Joshuwa 1:8 - EBƆRƐ BE KAWƆL

⁸ Sa maŋ yige kebaamalga mbra be kawɔl ere be asheŋ. Baa koya kumo kapa nɛ kanyɛ kikɛ. Fo alɛ nsaa de so a bɛ kusɔ nɛ mbra na bee ŋini na kikɛ so. Saŋɛ na so feeŋ nya nɛfa nɛ fo asheŋ malɛ e baa nyalɛ a sa fo.

Joshuwa 1:8 Iomraidhean Croise

Jɛnesis 24:63

Kachako kaaseso nɛ Aizek lar n ya kaa fɛ nfɛra nseŋ maŋ kumu so ŋ keni n wu enyɔma ka ya kaa ba.

2 Kronikɛls 26:5

Ewura Uziya be asoetojipo e daa la Zakareya. Saŋɛ so nɛ Zakareya daa wɔ ŋkpa to na ewura Uziya daa ji kashenteŋ nna a sa Ebɔrɛ, nɛ Ebɔrɛ malɛ daa nɛfa mo.

Nshɛ 119:11

N ta fo mbra nna n wɔtɔ ma kagbene to, saŋɛ na so m maaŋ wora kulubi ŋ gbiti fo.

Nshɛ 119:15

Mee koya fo mbraana nna, nsaa mige fo keŋini to a keni nɛnɛ.

Nshɛ 119:97

Mee sha fo mbraana na ga! Mee fɛ amo be asheŋ kachɛ lelemu kikɛ nna.

Nshɛ 119:99

Ŋ ka bee fɛ fo mbraana be asheŋ ga so, mee pin asheŋ a chɔ ma beŋinipoana kikɛ gba.

Nshɛ 19:14

Enyɛnpe Ebɔrɛ nɛ fo la ma kefaltagboŋ nɛ ma emɔlgapo. Shin nɛ ma kɔnɔ to be mmalga nɛ ma kagbene to be nfɛra, e baa bɔlɔ fo kenishi.

Nshɛ 40:10

M maŋ ta fo kumɔlga be asheŋ na n wɔtɔ n nawule be kagbene to nna na. Ŋ ji fo kumɔlga nɛ fo kashenteŋji nɛ fo kasha nɛ k maa chɛrga na be asheŋ be shɛda nna ashi fo basa be nshɛrgboŋ to.

Aŋasa 3:1

M pibinyɛn, sa maŋ kaŋ teŋ asɔ nɛ mee ŋini fo na so. Baa nyiŋi asɔ nɛ mee kaŋɛ fo fanɛ fo baa wora na saŋkikɛ.

Aizaaya 59:21

Ma alɛ bee nase kɔnɔ nna fanɛ meeŋ sa menyi ma Kiyoyu nɛ keŋini nɛ a baa wɔ menyi to mbaanaayɔ. Yili kabre a yɔ, menyeeŋ baa wora ma kasonu nsaa ŋini menyi be mbia nɛ kaman to ebi nɛ bumo alɛ gba e baa wora ma kasonu mbaanaayɔ.”

Matiu 12:35

Esa lela bee kaa shin nɛ asɔ lela damta nɛ a wɔ mo to na nna bee shi mo to a lar nɛ esa lubi malɛ bee kaa shin nɛ asɔ lubi damta nɛ a wɔ mo to na bee kaa shi mo to a lar.

Matiu 28:20

Menyi alɛ e baa nyiŋi fanɛ ma nɛ menyi e naaŋ baa la hale jemanɛ ere e ya fo kumo be ekar.”

Matiu 7:21

Mannɛ basa nɛ baa tre ma Enyɛnpe, Enyɛnpe na kikɛ e naaŋ luri ebɔrɛso be kuwura na to she bumo nɛ baa wora n Tuto nɛ e wɔ ebɔrɛso na be aparsheŋ na.

Matiu 7:24

Amoso, ekama nɛ e nu ma mmalga ere nsaa bɛ amo so du fanɛ enyiashempo nɛ e pɔr mbe ebu n yili kefalta so nna.

Luuk 11:28

Nɛ Yesu kaŋɛ: “Ayai, bumo nɛ baaŋ nu ebel e la bumo nɛ baa nu abɔrɛsheŋ na nsaa wora amo.”

Baru lela nɛ Jɔn kute na 13:17

Men baŋ pin asheŋ ere nsaa wora amo, nɛfa beeŋ baa la menyeya.”

Baru lela nɛ Jɔn kute na 14:21

“Esa kama nɛ e kɔ ma mmalga naseso nsaa wora asɔ nɛ a bee kaŋɛ na e la esa nɛ e bee sha ma. Esa kama malɛ nɛ e bee sha ma, n Tuto gba beeŋ sha mo nɛ ma alɛ gba e sha mo nseŋ lara ma kumu ŋ ŋini mo.”

Ɛfesesebi 4:29

Men sa maa shin nɛ mmalga lubi kikɛ e baa lar men be nnɔ to. Men baa malga kechɛto nawule be mmalga, mmalga nɛ a bee yɛr basa anishito a chɛ bumo to ashi bumo be asheŋ tirsoana to, saŋɛ na so a beeŋ baa kɔ tɔnɔ a sa bekama nɛ baa nu amo na.

Ditɛronɔmi 29:8

nseŋ daŋ sɔ bumo be nsawule m barga to n sa Ruben nɛ Gad be yiri to ebi nɛ Manase be yiri be bargato ebi.

Ditɛronɔmi 29:9

Amoso, men baa bɛ menyi nɛ Enyɛnpe Ebɔrɛ na be kɔnɔkoŋwule be ŋkre na be atande so nɛnɛ, nɛ kusɔ kama nɛ menyeeŋ wora e nite nɛnɛ n sa menyi.

Ditɛronɔmi 30:14

Ayai, mbraana na wɔ menyi kutɔ nna. Menyeeŋ tiŋ ŋ koya amo m pin amo a kute amo to. Amoso men baa wora amo kasonu naniere.

Ditɛronɔmi 31:11

Jemanɛ nɛ Israɛl be basa beeŋ ba gama abar so nɛ b shuŋ Enyɛnpe menyi be Ebɔrɛ na ashi kakpa nɛ menyeeŋ baa shuŋ Ebɔrɛ na nɛ menyeeŋ kraŋ kumo n sa bumo.

Ditɛronɔmi 31:24

Ndoŋ nna nɛ Mosis sibɛ Ebɔrɛ be mbraana na kikɛ nyam n wɔtɔ kawɔl to. E daa maŋ yige amo be kekama n lɛ.

Ditɛronɔmi 5:1

Mosis daŋ tre Israɛl be basa na kikɛ nna m ba kaŋɛ bumo le: “Israɛlebi, men kaŋ asoe n nu mbraana nɛ mee ta a sa menyi kabre ere. Men koya amo nseŋ wora amo kasonu.

Ditɛronɔmi 5:29

Nɛ fanɛ baaŋ baa kɔ le be nfɛra nsaa bunyaŋ ma jemanɛ kikɛ nseŋ naa wora ma mbraana kasonu, kumo ere asheŋ beeŋ nyalɛ n sa bumo nɛ bumo be kamanebi hale mbaanaayɔ.

Ditɛronɔmi 5:32

Amoso, Israɛlebi, a daga men baa wora Enyɛnpe, menyi be Ebɔrɛ na be mbraana na kasonu. Men sa maa wora a da amo be kekama so.

Kɔlɔsiebi 3:16

Men bɛ kubɔya nɛ Yesu Kristo sa anyi na so saŋkama, men baa kɔ kanyiasheŋ a ŋini abar a leŋ abar to a boŋ Ebɔrɛ be kawɔl to be nshɛ nɛ Ebɔrɛ be basa be kapandi be nshɛ nɛ Kiyoyu Cheeŋ na bee ŋini na a di Ebɔrɛ epaŋ men be ŋgbene to.

Joshuwa 1:7

Leŋ fo kumu to nsaa kɔ kagbene nɛ kenyɛn. Wora ania a bɛ mbra nɛ ma kayɛrbi Mosis sa fo na so. Sa maŋ kaŋ yige mbra na be kedosobi gba n lɛ. Nɛ fo wora loŋ bre kaplɛkama nɛ fo yɔ, asheŋ beeŋ baa nyalɛ, a sa fo.

Joshuwa 8:34

Ndoŋ nna nɛ Joshuwa kraŋ mbra na kikɛ awɔrso. E daŋ kraŋ kumo be enɛfa nɛ kɔnɔsho kikɛ be asheŋ fanɛ kananɛ b sibɛ n nase mbra be kawɔl na to na gbagba chap nna ŋ ŋini bumo.

Kelaraŋŋini 22:14

Kagbenefuli la bekama nɛ b fɔr bumo be epiŋi nɛ a lar so nseŋ nya ekpa nɛ b ji ŋkpa be kedibi na be asɔrso nseŋ naŋ nya m bɔla mbuna to na n luri kadegboŋ na to na peya nna.