Joshuwa 10:21 - EBƆRƐ BE KAWƆL

²¹ Israɛl be benapo na bre daŋ bɛta nɛ alenfia nna m ba Joshuwa kutɔ ashi Makɛda be keeyi to. Basa nɛ b wɔ efuli na so na malɛ be ekama daa ŋana kenaŋ m malga kamalga lubi ŋ gbiti Israɛlebi na nna.

Joshuwa 10:21 Iomraidhean Croise

Ɛksodɔs 11:7

Ama kakpa nɛ Israɛlebi na bre wɔ, basa maaŋ shu, hale jɔnɔ gba maaŋ gbu. Saŋɛ na so menyi, Ijiptebi beeŋ pin fanɛ Israɛlebi na kɔr menyi to ashi ma, Enyɛnpe Ebɔrɛ na kutɔ.

Aizaaya 54:17

Ama kekɔsɔ kama maaŋ tiŋ n wora fo shɛŋ. Fo alɛ beeŋ nya kusɔ ko ŋ kaŋɛ bekama nɛ baaŋ ku fo kɔnɔ. Meeŋ kɔ n sa ma anya nseŋ shin nɛ b kɔ m pɔɔ so.” Enyɛnpe Ebɔrɛ e kaŋɛ na.

Aizaaya 57:4

Wanɛ nɛ menyee wora eyurto? Wanɛ nɛ menyee mɛr kɔnɔ? Men keni, menyi be alubi shin nɛ men ki bewulpo nna.

Joshuwa 10:20

Ndoŋ nna nɛ Joshuwa nɛ Israɛlebi na mɔ basa na ga, ama bumo be beko bre daŋ shile nna n ya luri bumo be kade nɛ b pɔr egbal ŋ kulti na to nɛ b maŋ nya bumo m mɔ.

Joshuwa 10:22

Kede be kaman nɛ Joshuwa kaŋɛ le: “Men ya bugi kebeelaŋ na n lara bewura anu na m bar ma.”