Joshuwa 10:3 - EBƆRƐ BE KAWƆL

³ Ndoŋ nna nɛ Adonizɛdɛk kaŋɛ Hohaam nɛ e la Hibrɔn be ewura na, nɛ Piiram nɛ mo alɛ la Jaamɔf be ewura, nɛ Jaafia nɛ e la Lakish be ewura, n ta Debir nɛ e la Iglɔn be ewura le:

Joshuwa 10:3 Iomraidhean Croise

Jɛnesis 23:2

Sɛɛra daŋ wu ashi Kiriaf Arba nɛ kumo koŋwule na la Hibrɔn nɛ k wɔ Keenan be kasawule so na nna nɛ Eebraham shu mbe keeli ga.

Jɛnesis 37:14

Ndoŋ nna nɛ mo tuto kaŋɛ mo: “Keni, yɔ naniere n ya keni kananɛ fo daana nɛ asɔbɔya na du. Fo kaŋ wu bumo, fo naŋ ba kaŋɛ ma kusɔ nɛ k wɔtɔ.” Ndoŋ nna nɛ e shin nɛ Josɛf bɔla Hibrɔn be ketaŋɛ to a yɔ Shɛkɛm.

2 Samuɛl 2:11

Hibrɔn to nɛ Deevid daŋ chena n ji Juda be efuli so be kuwura nfɛ ashunu nɛ bargato.

2 Bewura 18:14

Ndoŋ nna nɛ ewura Hɛzekaya ta le be kubɔya ere nɛ e ya sa Sennakerɛb ashi Lakish be kade to. E yɛ: “N wora alubi amoso jande yige kebaakɔ ma kena, saŋɛ na so meeŋ sa fo kusɔ kama nɛ fee sha.” Nɛ ewurgboŋ Sennakerɛb malɛ kela n shoŋi Hɛzekaya fanɛ e sa mo gbiti kilo ŋgboŋ kudu nɛ shuwa malɛ kilo kagboŋ koŋwule.

2 Bewura 18:17

Ndoŋ nna nɛ Asiriya be ewura na kaŋɛ mbe benapo be ejuŋkparpo fanɛ e lar kade nɛ baa tre Lackish na nseŋ keta benapo damta n yɔ Jerusalɛm n ya kɔ ewura Hɛzekaya kena. Benapo be bejuŋkparpogboŋ asa na e daŋ yɔ n ya yili ekpa nɛ k mata ewajɛluepoana be eshuŋkpa nɛ k dese ŋ kra kuchubɔr nɛ b kur nɛ nchu bee shi esoso be Kepa na to a bɔla a yɔ kade na to na.

2 Kronikɛls 11:9

nɛ Adoraim nɛ Lakish nɛ Azeka

Jɛremaya 34:7

Loŋ be jemanɛ na nɛ Babilɔn be ewura be benapo daa wora ania nɛ b bure egbalana nɛ a kulti ndegboŋ nɛ baa tre Lakish nɛ Azeka nɛ Jerusalɛm na. Ndegboŋ asa ere nɛ b daa maŋ naŋ kɔ n sɔ ashi Juda be efuli so.

Maika 1:13

Menyi nɛ men wɔ Lakish na e bela men be egbaŋɛ nɛ kena to be egbaŋɛturko ase. Men kute Israɛlebi to n wora alubi nseŋ ŋin Jerusalɛmebi gba n wɔtɔ alubi to.

Nɔmbɛs 13:22

B ka bɔla kelargato be kaseto be kaba so a yɔ na nɛ b ya tu kade ko nɛ baa tre Hibrɔn. Ndoŋ nɛ b tu Ahiman nɛ Shishai nɛ Talmai nɛ b shi basa tenteŋ gboŋgboŋi nɛ baa tre Anakebi be kanaŋ to na. Hibrɔn daŋ chena nfɛ ashunu nna pɔɛŋ nɛ Zowan nɛ k wɔ Ijipt be efuli so na chena.

Joshuwa 10:1

Adonizɛdɛk nɛ e daa la Jerusalɛm be ewura na daŋ nu fanɛ Joshuwa pɔɔ Ai so m mur kumo kikɛ nseŋ mɔ bumo be ewura fanɛ kananɛ e daŋ wora Jɛriko nɛ kumo be ewura na, nseŋ naŋ nu gba fanɛ Gibiɔnebi na yɔ Israɛlebi kutɔ nɛ bumo nɛ bumo ya wora kagbenewushi be kɔnɔkoŋwule be ŋkre, hale nɛ b chena Israɛlebi na to.

Joshuwa 10:23

Ndoŋ nna nɛ b ya bugi kebeelaŋ na n lara Jerusalɛm nɛ Hibrɔn nɛ Jaamɔf nɛ Lakish nɛ Iglɔn be bewura na

Joshuwa 10:34

Kede be kaman nɛ Joshuwa nɛ mbe benapo yili Lakish n yɔ Iglɔn n ya kulti kumo ale gba ŋ kɔ kumo kena.

Joshuwa 10:5

Amoso Amɔriebi be bewura anu nɛ b shi Jerusalɛm nɛ Hibrɔn nɛ Jaamɔf nɛ Lakish nɛ Iglɔn na be benapo daŋ ba abar so nna nɛ b ba kɔ Gibiɔnebi kena.

Joshuwa 14:15

Hibrɔn nɛ b daa tre Aba be kade. (Aba e daa la Anakebi na kikɛ be esa nɛ e wora asheŋgboŋ a chɔ ekama.) Ndoŋ nna nɛ kagbenewushi ba efuli na so.

Joshuwa 15:54

Humta nɛ Hibrɔn nɛ Ziɔr. Amo alɛ wɔ ndegboŋ akpanu nɛ amo be ndewurbi.

Joshuwa 15:63

Judaebi na daŋ maŋ tiŋ n ju Jebusiebi nɛ b wɔ Jerusalɛm na bre. Ŋkpal loŋ so Jebusiebi nɛ Judaebi na e kraa tase hale kabre.

Joshuwa 18:28

Zela nɛ Helɛf nɛ Jerusalɛm nɛ k la Jebusiebi be kadegboŋ na, nɛ Gibia nɛ Kiriaf Jearim. Amo alɛ nɛ amo be ndewurbi daa la nde kuduana. Kasawule nɛ Bɛnjamin be yiri to ebi daŋ nya fanɛ bumo be kapetɛ nna na.