Joshuwa 1:15 - EBƆRƐ BE KAWƆL

¹⁵ n ya fo saŋkama nɛ Enyɛnpe na beeŋ sa bumo alɛ gba ewushi fanɛ kananɛ e sa menyi na. Kumo be kaman pɔɛŋ nɛ men bɛta n ya chena men be kasawule nɛ Enyɛnpe Ebɔrɛ be kayɛrbi Mosis ta n sa menyi ashi Jɔɔdan be lɔr na be epeŋilarkpa na.”

Joshuwa 1:15 Iomraidhean Croise

1 Kɔrintebi 12:26

Eyur na be kaba koŋwule baa wu ebesa, eyur na kikɛ bee wu ebesa nna, kaba koŋwule malɛ baa nya bunyaŋ, mba na kikɛ bee nya kagbenefuli nna.

1 Kɔrintebi 13:5

Esa nɛ e kɔ kasha maa fin mo gbagba nawule be kelela. Kasha wɔ esa to e maa nya agbo manaŋ manaŋ, mo alɛ maa ta alubi nɛ esa wora mo a wɔtɔ kagbene to.

Galeeshaebi 5:13

Ŋ kurgepoana, Ebɔrɛ tre menyi ere nna nɛ men ba kaa wɔ men be amu. Ama men sa maŋ kaŋ shin nɛ le be kamoowɔ ere e sa menyi ekpa nɛ men shin nɛ men be eyur to be ayɛlgasɔ e baa wɔ menyi. Ama men shin nɛ kasha e baa shin nɛ men baa shuŋ abar.

Galeeshaebi 6:2

Men baa chɛ abar to ashi men be asheŋ tirso to, loŋ na menyeeŋ baa bɛ Kristo be mbra na so.

Ditɛronɔmi 3:18

Loŋ be jemanɛ na gbagba nɛ n ta mbraana ere n sa Ruben nɛ Gad be eyiri nɛ Manase be yiri be bargato nɛ b wɔ epeŋilarkpa be kaba so na: “Enyɛnpe anyi be Ebɔrɛ na e sa menyi kasawule nɛ k dese Jɔɔdan be epeŋilarkpa be kaba so ere. Men bela menyi be benapo ase nɛ b tu Israɛl be eyiri nɛ a ka na n dii Jɔɔdan be lɔrgboŋ na n ya chɛ bumo to ŋ kɔ n sɔ kasawule na n chena so.

Ditɛronɔmi 3:20

Enyɛnpe Ebɔrɛ na beeŋ chɛ bumo alɛ gba to nɛ b kɔ m pɔɔ bedoŋ be efuliana nɛ a wɔ Jɔɔdan be epeŋitɔrkpa be kaba so na so nseŋ suge bumo be nsawule n chena so. Kumo be kaman, nɛ men bɛta m ba kasawule nɛ n chige sa menyi ere so.”

Ditɛronɔmi 9:1

Israɛlebi, men nu nfe! Menyee sha kedii lɔrgboŋ nɛ baa tre Jɔɔdan na nna n ya kɔ n sɔ efuliana nɛ amo be basa kɔ eleŋ a chɔ menyi be kasawule n chena so na. Bumo be ndegboŋ kɔ egbalana nɛ amo be jeŋgreŋ du fanɛ a kaa bee chute awɔlpa nna.

Filipaiebi 2:4

Men be ekama e sa maa wɔtɔ a de mo gbagba nawule be aparsheŋ so, a daga fanɛ e baa de mo braana gba be aparsheŋ so.

Joshuwa 1:1

Enyɛnpe Ebɔrɛ be kayɛrbi Mosis ka wu be kaman, nɛ Enyɛnpe Ebɔrɛ na kaŋɛ Nun pibi Joshuwa nɛ b daa bela mo ase nɛ e sɔ Mosis so na le:

Joshuwa 1:14

Menyi be beche nɛ mbia nɛ asɔbɔya e ba wɔ nfe nɛ bumo nɛ b la benapo nseŋ bela ase nɛ bumo be akɔsɔ kikɛ na e juŋkpar bumo niopibiana n ya chɛ bumo to ŋ kɔ

Joshuwa 1:16

Ndoŋ nna nɛ b shuli so ŋ kaŋɛ Joshuwa le: “Asɔ kama nɛ fo kaŋɛ anyi, anyeeŋ wora. Nɛ fo naŋ shuŋi anyi kaboŋ kama gba nna, anyeeŋ yɔ.

Joshuwa 22:1

Joshuwa daŋ tre Ruben nɛ Gad nɛ Manase be epeŋilarkpa be yiri to ebi nna