Joshuwa 10:12 - EBƆRƐ BE KAWƆL

¹² Kachɛ nɛ Enyɛnpe Ebɔrɛ ta Amɔriebi na m bɔɔ Israɛlebi enɔ na, nɛ Joshuwa yili Israɛlebi na be anishito ŋ kule Enyɛnpe Ebɔrɛ ŋ kaŋɛ le: “Epeŋi, yili Gibiɔn be kade ere be kumu so! Kufɔl, fo alɛ e yili Aijalɔn be ketaŋɛ be kumu so!”

Joshuwa 10:12 Iomraidhean Croise

2 Samuɛl 2:12

Kachako nɛ Abna nɛ Ishboshɛf be benapo lar Mahanaim be kade to n yɔ Gibiɔn

2 Bewura 20:10

Ndoŋ nna nɛ Hɛzekaya malɛ kaŋɛ: “Keshin nɛ kiyoyu e baa yɔ anishito du pɔtɔ pɔtɔ a chɔ keshin nɛ k baa yɔ kamanto. Amoso shin nɛ k bɛta kaman.”

2 Bewura 20:11

Ndoŋ nna nɛ Aizaaya kule Enyɛnpe Ebɔrɛ nɛ e shin nɛ kiyoyul na bɛta n yɔ kaman ayadra kudu ashi ewura Ahaz be ebu be ketempreŋ so.

2 Bewura 20:9

Ndoŋ nna nɛ anebi Aizaaya kaŋɛ: “Enyɛnpe Ebɔrɛ beeŋ lara tɔɔnɛ be kesheŋ ko ŋ ŋini nɛ fo pin fanɛ e maa kplaŋ mbe kɔnɔ naseso so. Feeŋ baa sha epeŋi be kiyoyu nɛ k wɔ atemprembi so ere ka firgi m bɛta kaman ayadra kudu nna ŋko k ka firgi n yɔ anishito ayadra kudu?”

1 Kronikɛls 8:13

Bɛriya nɛ Shema e daa la kanaŋ nɛ b chena Aijalɔn na be benimu. Bumo e ju basa nɛ b wɔ Gaaf be kasawule so na.

2 Kronikɛls 11:10

nɛ Zora nɛ Aijalɔn nɛ Hibrɔn.

Job be kawɔl 9:7

E beeŋ naŋ tiŋ n shin nɛ epeŋi nɛ achɛkpabi e biri to nɛ kakpa e fuli to ŋ gben.

Nshɛ 148:3

Kufɔl nɛ epeŋi, e baa kpaŋ mo. Achɛkpabi nɛ e bee nyɛkpɛ gba e baa kpaŋ Enyɛnpe Ebɔrɛ na.

Nshɛ 19:4

ama durnya to ebi kikɛ bee wu kusɔ nɛ a bee ŋini saŋkama nna. Ebɔrɛ wora awɔlpa nna fanɛ wajɛbu n sa epeŋi.

Nshɛ 74:16

Fo e to kapa nɛ kanyɛ kikɛ, nseŋ taŋɛ epeŋi nɛ kufɔl; nɛ kekama kɔ kumo be eyilikpa.

Aizaaya 28:21

Kananɛ Enyɛnpe Ebɔrɛ na baŋ kɔ kenishipereso ashi kebee nɛ baa tre Perazim na so nɛ ketaŋɛ nɛ baa tre Gibiɔn na to na nɛ e beeŋ naŋ kɔ le be jemanɛ ere gba. Saŋɛ na so e beeŋ wora kusɔ nɛ e kre kewora na, nɛ k chinchiŋ menyi ŋkpal men ka maa tama kumo so.

Aizaaya 38:8

Enyɛnpe Ebɔrɛ na beeŋ shin nɛ kiyoyul nɛ k deŋ atemprembi nɛ ewura Ahaz pɔr na so na e bɛta kaman ateŋgreŋ kudu so.” Ndoŋ nna nɛ kiyoyul na bɛta kaman ateŋgreŋ kudu so, fanɛ kananɛ Enyɛnpe Ebɔrɛ kaŋɛ na.

Aizaaya 60:20

Epeŋi nɛ kufɔl kikɛ maaŋ naŋ tɔr ashi Jerusalɛm to. Ma, Enyɛnpe Ebɔrɛ na e naaŋ baa la kumo be kefulto mbaanaayɔ; saŋɛ na so menyi be kebɔltofinfin na kikɛ beeŋ fo ekar.

Jɛremaya 28:1

Zɛdikaya ka ji Juda be efuli so be kuwura be kafɛ nasopo to be kufɔl nusopo to nɛ anebi Hananiya nɛ e la kanyɛn nɛ baa tre Azzu nɛ e shi kade nɛ baa tre Gibiɔn na pibinyɛn ba ma kutɔ ashi bɔrɛlambu na to. Bɔrɛmatapoana na nɛ basa nɛ b wɔ ndoŋ kikɛ be anishito nɛ e kaŋɛ ma fanɛ

Eemɔs 2:9

Ama ŋkpal bumo so, nɛ m mur Amɔriebi nɛ b daa wɔ nteŋ fanɛ ndibi tenteŋ nɛ baa tre Sida na, nsaa kɔ eleŋ malɛ fanɛ ndibi gboŋgboŋi lempo na. N daŋ mur bumo be ayabi nɛ achin kikɛ nna cheche.

Eemɔs 8:9

Loŋ be kachɛ na, ma Enyɛnpetale beeŋ shin nɛ epeŋi a tɔr kapaso nɛ kanyɛ e biri kapiidi. Ma Enyɛnpetale na e malga na.

Habakuk 2:20

Enyɛnpe Ebɔrɛ na bre wɔ mbe bɔrɛlambu cheembi to nna, amoso ekama e wora shruum mbe anishito ashi kasawule ere so.

Habakuk 3:11

Jemanɛ nɛ fo atanyembi nɛ akpaana bee kpa edɛ a firgi a choŋ na, nɛ epeŋi nɛ kufɔl malɛ daa yil diim awɔlto.

Zakareya 2:13

Ekama e wora shruum ashi Enyɛnpe Ebɔrɛ na be anishito, ŋkpal manɛ so, e koso kakpa cheembi nɛ e wɔ na nna a ba.

Ditɛronɔmi 17:3

ŋkpal b ka shuŋ agbirana ŋko epeŋi ŋko kufɔl ŋko achɛkpabi so,

Ditɛronɔmi 4:19

Men sa maŋ kaŋ shin nɛ kechɔŋkeni e ba menyi so nɛ men gbir m bunyaŋ epeŋi ŋko kufɔl ŋko achɛkpabi kikɛ. Enyɛnpe, menyi be Ebɔrɛ na nyi fanɛ efuli pɔtɛana so be basa bre beeŋ baa sha amo be kebunyaŋ.

Joshuwa 10:13

Ndoŋ nna nɛ epeŋi na yili dindiŋ, nɛ kufɔl malɛ kini ketɔr n ya fanɛ Israɛlebi ka pɔɔ bumo doŋana so na. Kumo be loŋ nɛ b sibɛ Jaasha be kawɔl to na fanɛ: “Epeŋi daŋ yili kumu to sirr nna a maŋ tɔr kachɛ lelemu.”

Joshuwa 19:42

Shaalbim nɛ Aijalɔn nɛ Ithlah nɛ

Joshuwa 21:24

Aijalɔn nɛ Gatrimmɔn, n ta amo be asɔbɔya be ejikpa be nsawule n ti so.

Demujipoana 12:12

Mo alɛ ka wu nɛ b puli mo kade nɛ baa tre Aijalɔn nɛ k wɔ Zɛbyulɔn be yiri be kasawule so na.

Demujipoana 5:20

Achɛkpabi gba shi esoso ŋ kɔ. Jemanɛ nɛ achɛkpabi na bee tia a firgi a choŋ esoso na, nɛ e kɔ Sisɛra kena.

1 Samuɛl 12:18

Ndoŋ nna nɛ Samuɛl kule Enyɛnpe Ebɔrɛ nɛ e shin nɛ bɔrɛ ba nseŋ ponte eleŋso kumo be kamɔnchɛ na kikɛ. Nɛ basa na kikɛ fara a ŋana Enyɛnpe Ebɔrɛ nɛ Samuɛl.

1 Samuɛl 14:31

Ta n ya ka fo kaaseso be jemanɛ nɛ Israɛl be benapo na kikɛ gben ga ŋkpal b ka fara Mikmash a mɔ Filistiebi na hale n ya fo Aijalɔn so.