Joshuwa 1:5 - EBƆRƐ BE KAWƆL

⁵ Esa kama malɛ maaŋ tiŋ m pɔɔ fo so fo kebaawɔtɔ to kikɛ. Kananɛ n daa wɔ Mosis be kaman na, loŋ nɛ meeŋ baa wɔ fo alɛ gba be kaman. M maaŋ yige fo ŋko ŋ kplaŋ fo so kikɛ.

Joshuwa 1:5 Iomraidhean Croise

Jɛnesis 39:2

Enyɛnpe na daa wɔ Josɛf kutɔ nna a nɛfa mo ashi kusɔ kama nɛ e bee wora ashi mo nyɛnpe Ijiptnyɛn na be laŋ to.

1 Bewura 1:37

Enyɛnpe Ebɔrɛ na e baa wɔ Sɔlɔmɔn gba kutɔ fanɛ kananɛ e daŋ baa wɔ fo kutɔ na, nseŋ shin nɛ mbe kuwurji e baa kɔ eleŋ ga a chɔ feya gba.”

1 Bewura 11:38

Nɛ fo baa bɛ ma mbra kikɛ so, nsaa wora kusɔ nɛ mee kaŋɛ, fanɛ kananɛ ma kayɛrbi ewura Deevid daa wora na bre, ma alɛ beeŋ baa wɔ fo kutɔ saŋkikɛ. Meeŋ shin nɛ fo ki Israɛl be ewura nɛ fo kaman to ebi gba e baa kaa ji kuwura fanɛ kananɛ n wora Deevid na.

1 Bewura 6:13

Meeŋ baa wɔ ma basa Israɛlebi to ashi bɔrɛlambu nɛ menyee pɔr ere to, ma alɛ maaŋ kini bumo n lɛ.”

1 Bewura 8:57

Enyɛnpe anyi be Ebɔrɛ na e baa wɔ anyi alɛ gba kutɔ fanɛ kananɛ e daa wɔ an nananyɛnana kutɔ na, nsaa maŋ yige anyi ŋko ŋ kplaŋ anyi so;

1 Kronikɛls 28:20

Kede be kaman nɛ ewura Deevid naŋ kaŋɛ mo pibinyɛn Sɔlɔmɔn le: “Sa maa lɔ kufu ŋko a pɔ aba, ŋkpal manɛ so Enyɛnpe Ebɔrɛ nɛ mee shuŋ na beeŋ chɛ fo to. E maaŋ kplaŋ fo so kikɛ, ama fo pɔr bɔrɛlambu na n loge nna.

Nshɛ 46:11

Enyɛnpetale Ebɔrɛ na wɔ anyi kutɔ. An nananyɛn Jeekɔb be Ebɔrɛ na e la anyi be ekumpogboŋ.

Ɛksodɔs 3:12

Nɛ Ebɔrɛ kaŋɛ mo le: “Meeŋ baa wɔ fo kutɔ. Fo kaŋ ya lara basa na ashi Ijipt be efuli so m ba kebee ere so nfe m ba bunyaŋ ma na nɛ feeŋ pin fanɛ ma e shin nɛ loŋ wora.”

Aizaaya 42:16

Meeŋ juŋkpar etanpo m bɔla ekpaana nɛ b maŋ naŋ bɔla so ŋ ku so so. Meeŋ shin nɛ bumo be tentembiri e ki kefulto nseŋ shin nɛ ekpa lubi nɛ baa nite so e nyalɛ n sa bumo. Ma nnɔ naseso nna na, ma alɛ beeŋ wora m bɔlɔ amo kikɛ so nyam.

Jɛremaya 1:8

Sa maa ŋana bumo, ŋkpal manɛ so, meeŋ baa wɔ fo kutɔ nsaa kuŋ fo. Ma, Enyɛnpe Ebɔrɛ e kaŋɛ na!”

Danɛl 11:16

Siriya be efuli so be ewura nɛ e bee kɔ a sɔ nde na beeŋ wora kusɔ nɛ e bee sha nɛ esa kama maaŋ tiŋ ŋ kaŋɛ mo shɛŋ. Mo alɛ beeŋ sɔ kasawule nɛ Ebɔrɛ nase kɔnɔ fanɛ e beeŋ ta n sa Israɛl be basa na a ji kumo so eleŋ.

Matiu 28:20

Menyi alɛ e baa nyiŋi fanɛ ma nɛ menyi e naaŋ baa la hale jemanɛ ere e ya fo kumo be ekar.”

Romebi 8:31

To, asheŋ nɛ an nu ere kikɛ be kaman, nuso nɛ anyeeŋ kaŋɛ? Nɛ Ebɔrɛ baa wɔ anyi be kaman, wanɛ e naaŋ tiŋ m pɔɔ anyi so?

Romebi 8:37

Kashenteŋto, shɛŋ maaŋ tiŋ n lara mbe kasha ashi anyi so. Kusɔ kama malɛ kikɛ to an bɔla emo nɛ e daŋ sha anyi na so nna a kɔ eleŋ kusɔ kikɛ so.

Ditɛronɔmi 20:1

Nɛ men kaŋ yɔ nɛ men ya kɔ men doŋana kena nseŋ wu fanɛ bumo be egbaŋɛ nɛ egbaŋɛturko nɛ benapo shi a chɔ menyeya, men sa maa ŋana bumo. Ŋkpal manɛ so, Enyɛnpe menyi be Ebɔrɛ nɛ e kɔ n suge menyi ashi Ijipt be efuli so na beeŋ chɛ menyi to ŋ kɔ.

Ditɛronɔmi 20:4

Menyi nɛ Enyɛnpe menyi be Ebɔrɛ na e naa yɔ kena na to; mo alɛ beeŋ shin nɛ men kɔ m pɔɔ so.

Ditɛronɔmi 31:23

Kumo be kaman nɛ Enyɛnpe Ebɔrɛ na naŋ kaŋɛ Nun pibinyɛn, Joshuwa, le: “Baa kɔ kenyɛn nseŋ yili fo kagbene kukoŋwule. Ŋkpal manɛ so, ŋ gbagba e naaŋ chɛ fo to nɛ fo tiŋ n juŋkpar Israɛl be basa ere n yɔ kasawule nɛ n nase kumo be kɔnɔ n sa bumo na so.”

Ditɛronɔmi 4:31

Enyɛnpe, menyi be Ebɔrɛ na beeŋ wu menyi kuwɔr nsaa maŋ mur menyi ŋko ŋ kini menyi n lɛ. E beeŋ nyiŋi mbe kɔnɔ naseso nseŋ wora m bɛ mo nɛ men nananyɛnana be kɔnɔkoŋwule be ŋkre so.

Ditɛronɔmi 7:24

Mo alɛ beeŋ naŋ sa menyi yuku bumo be bewura so nɛ men mɔ bumo nɛ esa maaŋ naa nyiŋi bumo be asheŋ gba kuraa. Esa kama maaŋ tiŋ ŋ kuŋ menyi be kemur bumo akpa.

2 Timoti 4:17

Ama Enyɛnpe bre maŋ shile ma, e sa ma eleŋ nna nɛ n tiŋ m bɔ kubɔya na kikɛ nyam n sa nnyamase na kikɛ nseŋ nya ŋ gelge ebuluŋ be nnɔ to be keluri.

Hibruwebi 13:5

Men lara menyi be ŋgbeneana ashi kemansherbisha to nseŋ shin nɛ asɔ nɛ men kɔ na e baa kukwe menyi, ŋkpal manɛ so, Ebɔrɛ kaŋɛ fanɛ: “M maaŋ yige menyi kikɛ, ma alɛ maaŋ kplaŋ menyi so kikɛ.”

Joshuwa 1:17

Kananɛ an baŋ nu n sa Mosis na, loŋ nɛ anyeeŋ nu n sa fo alɛ gba. Enyɛnpe Ebɔrɛ na e ba wɔ fo kaman fanɛ kananɛ e daa wɔ Mosis be kaman na.

Joshuwa 1:9

Nyiŋi fanɛ n teŋ kaŋɛ fo fanɛ fo baa leŋ fo kumu to nsaa kɔ kagbene. Sa maŋ shin nɛ kufu e pɛ fo nɛ fo pɔ aba, ŋkpal manɛ so, kaplɛkama nɛ fo wɔ, ma, Enyɛnpe fo Ebɔrɛ na wɔ fo kaman.”

Joshuwa 10:8

Nɛ Enyɛnpe Ebɔrɛ kaŋɛ Joshuwa le: “Sa maa ŋana bumo. N teŋ ta bumo m bɔɔ fo enɔ. Bumo be ekama maaŋ tiŋ n tu fo ŋ kɔ.”

Joshuwa 21:44

Enyɛnpe Ebɔrɛ daŋ sa bumo kagbenewushi nna ashi efuli na kikɛ so, fanɛ kananɛ e nase kɔnɔ n sa bumo nananyɛnana na. Bumo doŋana be ekama daa maŋ tiŋ m pɔɔ bumo so, ŋkpal manɛ so, Enyɛnpe Ebɔrɛ daŋ sa Israɛlebi na eleŋ nna nɛ b kɔ m pɔɔ bumo doŋana kikɛ so.

Joshuwa 3:7

Nɛ Enyɛnpe Ebɔrɛ na kaŋɛ Joshuwa le: “Kabre meeŋ maŋ fo so ashi Israɛlebi kikɛ be anishito, n shin nɛ b pin fanɛ kananɛ ma nɛ Mosis daa la na, loŋ nɛ ma nɛ fo alɛ gba beeŋ baa la.

Joshuwa 6:27

Ŋkpal Enyɛnpe Ebɔrɛ na ka daa wɔ Joshuwa kutɔ so mbe ketre daŋ dii nna ga ashi efuli na kikɛ so.

Demujipoana 2:18

Jemanɛ kikɛ nɛ Enyɛnpe Ebɔrɛ na baŋ ya lara ejuŋkparpo n sa bumo, mo alɛ beeŋ chɛ loŋ be ejuŋkparpo na to nɛ e tiŋ m mɔlga bumo ashi bumo doŋana be enɔ to hale n ya fo fanɛ ejuŋkparpo na ka beeŋ wu. Ŋkpal manɛ so, jemanɛ kikɛ nɛ b baŋ ya kaa wɔ tɔrɔ to nseŋ shu n tre Enyɛnpe Ebɔrɛ na e bee wu bumo kuwɔr nna.

Demujipoana 6:16

Ndoŋ nna nɛ Enyɛnpe Ebɔrɛ na naŋ kaŋɛ mo le: “Ma e naaŋ chɛ fo to nɛ fo tiŋ m pɔɔ Midianebi na kikɛ so fanɛ b ka la esa koŋwule na.”

1 Samuɛl 10:7

Le be etɔɔnɛsheŋ ere baŋ wora m bɔlɔ so, kumo ere fo wora kusɔ kama nɛ fee fɛ fanɛ k walɛ, ŋkpal manɛ so, Ebɔrɛ beeŋ baa juŋkpar fo.