Joshuwa 10:4 - EBƆRƐ BE KAWƆL

⁴ “Men ba chɛ ma to nɛ n ya kɔ Gibiɔn. Ŋkpal manɛ so kumo be basa nɛ Joshuwa nɛ Israɛlebi wora kagbenewushi be kɔnɔkoŋwule be ŋkre.”

Joshuwa 10:4 Iomraidhean Croise

Matiu 16:24

Kede be kaman nɛ Yesu kaŋɛ mbe bebɛsopo na: “Ekama nɛ e bee sha kebɛ ma so, a daga e ka teŋ mbe kumu so nseŋ sulɔ mbe kedibi largato m bɛ ma so.

Baru lela nɛ Jɔn kute na 15:19

Nɛ men daa la durnya ere peya nna, k daa beeŋ baa sha menyi fanɛ kumo be basa gbagba. Ama n lara menyi ashi durnya ere to nna nɛ men maŋ naa la kumo be basa, amoso nɛ k kishi menyi na.

Ashuŋ Shunso 21:28

m ponte ŋ kaŋɛ: “Israɛlebi, men ba chɛ to. Kanyɛn nɛ e na kaplɛkama a ŋini basa kikɛ asheŋ nɛ a bee da Israɛlebi nɛ Mosis be mbra na nɛ bɔrɛlambu na so e ba nfe hale m bar nnyamase bɔrɛlambu na to nɛ b ba jija kumo kananɛ k du cheembi na.”

2 Timoti 3:12

Kashenteŋto, esa kama nɛ e bugi kagbene a sha kebɛ Kristo Yesu so, baaŋ tɔrɔ amodoŋwura.

Jeems 4:4

Basa nɛ esa maaŋ tiŋ n yirda ere! Men maŋ nyi fanɛ nɛ esa baa la Ebɔrɛ mo teri, amodoŋwura malɛ nɛ durnya ere to be asɔ maa ji a kra abar ŋko? To, esa kama nɛ e bee ta mbe kasha a wɔtɔ durnya ere be asɔ to, bee ta mbe kumu nna a ki Ebɔrɛ mo doŋ na.

Joshuwa 10:1

Adonizɛdɛk nɛ e daa la Jerusalɛm be ewura na daŋ nu fanɛ Joshuwa pɔɔ Ai so m mur kumo kikɛ nseŋ mɔ bumo be ewura fanɛ kananɛ e daŋ wora Jɛriko nɛ kumo be ewura na, nseŋ naŋ nu gba fanɛ Gibiɔnebi na yɔ Israɛlebi kutɔ nɛ bumo nɛ bumo ya wora kagbenewushi be kɔnɔkoŋwule be ŋkre, hale nɛ b chena Israɛlebi na to.

Joshuwa 10:5

Amoso Amɔriebi be bewura anu nɛ b shi Jerusalɛm nɛ Hibrɔn nɛ Jaamɔf nɛ Lakish nɛ Iglɔn na be benapo daŋ ba abar so nna nɛ b ba kɔ Gibiɔnebi kena.

Joshuwa 9:15

Nɛ Joshuwa nɛ Gibiɔn be basa na wora kagbenewushi be kɔnɔkoŋwule be ŋkre nseŋ nase nnɔ n sa abar fanɛ Israɛlebi maaŋ mɔ bumo. Nɛ Israɛlebi be bejuŋkparpoana na shuli so fanɛ baaŋ bɛ kɔnɔ naseso na so.

1 Pita 4:4

Naniere k bee chinchiŋ bumo nna, ŋkpal men ka maŋ naa tu bumo a wora loŋ be asheŋ jiga na so. Amoso nɛ baa tege menyi na.

Kelaraŋŋini 16:14

A la mbuibi lubiana be ayoyu nna a wora emamachisheŋ a yɔ durnya ere kikɛ be bewura kutɔ n ya kaa chala bumo a jo Enyɛnpetale Ebɔrɛ be kachɛgboŋ be kena na.