Joshuwa 1:11 - EBƆRƐ BE KAWƆL

¹¹ “Men nite keeyi na to ŋ kaŋɛ men be basa kikɛ fanɛ b bela ase n ta bumo be ajibi nɛ nchu, ŋkpal manɛ so nchɛ asa be kefɛato menyeeŋ dii Jɔɔdan be lɔr na n ya sɔ kasawule nɛ Enyɛnpe menyi be Ebɔrɛ na kɔ a sa menyi na so.”

Joshuwa 1:11 Iomraidhean Croise

2 Bewura 20:5

fanɛ e naŋ bɛta n yɔ ewura Hɛzekaya kutɔ n ya kaŋɛ mo le: “Ma, Enyɛnpe, fo nananyɛn ewura Deevid be Ebɔrɛ na, nu fo kabɔrɛkule nseŋ wu fo anishichubi na. Nchɛ asa be kefɛato, meeŋ chɛ fo nseŋ shin nɛ fo naŋ bɛta n yɔ bɔrɛlambu na to.

Ɛksodɔs 19:11

nseŋ wora shiriya a jo ma eklade. Kumo be kachɛ ma, Enyɛnpe Ebɔrɛ na beeŋ gbelge m ba Sainai be kebeegboŋ na so ashi basa na kikɛ be anishito.

Hoziya 6:2

Ta a yɔ nchɛnnyɔ ŋko nchɛnsa be kefɛato, e beeŋ ba chɛ anyi nseŋ naŋ sa anyi eleŋ saŋɛ na so anyi nɛ mo beeŋ baa wɔtɔ.

Ditɛronɔmi 11:31

Menyee dii Jɔɔdan be lɔr na nna nɛ men ya sɔ kasawule nɛ Enyɛnpe menyi be Ebɔrɛ na bee ta a sa menyi nɛ men chena so na nna na. Nɛ men kaŋ ya sɔ kumo n chena ndoŋ,

Ditɛronɔmi 3:18

Loŋ be jemanɛ na gbagba nɛ n ta mbraana ere n sa Ruben nɛ Gad be eyiri nɛ Manase be yiri be bargato nɛ b wɔ epeŋilarkpa be kaba so na: “Enyɛnpe anyi be Ebɔrɛ na e sa menyi kasawule nɛ k dese Jɔɔdan be epeŋilarkpa be kaba so ere. Men bela menyi be benapo ase nɛ b tu Israɛl be eyiri nɛ a ka na n dii Jɔɔdan be lɔrgboŋ na n ya chɛ bumo to ŋ kɔ n sɔ kasawule na n chena so.

Ditɛronɔmi 9:1

Israɛlebi, men nu nfe! Menyee sha kedii lɔrgboŋ nɛ baa tre Jɔɔdan na nna n ya kɔ n sɔ efuliana nɛ amo be basa kɔ eleŋ a chɔ menyi be kasawule n chena so na. Bumo be ndegboŋ kɔ egbalana nɛ amo be jeŋgreŋ du fanɛ a kaa bee chute awɔlpa nna.

Joshuwa 1:10

Ndoŋ nna nɛ Joshuwa kaŋɛ Israɛlebi na be ekrachi nimusoana le:

Joshuwa 1:2

“Naniere ma kayɛrbi Mosis wu, amoso fo nɛ Israɛlebi ere kikɛ e koso n dii Jɔɔdan be lɔr na n yɔ kasawule nɛ ŋ kɔ a sa bumo na so.

Joshuwa 3:2

Kumo be nchɛ asa be kaman nɛ bejuŋkparpoana na nite bumo be keeyi na to ŋ kaŋɛ basa na le: