Joshuwa 10:13 - EBƆRƐ BE KAWƆL

¹³ Ndoŋ nna nɛ epeŋi na yili dindiŋ, nɛ kufɔl malɛ kini ketɔr n ya fanɛ Israɛlebi ka pɔɔ bumo doŋana so na. Kumo be loŋ nɛ b sibɛ Jaasha be kawɔl to na fanɛ: “Epeŋi daŋ yili kumu to sirr nna a maŋ tɔr kachɛ lelemu.”

Joshuwa 10:13 Iomraidhean Croise

2 Samuɛl 1:18

Nseŋ yili kumo fanɛ a daga Juda be esa kikɛ ka koya kumo. Ketre nɛ e daŋ sa kashɛ na e la Keta be kashɛ. Nɛ b sibɛ kumo n wɔtɔ Jashɛr be kawɔl to.

2 Bewura 20:10

Ndoŋ nna nɛ Hɛzekaya malɛ kaŋɛ: “Keshin nɛ kiyoyu e baa yɔ anishito du pɔtɔ pɔtɔ a chɔ keshin nɛ k baa yɔ kamanto. Amoso shin nɛ k bɛta kaman.”

Ɛsta 8:13

A daga fanɛ efuli na so ebi kikɛ ka nu mbra na, saŋɛ na so Juwebi na beeŋ wora shiriya ŋ kɔ bumo doŋana na loŋ be kamɔnchɛ.

Job be kawɔl 9:7

E beeŋ naŋ tiŋ n shin nɛ epeŋi nɛ achɛkpabi e biri to nɛ kakpa e fuli to ŋ gben.

Nshɛ 148:3

Kufɔl nɛ epeŋi, e baa kpaŋ mo. Achɛkpabi nɛ e bee nyɛkpɛ gba e baa kpaŋ Enyɛnpe Ebɔrɛ na.

Nshɛ 19:4

ama durnya to ebi kikɛ bee wu kusɔ nɛ a bee ŋini saŋkama nna. Ebɔrɛ wora awɔlpa nna fanɛ wajɛbu n sa epeŋi.

Aizaaya 24:23

Kufɔl beeŋ biri to nɛ epeŋi e nyaŋɛ ŋ gben, ŋkpal manɛ so, Enyɛnpetale Ebɔrɛ na e la ewura. Zayɔn be kebee na so nɛ e beeŋ baa wɔ nsaa ji Jerusalɛm so kuwura nɛ basa na be benimuana e wu mbe kemaŋkura.

Aizaaya 38:8

Enyɛnpe Ebɔrɛ na beeŋ shin nɛ kiyoyul nɛ k deŋ atemprembi nɛ ewura Ahaz pɔr na so na e bɛta kaman ateŋgreŋ kudu so.” Ndoŋ nna nɛ kiyoyul na bɛta kaman ateŋgreŋ kudu so, fanɛ kananɛ Enyɛnpe Ebɔrɛ kaŋɛ na.

Jowɛl 2:10

B baa ba, kasawule bee gbuŋgbuŋ nna nɛ awɔlpa bee wora fanɛ a ka bee chicha na, nɛ epeŋi nɛ kufɔl kikɛ malɛ e biri to tuum nɛ achɛkpabi e fuli to ŋ gben.

Jowɛl 2:31

Jemanɛ na ya kaa taga to epeŋi beeŋ kilgi m biri to le tuum nɛ kufɔl malɛ e pre to le kpaw fanɛ ŋklaŋ na. Asheŋ ere kikɛ beeŋ wora nna pɔɛŋ nɛ Enyɛnpe Ebɔrɛ be kachɛ nɛ e beeŋ ba na e fo. Kachɛ na kaŋ fo, kufu beeŋ pɛ basa ga.

Jowɛl 3:15

Loŋ be kachɛ na, epeŋi nɛ kufɔl beeŋ nyɔ m biri to ŋ ki le tuum, nɛ achɛkpabi e fuli to ŋ gben.

Habakuk 3:11

Jemanɛ nɛ fo atanyembi nɛ akpaana bee kpa edɛ a firgi a choŋ na, nɛ epeŋi nɛ kufɔl malɛ daa yil diim awɔlto.

Nɔmbɛs 21:14

Amoso nɛ nwɔl nɛ a bee malga Enyɛnpe Ebɔrɛ be kena be asheŋ na bee kaŋɛ le na: “Wahɛb be kade nɛ k wɔ Sufa be kebonfu ko to na nɛ kumo be ataŋɛ, nɛ Aanɔn be Lɔr na,

Nɔmbɛs 31:2

“Pɔɛŋ nɛ fo wu na, a daga fo ka gberge Midianebi na kusoe nɛnɛ ŋkpal kusɔ nɛ b wora Israɛlebi na so.”

Matiu 24:29

Etɔrɔ ere be jemanɛ baŋ ba choŋ, k maaŋ chɛr ko nɛ epeŋi e biri to nɛ kufɔl e fuli to ŋ gben. Achɛkpabi beeŋ shi awɔlpa so n tɔr nɛ ebɔrɛso be eleŋana kikɛ e wea abar to.

Matiu 5:45

saŋɛ na so menyeeŋ baa la men Tuto nɛ e wɔ ebɔrɛso na be mbia. Men baa nyi fanɛ mo ere gbagba maa kpɛa to a shin nɛ mbe epeŋi bee nyaŋɛ a yuu basa lela so a ka basa lubi, mo alɛ maŋ naa shin nɛ bɔrɛ bee ba a sa basa nɛ baa ji asheŋ nɛ amo be ekpa so a ka bumo nɛ b maa wora loŋ na.

Luuk 18:7

To, nɛ a ji nuso nɛ Ebɔrɛ bre maaŋ keni mbe basa laraso nɛ b wɔtɔ a shu kapa nɛ kanyɛ a tre mo na be asheŋ to n sa bumo? E beeŋ kini kenu manaŋ n sa bumo a?

Ashuŋ Shunso 2:20

Nɛ epeŋi e biri to gbrum, nɛ kufɔl malɛ e pere to kpaiŋ fanɛ ŋklaŋ. Amo kikɛ beeŋ wora nna pɔɛŋ nɛ Enyɛnpe be kachɛgboŋ na e fo.

Joshuwa 10:11

Amɔriebi na ka bɔla kebee na ase ashi Bɛf Hɔrɔn a shile a mɔlga bumo be amu Israɛl be benapo kutɔ na nɛ Enyɛnpe Ebɔrɛ shin nɛ abɔrɛjembu gboŋgboŋi shi awɔlpa to a tɔr bumo so a mɔ hale n ya fo Azeka. Bumo nɛ abɔrɛjembu na daŋ mɔ na daa chɔ bumo nɛ Israɛlebi na gbagba daŋ mɔ.

Joshuwa 10:14

Pɔɛŋ nɛ loŋ wora na, nɛ loŋ ka wora na be kaman m ba fo kabre, Enyɛnpe Ebɔrɛ maŋ naŋ wora loŋ n sa dimɛdi kikɛ. Kashenteŋto, Enyɛnpe Ebɔrɛ na e daa kɔ a sa Israɛlebi na!

Kelaraŋŋini 21:23

Epeŋi be kenyaŋɛ ŋko kufɔl be kefulto ndoŋ be asheŋ daa maŋ tir kadegboŋ na to ebi kikɛ, ŋkpal manɛ so, Ebɔrɛ be kemaŋkura e daa nyaŋɛ a yuu kade na so nɛ Kpakpafɔlbi na malɛ la kumo be fitila.

Kelaraŋŋini 6:10

Nɛ b ponte awɔrso ga m bishi: “Enyɛnpe Lempo nɛ fo du cheembi nsaa kɔ kashenteŋ, nuso be kechɛr nɛ fo kraa shin nɛ fo chɛr ga pɔɛŋ nseŋ ji kasawule ere so be basa demu m bishi anyi be luwu be kuwule?”

Kelaraŋŋini 6:12

Ndoŋ nna nɛ n naŋ keni n wu Kpakpafɔlbi na ka naŋ bu tɔɔnɛ be kebersobi shesopo na to nɛ kasawule be kebembeŋgboŋ ko gbuŋgbuŋ kasawule ga nɛ epeŋi kilgi m biri to a du fanɛ fusa lembir na nɛ kufɔl malɛ pere to le kpaiŋ fanɛ ŋklaŋ na.

Kelaraŋŋini 8:12

Ade be kaman nɛ malaika nasopo na malɛ foŋ mbe kabel nɛ kusɔ ko ŋmɛa epeŋi be mba asa be kaba koŋwuleso nɛ kufɔl be mba asa be kaba koŋwuleso nɛ achɛkpabi be ntuŋ nsa be katuŋ koŋwuleso, saŋɛ na so, kefulto be ntuŋ nsa be katuŋ koŋwuleso ki m biri to nɛ karechɛ be ntuŋ nsa be katuŋ koŋwuleso nɛ kanyɛso be ntuŋ nsa be katuŋ koŋwuleso kikɛ paŋ kefulto.

Demujipoana 16:28

Ndoŋ nna nɛ Samsɔn kule Ebɔrɛ ŋ kaŋɛ: “Enyɛnpe Ebɔrɛ, jande nyiŋi ma. O Ebɔrɛ, wɔtɔ ma eleŋ kela koŋwule ere nseŋ shin nɛ n tiŋ m bishi Filistiebi ere ma anishi be kechule ere be kuwule.”

Demujipoana 5:2

Anyeeŋ kpaŋ fo, Enyɛnpe Ebɔrɛ na! Ŋkpal manɛ so, Israɛlebi na kikɛ e yili kumo fanɛ baaŋ kɔ; basa na kikɛ malɛ e shuli so loŋ kagbenefuliso