ e bee ji kuwura anyi so. Mo e la anyi be ewura nɛ e bee kuŋ anyi nɛ an nya anyi be amu a wɔtɔ.

Nɔmbɛs 13:29

Amalɛkebi e chena kasawule na be kelargato be kaseto be kaba so, nɛ Hitebi nɛ Jebusiebi nɛ Amɔriebi malɛ chena kebee be efuli na be kaba so; nɛ Keenanebi malɛ chena m mata Teku nɛ baa tre Mɛditerenia na nɛ Jɔɔdan be lɔr na be ekarso.”

Luuk 1:39

K maŋ chɛr ko nɛ Mɛɛri bela ase n nya manaŋ n yɔ kebee so be kade ko to, Judiya be efuli so.

Ditɛronɔmi 1:15

Ndoŋ nna nɛ n shin nɛ basa nɛ men lara eyiriana na to nɛ b nyi asheŋ nsaa kɔ kenyi nɛ kepinto nɛnɛ na ki menyi be bejuŋkparpo. Beko daa keni basa kagboŋ so, nɛ beko daa keni basa kalfa so, nɛ beko bee keni basa adunu so nɛ beko malɛ bee keni basa kudu so.

Joshuwa 10:5

Amoso Amɔriebi be bewura anu nɛ b shi Jerusalɛm nɛ Hibrɔn nɛ Jaamɔf nɛ Lakish nɛ Iglɔn na be benapo daŋ ba abar so nna nɛ b ba kɔ Gibiɔnebi kena.

Joshuwa 10:7

Ndoŋ nna nɛ Joshuwa nɛ mbe benapo na kikɛ, n ta mbe benapo lempo n ti so, lar Gilgaal a yɔ.

Joshuwa 21:11

B daŋ ta Kiriaf Aba nɛ baa tre Hibrɔn nɛ k wɔ Juda be abee be efuli so na nɛ kumo be asɔbɔya be ejikpa be kasawule na nna n sa bumo (Anak mo nananyɛn e daa la Arba.)

Joshuwa 5:10

Kafɛ na to be kufɔl sososo na be kachɛ kuduanasopo na be kaaseso nɛ Israɛlebi na ji kebansonchoŋ be kejigboŋ na ashi bumo be keeyi to ashi Gilgaal nɛ k mata Jɛriko na.

Joshuwa 9:15

Nɛ Joshuwa nɛ Gibiɔn be basa na wora kagbenewushi be kɔnɔkoŋwule be ŋkre nseŋ nase nnɔ n sa abar fanɛ Israɛlebi maaŋ mɔ bumo. Nɛ Israɛlebi be bejuŋkparpoana na shuli so fanɛ baaŋ bɛ kɔnɔ naseso na so.

Joshuwa 9:6

Kumo be kaman nɛ b yɔ Israɛlebi na be keeyi to ashi Gilgaal n ya kaŋɛ Joshuwa le: “Kade wɔfɔ nɛ an shi, amoso anyee sha fanɛ anyi nɛ menyi e wora kɔnɔkoŋwule be ŋkre nna.”

Joshuwa 9:8

Ndoŋ nna nɛ b kaŋɛ Joshuwa le: “An la fo nyɛrbi nna.” Nɛ Joshuwa malɛ bishi bumo: “Basa mo e la menyi? Nnɛ nɛ men shi?”