Joshuwa 1:7 - EBƆRƐ BE KAWƆL

⁷ Leŋ fo kumu to nsaa kɔ kagbene nɛ kenyɛn. Wora ania a bɛ mbra nɛ ma kayɛrbi Mosis sa fo na so. Sa maŋ kaŋ yige mbra na be kedosobi gba n lɛ. Nɛ fo wora loŋ bre kaplɛkama nɛ fo yɔ, asheŋ beeŋ baa nyalɛ, a sa fo.

Joshuwa 1:7 Iomraidhean Croise

1 Bewura 2:2

“Ma luwu bee taga to, amoso nya eleŋ nɛ kagbene,

1 Bewura 2:3

n wora kusɔ kama nɛ Enyɛnpe Ebɔrɛ kaŋɛ fanɛ fo wora na, nsaa bɛ mbe keŋini nɛ mbra kama nɛ an nananyɛn Mosis sibɛ n nase na so, saŋɛ na so, kusɔ kama nɛ fee wora nɛ kaplɛkama nɛ fo yɔ, asheŋ beeŋ nyalɛ n sa fo.

2 Bewura 22:2

E daa wora asheŋ nɛ a niŋi ashi Enyɛnpe Ebɔrɛ be anishito nna nsaa bɛ mo nananyɛn ewura Deevid be aya so nɛ Ebɔrɛ be mbra na kikɛ so dede.

1 Kronikɛls 22:13

Fo baa bɛ mbra nɛ keŋini nɛ Enyɛnpe Ebɔrɛ ta n sa an nananyɛn Mosis dra dra na fanɛ e ta n sa Israɛlebi na so bre, asheŋ beeŋ nyalɛ n sa fo. Ama baa yil to kpakpa a leŋ fo kumu to nsaa maa lɔ kufu.

2 Kronikɛls 15:7

Ama menyi ere e baa kɔ eleŋ nsaa maa pɔ aba ŋkpal manɛ so menyi be kushuŋ nɛ menyee wora na beeŋ bar tɔnɔ.”

2 Kronikɛls 26:5

Ewura Uziya be asoetojipo e daa la Zakareya. Saŋɛ so nɛ Zakareya daa wɔ ŋkpa to na ewura Uziya daa ji kashenteŋ nna a sa Ebɔrɛ, nɛ Ebɔrɛ malɛ daa nɛfa mo.

Job be kawɔl 1:8

Kumo be kaman nɛ Enyɛnpe Ebɔrɛ na naŋ bishi Setani le: “Manɛ nɛ fee fɛ a laŋɛ ma kayɛrbi Job be kaplɛa so? Durnya kikɛ to, esa kikɛ maŋ du fanɛ mo. Ŋkpal manɛ so, e la esa nɛ esa maaŋ tiŋ n wu mo kulubi nna. Mo alɛ bee bunyaŋ Ebɔrɛ nseŋ kishi kulubi be kewora nna.”

Nshɛ 80:19

O Enyɛnpetale Ewurbɔrɛ, naŋ bɛta anyi m ba fo kutɔ! Mushe n wɔtɔ anyi n shin nɛ an nya kumɔlga.

Aŋasa 4:27

Baa gelge kulubi nsaa nite teteri, Sa maa kpele ekpa niŋiso na kikɛ.”

Aŋasa 8:20

Ekpa niŋi so, nɛ kebaaji asheŋ nɛ amo be ekpa so be ekpa nɛ m bɔ.

Danɛl 10:19

Ndoŋ nna nɛ e kaŋɛ le: “Ebɔrɛ bee sha fo, amoso sa maa fɔŋ shɛŋ shɛŋ so ŋko a lɔ kufu.” E ka malga loŋ n loge, nɛ n nya eleŋ nseŋ kaŋɛ le: “Jande, kaŋɛ ma kusɔ nɛ fee sha kekaŋɛ, ŋkpal manɛ so fo shin nɛ n naŋ nya eleŋ.”

Nɔmbɛs 27:23

Mosis daŋ ta mbe enɔana nna n deŋi Joshuwa so n ta mo n ŋini Israɛl ebi fanɛ mo e ki bumo be ejuŋkparpo, fanɛ kananɛ Enyɛnpe Ebɔrɛ kaŋɛ na.

Ditɛronɔmi 11:8

Amoso, men baa wora asheŋ nɛ ŋ kaŋɛ menyi kabre ere kikɛ kasonu. Aloŋ nɛ menyeeŋ tiŋ n dii Jɔɔdan be lɔr na n ya sɔ kasawule nɛ menyee sha keluri to ere n chena so.

Ditɛronɔmi 12:32

Men baa wora mbraana nɛ mee ta a sa menyi ere kikɛ kasonu nsaa maŋ ta shɛŋ n ti amo so ŋko n lara shɛŋ ashi amo to.”

Ditɛronɔmi 28:14

Ama men sa maŋ kaŋ kini kewora mbe mbra kama kasonu ekpa kama so. Menyi alɛ e sa maŋ kaŋ shuŋ agbir m bunyaŋ amo.”

Ditɛronɔmi 29:8

nseŋ daŋ sɔ bumo be nsawule m barga to n sa Ruben nɛ Gad be yiri to ebi nɛ Manase be yiri be bargato ebi.

Ditɛronɔmi 29:9

Amoso, men baa bɛ menyi nɛ Enyɛnpe Ebɔrɛ na be kɔnɔkoŋwule be ŋkre na be atande so nɛnɛ, nɛ kusɔ kama nɛ menyeeŋ wora e nite nɛnɛ n sa menyi.

Ditɛronɔmi 31:7

Ade be kaman, nɛ Mosis tre Joshuwa m ba kaŋɛ mo le ashi Israɛl be basa na kikɛ be anishito: “Nya kagbene a kɔ kenyɛn. Fo e naaŋ juŋkpar basa ere n ya sɔ kasawule nɛ Enyɛnpe Ebɔrɛ na nase kumo be kɔnɔ n sa bumo nananyɛnana na n chena so.

Ditɛronɔmi 4:2

Men sa maŋ ta shɛŋ n ti asheŋ nɛ mee kaŋɛ menyi kenishipere so ere so ŋko n lara shɛŋ ashi amo to n lɛ. Men baa wora Enyɛnpe, menyi be Ebɔrɛ na be mbraana nɛ mee ta a sa menyi ere kasonu.

Ditɛronɔmi 5:32

Amoso, Israɛlebi, a daga men baa wora Enyɛnpe, menyi be Ebɔrɛ na be mbraana na kasonu. Men sa maa wora a da amo be kekama so.

Joshuwa 1:1

Enyɛnpe Ebɔrɛ be kayɛrbi Mosis ka wu be kaman, nɛ Enyɛnpe Ebɔrɛ na kaŋɛ Nun pibi Joshuwa nɛ b daa bela mo ase nɛ e sɔ Mosis so na le:

Joshuwa 1:8

Sa maŋ yige kebaamalga mbra be kawɔl ere be asheŋ. Baa koya kumo kapa nɛ kanyɛ kikɛ. Fo alɛ nsaa de so a bɛ kusɔ nɛ mbra na bee ŋini na kikɛ so. Saŋɛ na so feeŋ nya nɛfa nɛ fo asheŋ malɛ e baa nyalɛ a sa fo.

Joshuwa 1:9

Nyiŋi fanɛ n teŋ kaŋɛ fo fanɛ fo baa leŋ fo kumu to nsaa kɔ kagbene. Sa maŋ shin nɛ kufu e pɛ fo nɛ fo pɔ aba, ŋkpal manɛ so, kaplɛkama nɛ fo wɔ, ma, Enyɛnpe fo Ebɔrɛ na wɔ fo kaman.”

Joshuwa 11:15

Kusɔ nɛ Enyɛnpe Ebɔrɛ daŋ kaŋɛ mbe kayɛrbi Mosis na gbagba chap nɛ mo alɛ kaŋɛ Joshuwa, nɛ Joshuwa malɛ bɛ kumo gbagba so chap. E daŋ wora kusɔ kama nɛ Enyɛnpe Ebɔrɛ daŋ kaŋɛ Mosis na kikɛ.

Joshuwa 23:6

Amoso men baa da so nsaa bɛ kusɔ kama nɛ b sibɛ n nase Mosis be mbra be kawɔl na to na a maa gal mbra na be kekama a lɛ.