Jɛremaya 9:9 - EBƆRƐ BE KAWƆL

⁹ Kumo be kaman nɛ Enyɛnpetale Ebɔrɛ na bishi le: A maŋ daga fanɛ ŋ gberge bumo kusoe, ŋko m bishi efuli nɛ k du le ere kuwule a?”

Jɛremaya 9:9 Iomraidhean Croise

Aizaaya 1:24

Amoso, naniere men nu kusɔ nɛ Enyɛnpetale Israɛl be Ebɔrɛ lempo na bee kaŋɛ. E yɛ: “Meeŋ wora n tal menyi nɛ men la n doŋana ere to, nɛ menyi maaŋ naa wora asheŋ a tɔrɔ ma.

Aizaaya 10:3

To, nɛ Ebɔrɛ bee gberge menyi kusoe, manɛ nɛ menyeeŋ wora? Nɛ e kaŋ shin nɛ efuli pɔtɛ ko so ebi shi kufɔ m ba nɛ b ba kɔ menyi kena m mur menyi, manɛ nɛ menyeeŋ wora? Nnɛ nɛ menyeeŋ shile n ya fin kechɛto ŋko nnɛ nɛ menyeeŋ ta menyi be mpetɛsɔ n ya ŋana?

Aizaaya 57:6

Kumo be kaman menyee ta elɔr be epun to be ajembu mɔlmɔlbi nna a ki agbir, nsaa ta nsa nɛ ajibi a lara esarga a sa amo. Menyee tama fanɛ kumo be loŋ bee par ma nna a?

Jɛremaya 12:11

B shin nɛ k ki kasawule jiga nɛ k maaŋ naŋ tiŋ n wora shɛŋ n sa ma. Kasawule na kikɛ ki fanɛ keshishɛrsawule nɛ kumo be asheŋ maŋ tir esa kikɛ.

Jɛremaya 12:4

Nfɛ afanɛ nɛ ewule beeŋ baa wɔ anyi be kasawule so, nɛ kaplɛkama be afitiri e wu nsaa maaŋ naa wɔtɔ? Asɔbɔya nɛ mbuibi kikɛ bee wu nna ŋkpal anyi be basa be lubi so. Ba kaa puchi a kaŋɛ le nna: “Ebɔrɛ maa wu kusɔ nɛ anyee wora.”

Jɛremaya 4:25

Basa daa maŋ naa wɔtɔ; hale mbuibi kikɛ gba firgi n choŋ.

Jɛremaya 5:29

Ma, Enyɛnpe Ebɔrɛ na beeŋ gberge bumo kusoe ŋkpal asheŋ ere kikɛ so. Meeŋ wora n tal efuli na kikɛ be basa to.

Jɛremaya 5:9

Manɛ so nɛ m maaŋ gberge Juda be efuli so be basa kusoe?

Hoziya 4:3

Ŋkpal loŋ so ewule lubi beeŋ yili menyi be kasawule ere so nɛ kusɔ kama nɛ k wɔ kumo so kikɛ e wu. Asɔbɔya nɛ mbuibi nɛ ekɔrɔtɔ kikɛ beeŋ wu.”

Jowɛl 1:19

Enyɛnpe Ebɔrɛ, fo nɛ mee shu a tre na, ŋkpal manɛ so, asɔbɔya be afitiri jiso kikɛ wɔl n chɔɔ n fige to nyam.

Eemɔs 5:1

Israɛl be basa, men nu keeli nɛ mee shu ŋkpal menyi so ere.

Eemɔs 5:2

Ma eshapo lela Israɛl, tɔr a dese kasawule, a maŋ naŋ tiŋ nɛ e koso! Nɛ b kplaŋ mo so ashi mo gbagba be efuli so. Esa kama maŋ chɛ mo to nɛ e niŋito.