Joshuwa 1:3 - EBƆRƐ BE KAWƆL

³ Kaplɛkama nɛ fo ta fo keya n chi, meeŋ shin nɛ k baa la feya, fanɛ kananɛ n nase kɔnɔ n sa Mosis na gbagba.

Joshuwa 1:3 Iomraidhean Croise

Ditɛronɔmi 11:24

Kasawule kama nɛ menyeeŋ bɔla so n choŋ beeŋ ki menyeya nɛ menyi be efuli e salga to n shi keshishɛrsawule nɛ k wɔ kelargato be kaseto be kaba so na n ya fo Lebanɔn be abeegboŋ ashi kelargato be esoso nseŋ naŋ yili lɔrgboŋ nɛ baa tre Yufreetes na ashi epeŋilarkpa n ya fo Teku nɛ baa tre Mɛditerenia nɛ k wɔ epeŋitɔrkpa be kaba so na.

Taites 1:2

nɛ kumo be tama wɔ kenya ŋkpa nɛ k maŋ kɔ ekar na to na. Kumo be kɔnɔ nɛ Ebɔrɛ nase pɔɛŋ nɛ kusɔ kikɛ fara na. Mo alɛ maa ku efɛ kikɛ.

Joshuwa 1:4

Menyi be kasawule beeŋ fara kelargato be kaseto be keshishɛrsawule na ase n ya fo Lebanɔn be abee so ashi kelargato be esoso, nɛ lɔrgboŋ nɛ baa tre Yufreetes na ashi epeŋilarkpa nseŋ bɔla Hitebi be efuli so n ya fo teku nɛ baa tre Mɛditerenia na ashi epeŋitɔrkpa.

Joshuwa 14:9

Ŋkpal ŋ ka wora Enyɛnpe Ebɔrɛ kasonu so nɛ Mosis nase kɔnɔ kamɔnchɛ n sa ma nɛ ma mbia fanɛ, kasawule nɛ n nite so na beeŋ ki anyi be kapetɛ.