Jɛremaya 9:8 - EBƆRƐ BE KAWƆL

⁸ Bumo be adonduloŋ du fanɛ atanyembi nɛ e kɔ kɔrtɔ nɛ k bee mɔ nna. Jemanɛ kikɛ baa ku efɛ nna. Ekama bee malga kelɔpo so nna a sa mbe echenashapo, ama kejigbelɛ nɛ e bee sho a nase nɛ e tɔr to na.

Jɛremaya 9:8 Iomraidhean Croise

2 Samuɛl 3:27

Abna ka ba na nɛ Jɔab keta mo n lar kabunagboŋ na ekpa fanɛ e ka bee sha nɛ e kuli m malga mo kutɔ na, nseŋ ta kasaŋɛ n da mbe epun nɛ e wu. Ŋkpal Abna ka mɔ Jɔab mo sipo Asahɛl so nɛ Jɔab malɛ mɔ mo na.

Nshɛ 12:2

Ekama bee fule mo barkasa nna. Mmalga belbelso nɛ b kɔ a fule abar.

Nshɛ 12:3

Enyɛnpe Ebɔrɛ, shin nɛ kafule be mmalga belbelso na e ku, nɛ adonduloŋ nɛ a bee ji njɔŋ a kaŋɛ fanɛ

Nshɛ 120:3

Menyi befɛpo ere, manɛ nɛ Ebɔrɛ beeŋ wora menyi? Nuso be kasogberge nɛ e beeŋ sa menyi?

Nshɛ 28:3

Sa maŋ ta ma n ti kumukpakpasowuraana nɛ basa lubi nɛ baa malga bumo braana kutɔ kashaso nsaa kre bumo ŋkre lubi ashi bumo be ŋgbene to na so ŋ kaŋɛ fanɛ n ji n tɔr.

Nshɛ 35:20

B maa malga kelɔposo kikɛ. B wɔtɔ nna a ku efɛ a sa basa nɛ ma nɛ bumo wɔtɔ kagbenewushiso na.

Nshɛ 55:21

Mbe kamalga wɔ ebel nna fanɛ mushoŋ; ama kekishi e bɔlɔ mbe kagbene to nɛ e wora shiriya nɛ e ta tokobi ŋ kɔ ma.

Nshɛ 57:4

N wɔ bedoŋ nɛ b du fanɛ ebuluŋ, nɛ baa kpɛa basa to na to nna. Bumo be anyii du fanɛ atanyembi nɛ akpa nna. Nɛ bumo be adonduloŋ bee ji fanɛ etokobi.

Nshɛ 62:5

Enyɛnpe Ebɔrɛ na nawule e naa sa kagbenewushi; amoso mo so nɛ ma tama yil so.

Nshɛ 64:8

Bumo gbagba be mmalga beeŋ kilgi n ji bumo, nɛ kufu e pɛ bekama nɛ b wu bumo, nɛ b fifi amu n chicha.

Aŋasa 25:18

Keji efɛ be shɛda ŋ gbiti esa du nna fanɛ fo ka da mo kasaŋɛ ŋko ketanyembi ŋko ŋ ŋe mo kedibi nna.

Jɛremaya 5:26

Basa nɛ baa wora asheŋ lubi wɔ ma basa to nna a pɛ bumo anya fanɛ kananɛ basa bee sho ashewu a pɛ mbuibi na.

Jɛremaya 5:9

Manɛ so nɛ m maaŋ gberge Juda be efuli so be basa kusoe?

Jɛremaya 9:3

Jemanɛ kikɛ b wora shiriya nɛ b baa ku efɛ nna. Kapuni e naa ji kuwura kasawule na so, mannɛ kashenteŋ. Ndoŋ nna nɛ Enyɛnpe Ebɔrɛ na kaŋɛ le: “Ma basa baŋ lar kulubi ko to baa luri kenyɔsopo to nna, bumo alɛ maŋ nyi fanɛ ma e la bumo be Ebɔrɛ na.”

Jɛremaya 9:4

A daga fanɛ ekama e baa de mo teriana be asheŋ woraso so, nsaa maŋ yirda mo kurgepoana be asheŋ woraso gba. Ŋkpal manɛ so, bekurgepoana na be ekama maa ji kashenteŋ fanɛ men nananyɛn Jeekɔb; ekama malɛ wɔtɔ nna a ku efɛ a jija mo teriana be atre.

Jɛremaya 9:5

Baa gben bumo be amu nna a fin ekpa popɔr nɛ baŋ bɔla so m puni bumo teriana nna.

Maika 6:12

Damawuraana na bee puni betirpo nna nɛ ekama malɛ bee ku efɛ.