Jɛremaya 9:5 - EBƆRƐ BE KAWƆL

⁵ Baa gben bumo be amu nna a fin ekpa popɔr nɛ baŋ bɔla so m puni bumo teriana nna.

Jɛremaya 9:5 Iomraidhean Croise

Jɛnesis 19:11

Kumo be kaman nɛ b shin nɛ basa na kikɛ, mbrantiɛ nɛ benyɛnnimu, tan ashi kowu ndoŋ nsaa maŋ naŋ tiŋ n wu kukuloŋ na.

Job be kawɔl 11:3

Job, fee fɛ fanɛ anyi maaŋ tiŋ n tuge fo mmalga ere to nna a? Esa wɔtɔ nɛ e fɛa fo so ŋkpal fo mmalga jiga ere so!

Job be kawɔl 15:5

Fo kɔnɔ to be mmalga e naa ŋini fo asheŋ lubi. Kamalganyi nɛ fee ta a kuŋ fo kumu bre de.

Nshɛ 140:3

Bumo be nnɔ to be mmalga du fanɛ awɔ lubi be kubɔr ashi esa be eyur to nna.

Nshɛ 50:19

Asheŋ lubi be kewora nawule be bare nɛ menyee bir; men be mmalga malɛ kikɛ la efɛ nna.

Nshɛ 52:3

Fee sha asheŋ lubi a chɔ asheŋ lela; nsaa sha efɛ a chɔ kashenteŋ be keji.

Nshɛ 64:3

Bumo be atuwebi bee besa nna fanɛ b ka ŋe esa kasaŋɛ na, nɛ bumo be mmalga du fanɛ b ka da esa ketanyembi na.

Nshɛ 7:14

Basa di alubi be dampo, nseŋ bela ase nɛ b kurge kafulesheŋ nɛ kumukpakpaso.

Aŋasa 12:5

Beshenteŋjipo bee wora asheŋ nɛ amo be ekpa so nna, ama belubiworapo bre bee fule basa nna.

Aŋasa 4:16

Basa lubi bre baŋ maŋ wora kulubi, b maaŋ tiŋ n di. B maaŋ tiŋ n di nɛ b maŋ wora kulubi ŋ gbiti esa ko.

Aizaaya 5:18

Asheŋ maaŋ nyalɛ n sa menyi! Menyi maaŋ tiŋ n suge menyi be amu ashi menyi be alubi to.

Aizaaya 57:10

Menyee gben ga a fin agbir popɔr, ama menyi alɛ maa gben a yige to. Menyee fɛ nna fanɛ menyi be agbirana nɛ amo be asheŋ bee nu ma agbo na e naa sa menyi eleŋ, amoso nɛ menyee sha amo na.

Jɛremaya 12:13

Ma basa daŋ dɔ n duu ayu, ama afitiri nɛ b teŋi. B daŋ shuŋ ŋ gben ga, ama bumo alɛ maŋ nya shɛŋ kumo to. Ŋkpal ŋ ka daŋ nya agbo ga so, bumo be adɔjibi daŋ maŋ wora n sa bumo.”

Jɛremaya 12:6

Fo kurgepoana nɛ fo kanaŋ to be basa kikɛ debɔr fo. B tu basa nɛ baa tɔrɔ fo ga na nna a tɔrɔ fo. Nɛ baa malga nɛnɛ a laŋɛ fo kaplɛa so gba, sa maŋ kaŋ yirda bumo.”

Jɛremaya 13:23

Edimɛdi beeŋ tiŋ n chɛrga bumo be kayurwule a? Karmɛ beeŋ tiŋ n chɛrga kumo be eyur so be chɛchɛrɛ na a? Nɛ baaŋ tiŋ n chɛrga bre, fo alɛ gba beeŋ tiŋ n chɛrga fo asheŋ lubi nawule na to nsaa wora asheŋ niŋiso.

Jɛremaya 4:22

Ndoŋ nna nɛ Enyɛnpe Ebɔrɛ na kaŋɛ le: “Ma basa maŋ kɔ nfɛra, bumo alɛ maŋ naa nyi ma. B du fanɛ mbia wulpo nɛ b maa pin asheŋ to nna. Asheŋ lubi be kebaawora nɛ b nyi ga, ama asheŋ lela bre b maŋ nyi amo be kewora.”

Jɛremaya 51:58

Babilɔn be kadegboŋ na be egbal danto na beeŋ bure n tɔr kasawule, nɛ kumo be mbunagboŋana na e ji edɛ. Kusɔ kama nɛ efuli na so be basa shuŋ ŋ gben n nya kikɛ beeŋ ji edɛ m mur. Ma, Enyɛnpe Ebɔrɛ e kaŋɛ na.

Jɛremaya 51:64

‘Kananɛ kejembugboŋ ere nɛ kawɔl ere muni nchu ere to ere nɛ Babilɔn be efuli gba beeŋ muni nsaa maaŋ naŋ tiŋ n lar jemanɛ nɛ Enyɛnpe Ebɔrɛ na beeŋ mur kumo na. Esa kama nɛ e wɔ kadegboŋ na to beeŋ wu nɛ efuli na maaŋ naŋ nya eleŋ ŋ koso kikɛ.’ ” Anebi Jɛremaya be kɔnɔ be ekar nna na.

Jɛremaya 7:28

Amoso kaŋɛ bumo le: ‘Men la efuli nɛ k maa wora Enyɛnpe, kumo be Ebɔrɛ kasonu nsaa maŋ naa sɔ mbe keŋini nna. Kashenteŋji mur nɛ esa kikɛ maŋ naa ji kumo be asheŋ gba kuraa.’

Jɛremaya 9:3

Jemanɛ kikɛ b wora shiriya nɛ b baa ku efɛ nna. Kapuni e naa ji kuwura kasawule na so, mannɛ kashenteŋ. Ndoŋ nna nɛ Enyɛnpe Ebɔrɛ na kaŋɛ le: “Ma basa baŋ lar kulubi ko to baa luri kenyɔsopo to nna, bumo alɛ maŋ nyi fanɛ ma e la bumo be Ebɔrɛ na.”

Jɛremaya 9:8

Bumo be adonduloŋ du fanɛ atanyembi nɛ e kɔ kɔrtɔ nɛ k bee mɔ nna. Jemanɛ kikɛ baa ku efɛ nna. Ekama bee malga kelɔpo so nna a sa mbe echenashapo, ama kejigbelɛ nɛ e bee sho a nase nɛ e tɔr to na.

Ezikɛl 24:12

Ama edɛ wuloŋ wuloŋ na gba kra maaŋ tiŋ n shin nɛ kumo be kekreŋso na kikɛ e lar kumo so.

Maika 6:12

Damawuraana na bee puni betirpo nna nɛ ekama malɛ bee ku efɛ.

Maika 6:3

E yɛ “Ma basa, manɛ nɛ n wora menyi? Men kaŋɛ ma, n la esulɔ nna n sa menyi a?

Habakuk 2:13

Efuliana nɛ men daŋ kɔ m pɔɔ so na be basa daŋ shuŋ ŋ gben jiga hale a bɛlɛ nna. Asɔ nɛ b gben m pɔr na kikɛ ji edɛ. Enyɛnpe Ebɔrɛ e shin nɛ loŋ wora na.

Malakai 2:10

Mannɛ etuto koŋwule nɛ anyi kikɛ kɔ a? Ŋko mannɛ Ebɔrɛ koŋwule e to anyi a? Nɛ manɛ e ba nɛ anyee kini kebɛ nnɔ nɛ an nase n sa abar na so? Manɛ e ba nɛ anyee kplaŋ ŋkre nɛ Ebɔrɛ nɛ an nananyɛnana kre na so?

Ɛfesesebi 4:25

Amoso, men be ekama e lara efɛsheŋ ashi mbe kebaawɔtɔ to nsaa malga kashenteŋ be mmalga a sa mo braana, ŋkpal manɛ so, an kikɛ la eyur koŋwule to be mba nna.

1 Timoti 4:2

Le be keŋini ere shi kebirkɔnshi be befɛpo nɛ nfɛra lubi deŋ bumo na kutɔ nna.

Demujipoana 2:10

Joshuwa be jemanɛ to be basa na kikɛ ka wu be kaman, bumo nɛ b ka na daa maŋ naa nyi Enyɛnpe Ebɔrɛ na ŋko asɔ nɛ e wora n sa Israɛl na.