Joshuwa 1:16 - EBƆRƐ BE KAWƆL

¹⁶ Ndoŋ nna nɛ b shuli so ŋ kaŋɛ Joshuwa le: “Asɔ kama nɛ fo kaŋɛ anyi, anyeeŋ wora. Nɛ fo naŋ shuŋi anyi kaboŋ kama gba nna, anyeeŋ yɔ.

Joshuwa 1:16 Iomraidhean Croise

Ɛzra 10:4

Kusɔ kama bɔɔ fo enɔ nna na, amoso, koso to nɛ an pɛ fo kashɛr to. Baa kɔ kenyɛn nɛ kusɔ kama e nyalɛ.”

Nɔmbɛs 32:25

Ndoŋ nna nɛ Gad nɛ Ruben be benyɛn na kikɛ kaŋɛ le: “Anyeeŋ wora kusɔ kama nɛ an nyɛnpe kaŋɛ anyi.

Nɔmbɛs 32:31

Ndoŋ nna nɛ Gad nɛ Ruben be benyɛn na kaŋɛ le: “Anyeeŋ wora kusɔ nɛ Enyɛnpe Ebɔrɛ kaŋɛ anyi ere.

Ditɛronɔmi 34:9

Pɔɛŋ nɛ Mosis wu na, e daŋ lara Nun pibinyɛn, Joshuwa nna nɛ e sɔ mo ere Mosis so a juŋkpar basa na. Mosis daŋ ta mbe enɔana n deŋi Joshuwa so nna ŋ kule Ebɔrɛ n sa mo, nɛ Enyɛnpe Ebɔrɛ na sa mo kanyiasheŋ ga. Israɛl be basa na malɛ daŋ wora Joshuwa kasonu nna nseŋ daa bɛ mbraana nɛ Enyɛnpe Ebɔrɛ na bɔla Mosis so n ta n sa bumo na so.

Ditɛronɔmi 5:27

Amoso, Mosis, bɛta n yɔ n ya nu kusɔ kama nɛ Enyɛnpe, anyi be Ebɔrɛ na kaŋɛ nseŋ ba kaŋɛ anyi. Anyeeŋ nu nseŋ wora kusɔ kama nɛ e kaŋɛ.”

Taites 3:1

Baa nyiŋi fo basa nɛ b baa ta bumo be amu a sa basa nɛ baa keni bumo so nɛ bumo be efuli so be bewuraana nsaa shuli a wora ashuŋ lela kikɛ.

Joshuwa 1:15

n ya fo saŋkama nɛ Enyɛnpe na beeŋ sa bumo alɛ gba ewushi fanɛ kananɛ e sa menyi na. Kumo be kaman pɔɛŋ nɛ men bɛta n ya chena men be kasawule nɛ Enyɛnpe Ebɔrɛ be kayɛrbi Mosis ta n sa menyi ashi Jɔɔdan be lɔr na be epeŋilarkpa na.”

Joshuwa 1:17

Kananɛ an baŋ nu n sa Mosis na, loŋ nɛ anyeeŋ nu n sa fo alɛ gba. Enyɛnpe Ebɔrɛ na e ba wɔ fo kaman fanɛ kananɛ e daa wɔ Mosis be kaman na.